Yehauvas Nrog Nraim Kuv
1. Lawv tsis tso cai rau peb qhia Vajtswv Txoj Lus.
Kuv yuav tau siv zog thov Yehauvas pab kuv.
Kuv yeej xav ua li nws hais dua li neeg hais,
Vim Yehauvas yog tus loj dua ntais.
(TXAIS)
Kuv yuav tsis poob siab li. Kuv tus Vajtswv yog tus muaj hwj chim.
Tsis muaj ib yam dab tsi yuav los ua rau kuv ntshai.
Yog Yehauvas nrog nraim kuv, ces kuv yeej tsis ntshai.
2. Hnub no, kuv ntsib ib tug neeg kev nyuaj siab.
Yog nws paub Vajtswv Txoj Lus nws yuav zoo siab.
Kuv yuav thov Vajtswv coj kuv mus ntsib nws ntxiv.
Qhia nws paub ntiaj teb tshiab, lub neej mus ib txhis.
(TXAIS)
Kuv yuav tsis poob siab li. Kuv tus Vajtswv yog tus muaj hwj chim.
Tsis muaj ib yam dab tsi yuav los ua rau kuv ntshai.
Yog Yehauvas nrog nraim kuv, ces kuv yeej tsis ntshai.
(HLOOV SUAB)
Lub siab kub lug tag npaum rau Vajtswv Txoj Lus.
Kuv tsis xav muab zais, yuav tau qhia mus.
Qhia sawv daws paub Yehauvas lub npe.
Tsis muaj leej twg yuav txwv tau kuv txoj hau kev.
Kuv nco ntsoov cov kwv tij muaj lub siab loj.
Lawv txhua tus, cuab tau kuv lub dag zog,
Los ua Vajtswv hauj lwm txhawb lub Nceeg Vaj,
Mus txog hnub kawg mus txog ntiaj teb peb vam.
3. Kuv ris Vajtswv txiaj ntsig rau kuv lub neej.
Kuv thiaj li siv zog ua neej raws qhov tseeb.
Txawm kuv tsis paub tag kis yuav zoo li cas,
Muaj Yehauvas nrog kuv, qhov ntawd zoo tshaj.
(TXAIS)
Kuv yuav tsis poob siab li. Kuv tus Vajtswv yog tus muaj hwj chim.
Tsis muaj ib yam dab tsi yuav los ua rau kuv ntshai.
Yog Yehauvas nrog nraim kuv, ces kuv yeej tsis ntshai.
