Hangalaky:

• Tononkira Misy Noty

1. 1. Vo nifoha maray aho nivavaky tse

   Satria ta hitory aho, ta hahavita be.

   Nirarà zaho fe zay tsy nampieny ahy,

   Satria Jehovah ro mandidy ahy.

   (FIMPOLIA)

   Ka tsy mihozo aho, manintsinintsy ty anaiko any,

   Satria Jehovah tsy miala anilako eo,

   Ka tsisy raha havakako ndre ino hiseho.

2. 2. Mampalahelo ahy olo niresahako rey,

   Tsy misy raha hainy, fa le voa marè.

   Enga anè mbo ho tratsiko eo ndraiky ie,

   Fa tena hahasoa azy fahamarina tỳ!

   (FIMPOLIA)

   Ka tsy mihozo aho, manintsinintsy ty anaiko any,

   Satria Jehovah tsy miala anilako eo,

   Ka tsisy raha havakako ndre ino hiseho.

   (TETEZA)

   Ty safàny mahery, tsy tanjako ho ahy,

   Mandoro am-poko ao, tsy hay tanjahy.

   Zaho hanambara ty anara-Jah,

   Le tsy hienieny aho ndre horarà.

   Tsy mialy raiky aho fa ao longoko reo.

   Tsy ta ty finoako, miakatsy mbeo.

   Hiantsa, hihira aho ho anao anabo ao,

   Fa fa tsy ho ela ty tontolo vaovao.

3. 3. Lafa aho mitsilailay am-pandreako eo,

   Misaotsy ani-Jehovah aho, miroro bakeo.

   Mbo tsy haiko androany ty ho hamaray,

   Fe Jehovah ho eo hanampy ahy.

   (FIMPOLIA)

   Ka tsy mihozo aho, manintsinintsy ty anaiko any,

   Satria Jehovah tsy miala anilako eo,

   Ka tsisy raha havakako ndre ino hiseho.