Rov Los Txog Tsev
1. Nyob rau hauv kuv lub neej,
Kuv ua zaj twg los tsis tsheej.
Kuv ua neej nyuaj siab ntsuav,
Vim tsis muaj ib tug twg yuav los hlub tshua.
Kuv thiaj nco dheev txog Yehauvas,
Kuv cia li qe muag kiag thov nws pab.
(TXAIS)
Yehauvas mloog kuv tej lus quaj thov.
Nws yog tus uas pab coj kuv rov qab los.
Zaum no kuv yuav tsis rov qab mus xyaum cov nyiam kev phem,
Kuv thiaj rov qab los txog kuv lub tsev.
2. Yehauvas lub tsev yog
Qhov chaw ua rau kuv tuaj zog.
Muaj cov kwv tij nkauj muam,
Uas ib txwm sib pab sib txhawb, sib hlub sib tshua.
Yog koj xav tau lub neej zoo yam no,
Cia li thov Vajtswv pab koj rov qab los.
(TXAIS)
Yehauvas yuav mloog koj tej lus thov.
Nws mam li pab coj koj kev rov qab los.
Nco ntsoov tias tsis txhob rov qab mus xyaum cov nyiam kev phem,
Ces koj yeej yuav rov qab los txog tsev.
(HLOOV SUAB)
Txhua tus yuav zoo siab,
Tias koj los txog tsev lawm tiag.
Lawv yuav los puag koj,
Twb yog vim koj rov qab los txog.
Txhua tus tos,
Koj rov los.
(TXAIS)
Yehauvas yeej mloog koj txhua lo lus thov.
Nws twb pab coj tau kiag koj rov qab los,
Nrog txhua tus nyob sov siab so.
Nco ntsoov tsis txhob muab tso.
Rov qab los.
