Bu lugar
Diskarega:
1. Óndias di dizafiu
Ba ta leba-m divagar.
N xinti un vaziu
Kantu‿N bai pa lonji, pa altu mar.
Má Jeová obi-m i‿el djobe-m.
N perde, má nha Deus ka skese-m.
(KORU)
El atxa-m i karega-m na ragás.
El lenbra-m kel ki fika-m pa tras.
Jeová traze-m pa nha kaza, djuntu nhas irmon,
Nha família k’el da-m, nha lugar.
2. Mi é‿un algen midjór
Bera di nha Pai ku‿irmons.
É li ki ten amor,
Ki‿N ten diskansu, pas i se proteson.
Si sima mi, bu perde tanbê,
Bu ten un pastor ki krê djuda-u ben.
(KORU)
El ta atxa-u i karega-u na ragás.
El ta mostra-u ma inda‿el t’ama-u ti dimás.
El ta traze-u pa bu kaza djuntu bus irmon,
Bu família k’el da-u, bu lugar.
(MUDANSA DI RÍTIMU)
“Nu sta kontenti
Di torna‿odja-u i brasa-u.”
É si ki nu krê fla-u,
Pamô li k’é bu lugar.
Bu lugar.
Nos lugar.
(KORU)
Dj’el atxa-u, p’el karega-u na ragás,
P’el mostra-u, m’el ta ama-u dimás,
P’el traze-u pa bus irmon,
Pa bu kaza, bu lugar.
Bu lugar.
