«Bin káuʼkʉchʉ ni» (Asambleaseʼ azamʉya 2023 zanʉn)
1. Du zʉna neyka waʼkʉn nukweʼri,
birin zanisi nʉgowna neyka ni.
Meʼzʉna neyka nawʉngwásiri,
nʉnkaʼsana ɉwin niwaʼkʉn nuga ni.
(AYA KINGWI)
Tanʉ niweʼzari minwaʼkʉngwásiri,
niwingunámʉsa ú.
Meʼzʉna neykari nʉnchunha ʉwa ni.
Nʉnkaʼsana ɉwínseʼri
«bin káuʼkʉchʉ ni».
2. Akowna nekʉ, wichana neyka
Niwipáwseʼri kʉkana awʉngwa ni.
Ma zaná nari wáʼkʉkwa neyka
niwikʉnari azwey nukʉngwa ni.
(AYA KINGWI)
Tanʉ niweʼzari minwaʼkʉngwásiri,
niwingunámʉsa ú.
Meʼzʉna neykari nʉnchunha ʉwa ni.
Nʉnkaʼsana ɉwínseʼri
«bin káuʼkʉchʉ ni».
3. Nʉnkaʼsana ɉwin kinkumúʼgwiri
mitaka ʉwa nʉtakʉn nuga ni.
Micheynáy nari ta neykásinri
twiré mikeywe zeyzey naʼzʉna ni.
(AYA KINGWI)
Tanʉ niweʼzari minwaʼkʉngwásiri,
niwingunámʉsa ú.
Meʼzʉna neykari nʉnchunha ʉwa ni.
Nʉnkaʼsana ɉwínseʼri
«bin káuʼkʉchʉ ni».
Du zanʉngwa bin za ni.
(Col. 1:11 takagwi ú).
