Inge muntu waikala musapwishi, uyuka kuba’mba jibumba ja bupopweshi ja Bakamonyi ba kwa Yehoba ja ntanda yonse, kubikapotu ne kipwilo kya Bakamonyi ba kwa Yehoba kyo ajimo, ofweshi wa musampi, ne bipamo bikwabo bya Bakamonyi ba kwa Yehoba bingijisha mabulañano anji kwesakana na mwayila mizhilo yaamba pa kwingijisha mabulañano a muntu mu bya bupopweshi. Basapwishi bapana mabulañano abo ku kipwilo kwesakana na byaamba buku wa Bakwatankana Kuba Kyaswa Muchima wa Yehoba pa kuba’mba bengilengako mingilo yapusana-pusana ya bupopweshi ne kwibakwasha ku bakulumpe mu kipwilo.—1 Petelo 5:2.

Basapwishi bakonsha ne kubulañanako bintu bikwabo pa kuba’mba bengilengako mingilo ikwabo ya Bakamonyi ba kwa Yehoba ya bupopweshi. Ano mabulañano avwangamo jizhina, juba ja kusemwa, kubulañana inge mwanamulume nangwa mwanamukazhi, juba jo abatizhiwe, keyala, nangwa byambo byalumbulula biji bulunda bwabo na Lesa, byo bengila mu mwingilo, ne mingilo ikwabo ya mu jibumba ja Bakamonyi ba kwa Yehoba. Mabulañano a musapwishi akonsha kuvwangamo ne bintu byo aitabilamo ne bintutu bikwabo bya bufyamfya. Kutambula mabulañano kwavwangamo, kunemba bulongo byambo, kwibitanchika bulongo, kwibilama bulongo, ne mingilo ikwabo yo boba na ano mabulañano.

Muzhilo wa Kuzhikijila Mabulañano mu kino kyalo ke:

Muzhilo wa Kuzhikijila Mabulañano (EU) 2016/679.

Kulondela uno muzhilo basapwishi baswisha Bakamonyi ba kwa Yehoba kwingijisha mabulañano abo mu ino mbaji:

• kwikalako na mbaji pa kupwila kwa pa kipwilo kwa Bakamonyi ba kwa Yehoba ne kwipana kwingilako mingilo ikwabo;

• kusalapo kwikala na lubaji pa kupwila, pa kubuñana, kushonkena ko bakopa ne pa TV wa pa intaneti pa kuba’mba Bakamonyi ba kwa Yehoba mwaya ntanda bamwenemo mu mafunjisho a ku mupashi;

• kwingilako mingilo mu kipwilo, kwavwangamo kunemba jizhina ja musapwishi ne mwingilo ye akengila ne kubika pa kipabi kya mabulañano mu Nzubo ya Bufumu ya Bakamonyi ba kwa Yehoba;

• kulama Bikachi bya Basapwishi mu Kipwilo;

• bakulumpe mu kipwilo kya Bakamonyi ba kwa Yehoba bafunga ne kuta muchima bantu ba Lesa (Byubilo 20:28; Yakoba 5:14, 15);

• kunemba keyala ne nambala ya foni yo bakonsha kwingijisha bukiji bukiji inge kwamweka bya malwa.

Balama mabulañano pa kimye kyabaya kwesakana na mingilo yo twaambapo peulupo. Inge musapwishi mwine wabula kufwachika pa pepala utelwa’mba Notice and Consent for Use of Personal Data, Bakamonyi ba kwa Yehoba kechi bakonsha kuyuka inge kya kuba awo musapwishi wakonsha kwingila bulongo mingilo ikwabo mu kipwilo nangwa kumuvwangamo mu mingilo imo ya bupopweshi ne.

Mabulañano a muntu bakonsha kwiatuma, inge kya kuba abena kukebewa kabiji beengijisha ku bipamo bya Bakamonyi ba kwa Yehoba. Basapwishi bayuka’mba bipamo bimo bya Bakamonyi ba kwa Yehoba biji mu byalo muji mizhilo yapusanako yaamba pa bya kulama mabulañano a muntu, kechi yakonsha kwesakana na mizhilo ya ku kyalo ko bafuma ne. Nangwa byonkabyo, basapwishi bayuka’mba kipamo kyonse kyakonsha kutambula mabulañano, nabiji bipamo biji pa ofweshi mukatampe wa ntanda yonse wa Bakamonyi ba kwa Yehoba ku United States, bakeengijisha kwesakana na Muzhilo wa Bakamonyi ba kwa Yehoba wa Kuzhikijila Mabulañano.

Basapwishi baji na luusa lwa kumona mabulañano abo, kwiafuta, nangwa kukanya kwiengijisha, ne kunembulula bulongo po balubankenye pa mabulañano alama Bakamonyi ba kwa Yehoba. Basapwishi bakonsha kukanya kwingijisha mabulañano abo o baswishishe patanshi. Inge musapwishi wapaine luusa lwa kuba’mba bengijishenga mabulañano anji monka mwayila mizhilo pano wafuukulapo kuba’mba bekileke kwiengijisha, Bakamonyi ba kwa Yehoba bakonsha kutwajijila na kwingijishako mabulañano amo kwa kubula aye mwine kuswisha, inge kya kuba’mba awo muntu watwajijila kwikala mu jibumba ja Bakamonyi ba kwa Yehoba nangwa kwibingijisha mu jishinda jikwabo kwesakana na byaamba Muzhilo Uzhikijila Mabulañano a bantu. Basapwishi bayuka’mba baji na luusa lwa kwijizhanya ku bipamo bitala pa kuzhikijila mabulañano a bantu mu kyalo mo bekala.

Bakamonyi ba kwa Yehoba nabo bengijishako mashinda apusana pusana a kuzhikijilamo mabulañano a bantu kwesakana na Muzhilo Waamba pa Kuzhikijila Mabulañano. Basapwishi bayuka’mba bantu bachechetu bo baswisha mwayila mizhilo kumona mabulañano abo pa kuba’mba beengijishe mu bintu byo twaambapo peulu.

Inge kujipo byo mukeba kwipuzha pa kuzhikijila mabulañano enu, mwakonsha kwingijisha e-mail ne kutumina utala pa kuzhikijila bino bintu kwingijisha uno keyala:

DataProtectionOfficer.PL@jw.org.

Basapwishi bayuka’mba keyala ne nambala ya bantu batala pa kulama mabulañano a bantu mu kyalo mo bekala, ne a muntu wimenako bano bantu akonsha kutanwa pa keyala wa pa intaneti pa kibaaba kya kuba’mba Data Protection Contacts kiji pa jw.org.

Mabulañano akonsha kupimpulwako na mambo a kupimpulwa kwa mingilo yo twingila mu jibumba ja Lesa, , kupimpulwa kwa mizhilo nangwa na mambo a kuyilako palutwe mu bya makompyuta. Inge kwaikala lupimpu ku kibaaba kyaamba pa Mizhilo ya bya Kwingijisha Mabulañano a Muntu, tukabuulañana luno lupimpu pa kuba’mba mukayukenga byambo byo tutambula ne bya kwibingijisha. Mwane muyengapo pa uno musabilo pa kuba’mba muyukenga inge paubiwa lupimpu.