Omuntu ku arikuba omubuurizi, naakimanya ngu ekibiina ky’ediini eky’Abajurizi ba Yehova omu nsi yoona (“Abajurizi ba Yehova”), otwariiremu ekibiina eki arikuba arimu, ofiisi y’eitaagi, n’ebindi bigombe by’Abajurizi ba Yehova, nibikoresa ebirikumukwataho kuhikaana n’ebigyendererwa by’ekibiina eki ebihikire. Ababuurizi beekundiire nibahayo omu kibiina kyabo ebirikubakwataho nk’oku kirikworekwa omu kitabo Organized to Do Jehovah’s Will kugira ngu beejumbe omu buheereza bw’ediini kuhikaana n’okuramya kwabo, kugira ngu babaase kuhwerwa omu by’omwoyo.—1 Petero 5:2.

Ebirikukwata aha muntu nibitwariramu eiziina rye, obu yaazaarwa, obuhangwa bwe, obu yaabatizibwa, endagiriro ye, embeera ye ey’eby’omwoyo, ripoota y’okubuurira, obujunaanizibwa obu arikubaasa kuba aine omu kibiina ky’Abajurizi ba Yehova, n’ebindi ebi ababuurizi barikuhayo baagumizamu nibeejumba omu buheereza. Nibibaasa kutwariramu enyikiriza z’omubuurizi n’ebindi ebirikumukwataho nk’omuntu. Enkoresa y’ebirikukwata aha muntu neebaasa kutwariramu okubitunga, okubihandiika, okubitereeza, n’okubibiika, n’emiringo endiijo ei birikubaasa kukoresibwamu.

Ekiragiro ky’Okurinda Ebirikukwata aha muntu omu ihanga eri n’eki:

Ekiragiro ky’Okurinda Ebirikukukwataho n’Enkoresa Yaabyo, 2019.

Abajurizi ba Yehova barikugyendera aha Kiragiro ky’Okurinda Ebirikukukwataho, nibakoresa ebirikukwata aha babuurizi ahabw’enshonga z’ediini, otwariiremu ezi:

• okurinda ebirikukwata aha diini y’Abajurizi ba Yehova n’okuheerezamu

• okwejumba omuri rumwe aha nteerane z’ekibiina ky’Abajurizi ba Yehova n’okuhwera omu buheereza obw’omuringo gwona nari omu kwombeka

• okucwamu kwejumba omu ruteerane rw’ekibiina, orwa saketi, nari oruhango orw’ebiro bishatu orukwatsirwe na vidiyo erimu obuhabuzi bw’eby’omwoyo obw’Abajurizi ba Yehova omu nsi yoona

• okuhikiiriza obuheereza bw’omuringo gwona nari obundi bujunaanizibwa omu kibiina

• okugumya kaada ezirikwetwa Congregation’s Publisher Record

• okuriisa n’okureeberera ekibiina ebirikukorwa abareeberezi b’Abajurizi ba Yehova (Ebyakozirwe 20:28; Yakobo 5:14, 15)

• okuhandiika ebirikukwata aha kuhunga ahonaaho haabaho akahuurukano k’ahonaaho

Ebirikukwata aha muntu nibiija kubiikwa kuhitsya ebyagambwaho aha ruguru nari ebigyendererwa ebindi ehikire byahikiirizibwa. Omubuurizi yaashabwa kuhayo ebirikumukwataho akanga, nari yaayanga ngu bitahandiikwa, nari omuzaire w’omwana otakahikize emyaka 18 nari omukuza we yaashabwa kuta omukono aha foomu Notice and Consent for Use of Personal Data reero akanga, Abajurizi ba Yehova nibabaasa kutahamya yaaba omubuurizi ogwo ahikire kuhikiiriza obujunaanizibwa bwona omu kibiina, nari kwejumba omu buheereza bw’ediini obw’omuringo gwona.

Abajurizi ba Yehova bari omu nsi yoona. N’ahabw’ekyo, ebirikukwata aha muntu nibabaasa kwijururwa kuza aheeru y’eihanga rye, kwoherezibwayo, nari kubiikwayo. Eki nikibaasa kutwariramu amahanga againe ebiragiro by’omutaano eby’okurinda ebirikukwata aha bantu, ahu birikubaasa kwoherezibwa. Abajurizi ba Yehova nibakora kyona ekirikubaasika kuhamya ngu baaba niboohereza ebirikukwata aha muntu byarindwa gye. Eki nikibaasa kutwariramu okukoresa endagaano ezihikire. Abajurizi ba Yehova boona abarikutunga ebirikukwata aha muntu nibabikoresa kuhikaana n’Ekiragiro ky’Okurinda Ebirikukwata aha Muntu omu Nsi Yoona eky’Abajurizi ba Yehova.

Ababuurizi baine obugabe bw’okureeba ebirikukwataho, okushaba kutemaho ebimwe, nari okuta emihingo aha nkoresa yaabyo, okuzibira kubikoresa, n’okutereeza ebishobire ebirikuba bibiikirwe Abajurizi ba Yehova. Ababuurizi baikiriza ngu ebirikubakwataho bikoresibwe omu muringo ogundi, bwanyima nibabaasa kuhinduramu aha nkoresa yaabyo omu biro by’omumaisho. Ababuurizi baayanga ngu ebirikubakwataho bitakoresibwa, nari baayenda ngu bitagaruka kukoresibwa, nari baashaba ngu bitemwe, nari enkoresa yaabyo eteebweho emihingo, Abajurizi ba Yehova nibabaasa kugumizamu nibakoresa bimwe aharibyo kuhikaana n’ebigyendererwa by’ediini yaabo ebihikire nari barikwihirira aha Kiragiro ky’Okurinda Ebirikukwata aha Muntu ekindi. Ababuurizi nibamanya ngu baine obugabe bw’okuhababa aha barikureeberera ebirikukwata aha bantu omu ihanga eri barikuba barimu.

Abajurizi ba Yehova batungire emiringo mingi ey’okurinda ebirikukwata aha bantu kuhikaana n’Ekiragiro ky’Okurinda Ebirikukwata aha Bantu. Ababuurizi nibamanya ngu ebirikubakwataho nibikoresibwa abantu bakye abaikiriziibwe kuhikiiriza emigasho eyaagambwaho aha ruguru.

Waaba nooyenda kubuuza ekintu kyona aha bikwatiraine n’okurinda ebirikukwata aha bantu noobaasa kwohereza email aha ndagiriro egi:

DataProtectionOfficer.UG@jw.org

Ababuurizi nibamanya ngu endagiriro z’orikurinda ebirikubakwataho omu ihanga eri barimu, obundi n’ebirikukwata ahari ogwo orikumujwekyera nari orikukurira okurinda ebirikukwata aha bantu, nizibaasa kushangwa aha Okurinda Ebirikukukwataho aha jw.org.

Ebirikukwata aha bantu eby’Abajurizi ba Yehova nibibaasa kuhinduka obumwe n’obumwe, ahabw’okuhinduka kw’obuheereza bw’omuntu, ebiragiro, nari ahabw’okutunguuka omu bya karibwengye. Ku kiraabe kyayetengyeise kuhindura Enkoresa y’Ebirikukwata aha Bantu, empinduka ezi niziija kuteebwa aha mukura ogu kugira ngu ababuurizi bagume nibamanya ebirikwetengyesa n’oku birikukoresibwa. Nyabura ’we guma noozaho kureeba ebihindwirwemu aha mukura ogu.