Banha nga Niyebe

ANG mga siyentipiko nakadiskobre nga sa dihang ang niyebe mahulog sa tubig, ang matag tipik sa niyebe magpatunghag tingog, nga dili madungog sa mga tawo. Sama sa tingog sa siren sa bombero, kining tingog sa niyebe nga nangahulog sa tubig mokusog pag-ayo ug dayon mawala, ngatanan sa halos usa sa napulo ka libo ka bahin sa segundo.

Ang tulo sa ulan o ulan nga yelo mounlod sa tubig, apan ang mas gaan nga tipik sa niyebe molutaw sa ibabaw. Apan, sa dili madugay kini matunaw, ug ang “pag-agungoy,” nga gihisgotan sa ibabaw, mahitabo. Namatikdan kini mga 15 ka tuig na ang milabay, apan ang maong butang wala tukia. Sa katuigang bag-o pa, hinunoa, ang kabanha nakatugaw na sa mga biologo sa Alaska nga naggamit ug sonar sa pagsubay sa nanglalin nga mga salmon. Sa dihang ang makabaldang kabanha sa nangahulog nga mga niyebe mosapaw sa mga signal gikan sa isda, ang operasyon sa pagpaniid kinahanglang hunongon. Unsay hinungdan niining talagsaong hitabo?

Ang magasing New Scientist nagsaysay nga sa dihang ang tipik sa niyebe molutaw sa tubig, adunay diyutayng kabanha sa ilalom. Apan sa dihang ang tipik mosugod sa pagkatunaw, ang tubig suyopon pinaagi sa capillary action, o nagabutad nga puwersa tali sa solido ug likido. Tingali niining higayona nga ang mga bula ipagawas gikan sa tipik sa niyebe o dili makagawas tungod sa pagtubo sa tubig. Ang matag bula mag-uyog-uyog samtang kini maningkamot nga mabalanse sa palibot niini, ug tungod niini, kini magmugnag mga balod sa tingog, daw sama sa nagbagting nga kampanilya​—apan mas tagning.

[Picture Credit Line sa panid 31]

Snow Crystals/Dover