മിമി​ക്രി​ക്കാർ വംശനാശ ഭീഷണി​യിൽ

ബ്രിട്ടനിലെ ഉണരുക! ലേഖകൻ

“ഭൂമു​ഖത്ത്‌ ഏറ്റവു​മ​ധി​കം വംശനാശ ഭീഷണി നേരി​ടുന്ന പക്ഷിക​ളിൽ ഒന്നാണ്‌” തത്തകൾ എന്ന്‌ യു.എസ്‌.എ.-യിലെ മേരി​ലാൻഡ്‌ യൂണി​വേ​ഴ്‌സി​റ്റി​യി​ലെ ഡോ. തിമൊ​ത്തി റൈറ്റ്‌ പറയുന്നു. സങ്കടക​ര​മെന്നു പറയട്ടെ, അവയുടെ വർണാ​ഭ​മായ തൂവലു​ക​ളും മനുഷ്യ​ശബ്ദം അനുക​രി​ക്കാ​നുള്ള ആകർഷ​ക​മായ പ്രാപ്‌തി​യും അവയെ വംശനാ​ശ​ത്തി​ന്റെ അപകട​ത്തി​ലേക്കു തള്ളിവി​ട്ടി​രി​ക്കുന്ന ഘടകങ്ങ​ളാണ്‌.

രസകര​മെ​ന്നു പറയട്ടെ, ഒരു വളർത്തു തത്തയെ കുറി​ച്ചുള്ള അറിയ​പ്പെ​ടുന്ന ഏറ്റവും ആദ്യത്തെ ലിഖിത വിവരണം തയ്യാറാ​ക്കി​യത്‌ പൊ.യു.മു. അഞ്ചാം നൂറ്റാ​ണ്ടിൽ ജീവി​ച്ചി​രുന്ന ഒരു ഗ്രീക്ക്‌ വൈദ്യ​നാ​യി​രു​ന്നു. നീണ്ട വാലുള്ള ആ ചെറിയ ഇനം തത്ത അതിന്റെ സ്വദേ​ശ​മായ ഇന്ത്യയി​ലെ ഒരു ഭാഷയി​ലെ ഏതാനും പദങ്ങൾക്കു പുറമേ ഗ്രീക്ക്‌ പദങ്ങളും പറയാൻ തുടങ്ങി​യ​പ്പോൾ അദ്ദേഹം അമ്പരന്നു​പോ​യി.

ഇന്ന്‌ തത്തയുടെ ശബ്ദാനു​കരണ പ്രാപ്‌തി, ഓമനി​ച്ചു വളർത്തുന്ന പക്ഷി എന്ന നിലയി​ലുള്ള അതിന്റെ ജനപ്രീ​തി വർധി​പ്പി​ക്കു​ന്നു. അത്‌ അതിനെ അനധി​കൃ​ത​മാ​യി പിടിച്ച്‌ കൂടു​ത​ലാ​യി വിറ്റഴി​ക്കാ​നും ഇടയാ​ക്കി​യി​രി​ക്കു​ന്നു. അനധി​കൃത നായാ​ട്ടു​കാർ 14 രാജ്യ​ങ്ങ​ളി​ലെ 21 സ്‌പീ​ഷീ​സു​ക​ളു​ടെ 30 ശതമാനം കൂടു​ക​ളും 4 സ്‌പീ​ഷീ​സു​ക​ളു​ടെ 70 ശതമാനം കൂടു​ക​ളും നശിപ്പി​ച്ചി​രി​ക്കു​ന്ന​താ​യി കഴിഞ്ഞ 20 വർഷത്തെ പഠനങ്ങൾ കാണി​ക്കു​ന്നു. ഈ പക്ഷിയു​ടെ സാവധാ​ന​ത്തി​ലുള്ള പ്രജനന നിരക്കും—സാധാ​ര​ണ​ഗ​തി​യിൽ ഒരു വർഷം ഒരു തവണയേ അവ മുട്ടയിട്ട്‌ കുഞ്ഞു​ങ്ങളെ വിരി​യി​ക്കാ​റു​ള്ളൂ—അതിന്റെ സ്വാഭാ​വിക ആവാസ​സ്ഥ​ല​ത്തി​ന്റെ നാശവും അവയുടെ വില ഉയരാൻ ഇടയാ​ക്കി​യി​രി​ക്കു​ന്നു, തത്തയുടെ എണ്ണം കുറയു​ന്തോ​റും അതിന്റെ വില കൂടുന്നു.

ചില സ്‌പീ​ഷീ​സു​ക​ളു​ടെ എണ്ണം വളരെ കുറഞ്ഞു​പോ​യി​രി​ക്കു​ന്ന​താ​യുള്ള റിപ്പോർട്ടു​കൾ അവ നേരി​ടുന്ന വംശനാശ ഭീഷണി എത്ര ഗുരു​ത​ര​മാ​ണെന്നു വെളി​പ്പെ​ടു​ത്തു​ന്നു. ബ്രസീ​ലിൽ ലിയർസ്‌ മാക്കത​ത്ത​ക​ളു​ടെ എണ്ണം 200-ലും കുറവാ​ണെന്നു കണക്കാ​ക്ക​പ്പെ​ടു​ന്നു. പോർട്ടോ​റി​ക്കൻ തത്തയുടെ കാര്യം അതി​നെ​ക്കാൾ കഷ്ടമാണ്‌. അവയിൽ 50-ൽ താഴെ എണ്ണമേ ഇപ്പോൾ വനത്തി​ലു​ള്ളൂ. വന്യപ​രി​സ്ഥി​തി​യിൽ വംശനാ​ശ​ത്തിന്‌ ഇരയായി എന്ന്‌ കരുത​പ്പെ​ടുന്ന സ്‌പി​ക്‌സസ്‌ മാക്കത​ത്ത​യു​ടെ നിലനിൽപ്പ്‌, കൂട്ടി​ലാ​ക്കി പ്രജനനം നടത്തു​ന്ന​തി​നുള്ള ശ്രമങ്ങളെ ആശ്രയി​ച്ചി​രി​ക്കു​ന്നു.

അവ ഈ ഭൂമു​ഖത്ത്‌ നിലനിൽക്കു​ന്നി​ട​ത്തോ​ളം കാലം, കണ്ണഞ്ചി​പ്പി​ക്കും​വി​ധം സുന്ദര​മായ ഈ പക്ഷികൾ അവയുടെ ഉത്‌കൃ​ഷ്ട​മായ സൗന്ദര്യ​ത്തി​ലും അത്ഭുത​ക​ര​മായ പ്രാപ്‌തി​ക​ളി​ലും സ്‌പഷ്ട​മാ​യും ആനന്ദം കണ്ടെത്തുന്ന ഒരു സ്രഷ്ടാ​വി​നു സാക്ഷ്യം വഹിക്കു​ന്നു. മനുഷ്യ​ന്റെ അത്യാർത്തി തത്തകളെ വംശനാ​ശ​ത്തിൽ കൊ​ണ്ടെ​ത്തി​ക്കു​മോ? കാത്തി​രു​ന്നു കാണാം. ഏതായാ​ലും, ഇപ്പോൾ ഈ മിമി​ക്രി​ക്കാർ വംശനാശ ഭീഷണി​യി​ലാണ്‌. (g02 7/22)

[31-ാം പേജിലെ ചിത്രങ്ങൾ]

പോർട്ടോറിക്കൻ തത്തകൾ

ലിയർസ്‌ മാക്കതത്ത

സ്‌പിക്‌സസ്‌ മാക്കത​ത്ത​കൾ

[കടപ്പാട്‌]

പോർട്ടോറിക്കൻ തത്തകൾ: U.S. Geological Survey/Photo by James W. Wiley; ലിയർസ്‌ മാക്കതത്ത: © Kjell B. Sandved/Visuals Unlimited; സ്‌പി​ക്‌സസ്‌ മാക്കതത്തകൾ: Progenies of and courtesy of Birds International, Inc.