avargaludaiya udaiyaiyum thalaimudiyaiyum paartthu thappukkanakku pōttēn

ailīn brambaa

‘palaiya olungu jerman baaptist bradharan’ endra madhatthildhaan naan irundhēn. adhu 1708-il jermaniyil uruvaana romba karaaraana, pirpōkkaana oru madham. dhi ensaiklōppīdiyaa aaf rilijan solgirapadi, kristhuvai patriya nalla seidhiyai ellaa makkalum kētka vēndum endra kurikkōlōdudhaan indha bradharan madham uruvaakkappattadhu. adhanaaldhaan, ulagatthilulla niraiya naadugalukku adhu mishanarigalai anuppiyadhu.

1719-il, aleksaandar maak enbavarin thalaimaiyil oru chinna thogudhi amerikkaavukku vandhadhu. adhan piragu, andha thogudhi niraiya pirivugalaaga pirindhuvittadhu. ovvoru pirivin nambikkaigalum vitthiyaasamaaga irundhana. engaludaiya sabaiyil 50 pērdhaan irundhōm. baibilai padippadhum, sabai thalaivargal solvadhaiyellaam appadiyē seivadhumdhaan romba mukkiyam endru naangal ninaitthōm.

kittatthatta mūndru thalaimuraiyaagavē ennudaiya kudumbam indha madhatthildhaan irundhadhu. 13 vayadhil naan indha sabaiyil nyaanasnaanam edutthēn. kaar, traaktar, fōn, rēdiyō, elektrik saadhanangal pōndra edhaiyumē naangal vaitthirukkavum kūdaadhu, payanpadutthavum kūdaadhu endrudhaan sabaiyil katrukkodutthaargal. sabaiyil irukkum pengal romba saadhaaranamaagatthaan dras pannikkolvōm. engal mudiyai vettikkolla maattōm. thalaikku thoppi alladhu mukkaadu pōttukkolvōm. aangal dhaadi vaitthiruppaargal. indha ulagatthin paagamaaga irukka kūdaadhu endru yēsu solliyiruppadhaal, ulaga janangalai pōla thunimaniyum mēkkappum nagaiyum pōttukkolvadhu oru paavam endru ninaitthōm. perumaipiditthavargaldhaan idhaiyellaam pōttukkolvaargal endrum ninaitthōm.

baibil kadavuludaiya vaartthai enbadhaal adharku romba madhippu kaatta vēndumendru engalukku sollitthandhaargal. ennudaiya vīttil dhinamum kaalaiyil saappiduvadharku mun ellaarum ondraaga kūdivaruvōm. appaa baibililirundhu oru adhigaaratthai vaasitthu sila kurippugalai solvaar. piragu, naangal ellaarum mandipōduvōm, appaa jebam seivaar. adhan piragu, ammaa paramandala jebatthai solvaar. ippadi naangal kudumbamaaga sērndhu kadavulai vanangum nēratthukkaaga naan aasai aasaiyaaga kaatthiruppēn.

indiyaanaavil delfi endra ūrukku pakkatthil irundha oru pannaiyildhaan naangal irundhōm. engal vayalil vidhavidhamaana kaaigari chedigalai vaitthirundhōm. adhaiyellaam aruvadai seidhu, oru kudhirai vandiyil edutthukkondu, vīdhi vīdhiyaagavum vīdu vīdaagavum pōi vitrōm. kadinamaaga ulaippadhu kadavulukku seiyum oru sēvai endru ninaitthōm. adhanaal, nyaayitrukkilamaiyai thavira matra ellaa naalum naangal kashtappattu vēlai seidhōm. nyaayitrukkilamai ōivunaal enbadhaal andru mattum endha vēlaiyum seiya kūdaadhendru engal sabaiyil solliyirundhaargal. aanaal silasamayam, engal pannaiyil niraiya vēlai irukkum enbadhaal kadavulukkaaga nēram odhukkuvadhu romba kashtamaaga irukkum.

kanavarum pillaigalum

1963-il enakku kalyaanam aanadhu. appōdhu enakku 17 vayadhudhaan. en kanavar jēmsum bradharan sabaiyai sērndhavardhaan. avarudaiya kudumbatthaarum thalaimurai thalaimuraiyaaga indha sabaiyildhaan irundhaargal. naangal irandu pērumē kadavulukku sēvai seiya romba aasaippattōm. engaludaiya sabaidhaan unmaiyaana kristhava sabai endrum ninaitthōm.

1975-il engalukku aindhu magangal irundhaargal. rebēkkaa endra magalum irundhaal. 1983-il ennudaiya kadaisi magan pirandhaan. naanum en kanavarum kadinamaaga ulaitthōm, sikkanamaaga selavu seidhōm, elimaiyaana vaalkkai vaalndhōm. engal petrōridamirundhum bradharan sabaiyilirundhum katrukkonda baibil vishayangalai engal pillaigalin manadhil padhiya vaikka muyarchi seidhōm.

bradharan sabaiyil iruppavargalai porutthavarai, naam dras pannikkollum vidham romba romba mukkiyam. ēnendraal, oruvar dras pannikkollum vidhatthai paartthē avar eppadippattavar enbadhai kandupiditthuvida mudiyum endru nambinōm. yaaraavadhu thalaimudiyai romba stailaaga vaitthukkondaal avar perumaipiditthavar endru ninaitthōm. oruvar periya periya disain pōtta thunimanigalai pōttukkondaal romba bandhaa kaattuvadhaaga ninaitthōm. silasamayangalil, baibil sollum vishayangalaivida indha vishayangaldhaan engalukku romba mukkiyamaaga therindhadhu.

siraiyil oru anubavam

en kanavarin thambi jesiyum bradharan sabaiyai sērndhavardhaan. avar raanuvatthil sēra marutthadhaal kittatthatta 1968-il avarai siraiyil pōttaargal. angē avar yegōvaavin saatchigalai sandhitthaar. pōr seivadhu baibilinpadi thavaru endrudhaan yegōvaavin saatchigalum nambugiraargal endru avar therindhukondaar. (ēsaayaa 2:4; matthēyu 26:52) baibil vishayangalai patri jesi avargalōdu adikkadi pēsinaar. avargalai avarukku romba piditthuvittadhu. baibilai nandraaga padittha piragu, avarum yegōvaavin saatchiyaaga aagivittaar. aanaal, adhai therindhukondapōdhu engal manam udaindhuvittadhu.

baibilil katrukkonda vishayangalai jesi en kanavaridam sonnaar. adhumattumalla, en kanavarukku kaavarkōburam, vilitthelu! patthirikaigal thavaraamal kidaippadharku ērpaadu seidhaar. adhaiyellaam padittha piragu en kanavarukku baibilmēl innum aarvam vandhuvittadhu. kadavulukku sēvai seiya vēndumendra aasai avarukku eppōdhumē irundhadhudhaan. aanaalum, kadavulidam nerukkamaaga illaadhadhupōl unarndhaar. adhanaal, kadavulōdu nerungippōga edhu udhavi seidhaalum adhai patri therindhukolla rombavē aasaippattaar.

engalai pōndra nambikkaigal vaitthirukkum matra madhangalum indha ulagatthin paagamaaga iruppadhaagatthaan naangal ninaitthōm. aanaalum, engal sabaiyai nadatthiyavargal andha madhangalin butthagangalai padikka sonnaargal. en appaavukku yegōvaavin saatchigal endraalē sutthamaaga pidikkaadhu. avargal kodukkira kaavarkōburam, vilitthelu! patthirikaigalai naangal thodavē kūdaadhu endru avar ninaitthaar. kadaisiyil en kanavarē andha patthirikaigalai padippadhai paartthapōdhu enakku bayangara adhirchiyaaga irundhadhu. engē avar valithavari pōividuvaarō endru naan romba bayandhēn.

bradharan sabaiyil sollikkoduttha sila pōdhanaigalin mēl en kanavarukku ērkenavē sandhēgam irundhadhu. avai baibilōdu otthuppōgavillai endru ninaitthaar. udhaaranamaaga, nyaayitrukkilamaiyil endha vēlaiyum seiya kūdaadhu, appadi seidhaal adhu oru paavam endru sabaiyil sollitthandhaargal. andha naalil mirugangalukku vēndumaanaal thannīr kodukkalaam, adhai thavira oru pullaikkūda pidunga kūdaadhu endru sonnaargal. aanaal, idharkellaam baibililirundhu oru thelivaana kaaranatthai avargalaal edutthu kaatta mudiyavillai. adhanaal, pōga pōga andha maadhiri pōdhanaigalin mēl enakkum sandhēgam vandhadhu.

itthanai naalaaga engaludaiya madhamdhaan unmaiyaana madham endru ninaitthukkondirundhōm. adhaivittu veliyē vandhaal enna vilaivugal ērpadum endrum yōsitthōm. adhanaal, adhai vittuvittu varuvadhu engalukku romba kashtamaaga irundhadhu. irundhaalum, baibilil sollaadha vishayangalai seiyum oru madhatthil thodarndhu iruppadharku engal manasaatchi otthukkollavillai. adhanaal 1983-il, naangal ēn andha madhatthaivittu pōgirōm endru oru kadidhatthil eludhi sabaiyil kodutthōm. andha kadidhatthai ellaar munbum vaasikka sonnōm. adhan piragu, engalai sabaiyilirundhu vilakkivittaargal.

unmai madhatthai thēdinōm

naangal unmaiyaana madhatthai thēda aarambitthōm. solvadhu ondru, seivadhu ondru ena illaamal, matravargalukku sollittharuvadhai kadaippidikkiravargalai thēdinōm. mudhalil, pōrukku aadharavu kaattiya ellaa madhangalaiyum odhukkivittōm. elimaiyaaga vaalgiravargalum elimaiyaaga dras pannugiravargalumdhaan unmaiyilēyē yēsuvin sīshargal endru ninaitthōm. adhanaal, appadippattavargal irukkum madhangalai thēdinōm. 1983-lirundhu 1985 varaikkum naadu mulukka payanam seidhu menōnaittugal, kvēkkargal pōndra elimaiyaana madhangalai aaraaindhōm.

andha samayatthil, indiyaanaavil kaamdan endra ūrukku pakkatthil irundha engal pannaikku yegōvaavin saatchigal vandhaargal. avargal solvadhai naangal kēttōm, aanaal king jēms varshan baibilaitthaan avargal payanpaduttha vēndum endru sonnōm. avargal pōril kalandhukollaadha vishayam enakku piditthirundhadhu. aanaalum, avargal ulaga makkalai pōlatthaan nadandhukolgiraargal endru ninaitthēn. ēnendraal, engalai pōl avargal elimaiyaaga dras pannavillai. adhanaal, avargal unmai madhamaaga irukka mudiyaadhu endru ninaitthēn. perumaipiditthavargaldhaan maadarn dras pōduvaargal, navīna porulgalai vaitthiruppaargal endrellaam nambinēn.

en kanavar yegōvaavin saatchigaludaiya raajya mandratthukku pōga aarambitthaar. engaludaiya paiyangal silaraiyum kūttikkondu pōnaar. adhu enakku romba kashtamaaga irundhadhu. ennaiyum vara sonnaar, aanaal naan pōgavillai. orunaal avar ennidam, “avanga sollikkodukkura vishayangala nī ētthukkalanaa paravaala, avanga orutthara orutthar eppadi nadatthuraanganu mattum vandhu paaru” endru sonnaar. ēnendraal, adhudhaan avarukku romba piditthirundhadhu.

kadaisiyil, raajya mandratthukku pōi paarkka naan mudivu panninēn. aanaal, romba jaakkiradhaiyaaga irukka vēndumendru ninaitthēn. saadhaarana drasaiyum thoppiyaiyum pōttukkondu pōnēn. ennudaiya sila paiyangalkūda saadhaarana drasildhaan vandhaargal, seruppukūda pōdavillai. aanaalum, yegōvaavin saatchigal engalidam vandhu anbaaga pēsinaargal. paarkka naangal vitthiyaasamaaga irundhapōdhum engalōdu avargal romba nandraaga palagiyadhu ennai yōsikka vaitthadhu.

avargal kaattiya anbu enakku piditthirundhadhu. aanaalum, kūttatthil paarvaiyaalaraaga mattum irundhuvittu vandhuvida vēndumendru ninaitthēn. avargal paadiyapōdhu naan elundhu nirkavum illai, paadavum illai. kūttam mudindhadhum avargalidam kēlvikkumēl kēlvi kēttēn. oru vasanatthin artthatthai patri alladhu enakku sariyendru padaadha vishayangalai patri kēttēn. adhuvum, manadhil pattadhai appadiyē nēradiyaaga kēttuvittēn. irundhaalum, avargal yaarumē kōbappadavillai, akkaraiyōdu enakku badhil sonnaargal. adhumattumalla, orē kēlviyai etthanai pēridam kēttaalum avargal ellaarum orē vidhamaana badhilaitthaan kodutthaargal. adhu enakku aachariyamaaga irundhadhu. silasamayam, badhilai avargal eludhi kodutthaargal. vīttukku pōi paditthu paarppadharkum yōsippadharkum adhu enakku romba udhaviyaaga irundhadhu.

1985-il, yegōvaavin saatchigaludaiya maanaadu eppadi irukkum endru paarppadharkaaga tennesīyil irukkum memfis nagaratthukku naangal kudumbamaaga pōnōm. appōdhukūda saadhaarana drasildhaan pōnōm. en kanavar dhaadiyōdudhaan vandhaar. idaivēlai nērangalil ellaarum engalidam vandhuvandhu pēsinaargal. avargal anbōdum akkaraiyōdum palagiyadhu engalukku romba piditthirundhadhu. adhumattumalla, avargalukkul irundha otrumaiyai paartthu naangal asandhupōivittōm. ēnendraal, endha ūril nadakkum kūttatthukku naangal pōnaalum avargal sollitthandha vishayangal orē maadhiridhaan irundhana.

yegōvaavin saatchigal kaattiya anbum akkaraiyum en kanavarukku romba piditthirundhadhaal avargalōdu baibilai padikka otthukkondaar. padikkum vishayangal unmaidhaanaa endru urudhi seidhukolvadharkaaga avar ellaavatraiyum nandraaga aaraaindhu paartthaar. (appōsthalar 17:11; 1 thesalōnikkēyar 5:21) kadaisiyaaga, adhudhaan unmai endru purindhukondaar. aanaal, en manadhil oru periya pōraattamē nadandhukondirundhadhu. orupakkam, sariyaanadhai seiya vēndumendra aasai irundhadhu. innoru pakkam, naan “maadarnaaga” maari, “ulagatthaaraaga” aagivida kūdaadhendru thōndriyadhu. naan mudhanmudhalil baibilai padikka otthukkondapōdhu, en madiyil oru pakkatthil king jēms varshan baibilaiyum innoru pakkatthil navīna pudhiya ulaga molipeyarppu baibilaiyum vaitthirundhēn. naan ēmaandhupōivida kūdaadhu enbadharkaaga ovvoru vasanatthaiyum irandu baibililumē edutthu paartthēn.

en manam thelivadaindhadhu

yegōvaavin saatchigalōdu baibilai padikka padikka niraiya unmaigalai therindhukondōm. udhaaranatthukku, kadavul oru thiritthuvam kidaiyaadhu… avar oruvardhaan… namakkul aliyaadha aatthumaa endra ondru kidaiyaadhu… endrellaam therindhukondōm. (ubaagamam 6:4; 1 korindhiyar 8:5, 6) adhēpōl, naragam enbadhu irandhavargalin nilaiyaitthaan kurikkiradhē thavira, irandhavargal vaatti vadhaikkappadum idatthai kurippadhillai endru therindhukondōm. (yōbu 14:13; sangīdham 16:10; prasangi 9:5, 10; appōsthalar 2:31) kurippaaga naragatthai patri therindhukondadhudhaan engalukku oru periya thiruppumunaiyaaga irundhadhu. ēnendraal, engaludaiya palaiya madhatthil aalaalukku oru vilakkam sollikkondirundhaargal.

aanaalum, yegōvaavin saatchigal eppadi unmai madhamaaga irukka mudiyum endra sandhēgam en manadhil irundhukondēdhaan irundhadhu. ēnendraal, naan edhirpaartthapadi avargal “elimaiyaana” vaalkkai vaalndhadhaaga theriyavillai. adhanaal, avargal indha ulagatthin paagamaaga iruppadhaagatthaan ninaitthēn. adhēsamayam, yēsuvin kattalaippadi kadavuludaiya arasaangatthai patriya nalla seidhiyai avargal ellaarukkum sollivandhaargal. adhanaal, enakku orē kulappamaaga irundhadhu!—matthēyu 24:14; 28:19, 20.

yegōvaavin saatchigal kaattiya anbudhaan, vishayangalai thodarndhu aaraaindhu paarkka enakku udhaviyadhu. sabaiyil irundha ellaarumē engal kudumbatthinmēl akkarai kaattinaargal. adikkadi engalai vandhu paartthaargal. silasamayam, engal pannaiyil paalum muttaiyum vaanga vandhiruppadhaaga sollikkondu engalai paarkka vandhaargal. avargal unmaiyilēyē nalla janangal endru engalukku puriya aarambitthadhu. engalukku baibilai sollikkodutthadhu oruvardhaan endraalum, sabaiyil irundha matravargalkūda endha nēratthil engal vīttuppakkam vandhaalum engalai paartthuvittutthaan pōnaargal. yegōvaavin saatchigal ippadiyellaam seidhadhaaldhaan, avargal unmaiyaana anbum akkaraiyum kaattuvadhu engalukku purindhadhu.

pakkatthu sabaiyil irundha yegōvaavin saatchigalkūda engalmēl akkarai kaattinaargal. dras pannum vishayatthil enakku kulappamaagavē irundha samayatthil, pakkatthu sabaiyil irundha kē brigs endra yegōvaavin saatchi ennai paarkka vandhaar. avar saadhaaranamaagatthaan dras pannikkolvaar, mēkkappum pōda maattaar. adhanaal, avaridam manamvittu pēsuvadhu enakku saugariyamaaga irundhadhu. adhan piragu, lūyis flōraa endra sagōdharar ennai paarkka vandhaar. avarum “elimaiyaana” oru madhatthilirundhu yegōvaavin saatchiyaaga maariyavardhaan. enakkul irundha kulappatthai en mugatthai paartthē avar therindhukondaar. piragu, en kulappatthai thīrppadharkaaga patthu pakkangalukku oru kadidham eludhi anuppinaar. avar enmēl kaattiya akkaraiyai paartthu enakku kannīrē vandhuvittadhu. avarudaiya kadidhatthai thirumba thirumba paditthēn.

orusamayam, ēsaayaa 3:18-23-aiyum 1 pēdhuru 3:3, 4-aiyum enakku vilakkumpadi ōdel endra oru payana kangaaniyidam kēttēn. “kadavulukku pidicha maadhiri vaalanumnaa saadhaarana dras pōduradhu avasiyamnu indha vasanangal solludhudhaanē?” endru kēttēn. adharku avar, “thoppi pōduradhula ēdhaavadhu thappu irukkaa? jadai pinnuradhu thappaa?” endrellaam kēttaar. adhu ennai yōsikka vaitthadhu. naan munbu irundha madhatthil pengal thoppi pōttukkolvaargal, pen pillaigalukku jadaiyum pinnividuvōm. adhanaal, andha madhatthin nambikkaigalil muranpaadu irundhadhai purindhukondēn. adhōdu, andha payana kangaani kaattiya porumaiyum anbum en manadhai thottadhu.

konjam konjamaaga en manam thelivaanadhu. aanaalum, oru vishayatthai mattum ennaal jīranikkavē mudiyavillai. pengal mudiyai vettikkollalaam enbadhai ennaal ētrukkollavē mudiyavillai. sabaiyilirundha mūppargal idhai patri ennidam pēsinaargal. ‘sila pengalukku mudi ōralavudhaan valarum, aanaa mattha pengalukku romba nīlamaa valarum. adhukkaaga ivanga avangalavida nallavanganu solla mudiyumaa?’ endru kēttaargal. adhōdu, dras pannikkollum vishayamum mudi vettum vishayamum oruvarudaiya manasaatchiyōdu sambandhappattadhu enbadhai puriya vaitthaargal. idhu sambandhamaaga naan paditthu paarkka sila katturaigalaiyum kodutthaargal.

naangal unmaiyai purindhukondōm

kadavulukku pidittha maadhiri nadandhukolgiravargalai naangal thēdinōm, kadaisiyil kandupiditthuvittōm. “nīngal oruvarmēl oruvar anbu kaattinaal, nīngal ennudaiya sīshargal endru ellaarum therindhukolvaargal” endru yēsu sonnaar. (yōvaan 13:35) yegōvaavin saatchigaldhaan unmaiyaana anbu kaattugiraargal endru engalukku romba thelivaaga purindhuvittadhu. aanaalum, engaludaiya mūttha pillaigal nētthanukkum rebēkkaavukkum konjam kulappamaaga irundhadhu. ēnendraal, engaludaiya palaiya madhamdhaan unmai endru ninaitthu adhil avargal nyaanasnaanam edutthirundhaargal. aanaal, baibilil irukkum unmaigalai naangal avargalukku kaattinōm. adhōdu, yegōvaavin saatchigal kaattiya anbai avargalē paartthaargal. idhellaam avargaludaiya manadhai maatrivittadhu.

rebēkkaavai patri solla vēndumendraal, kadavulōdu nerukkamaaga irukka vēndumendrudhaan eppōdhumē aasaippattaal. kadavul nam thalaiyil edhaiyumē eludhi vaikkavillai endru therindhukondapōdhu kadavulidam manamvittu jebam seiya avalaal mudindhadhu. adhōdu, kadavul oru thiritthuvam alla, avar unmaiyaana oru nabar, avaraippōl naam nadandhukolla mudiyum endrellaam therindhukondapōdhu kadavulidam innum nerukkamaanaal. (ebēsiyar 5:1) palangaalatthu baibil vaartthaigalai solli naam jebam seiya vēndiyadhu illai endru purindhukondapōdhu romba sandhōshappattaal. jebatthai patriyum, indha būmiyai kadavul oru pūnjōlaiyaaga maatri nammai endrendrum vaala vaikkappōgiraar enbadhai patriyum therindhukondapōdhu, kadavulōdu avalukku oru pudhiya bandham uruvaanadhupōl irundhadhu.—sangīdham 37:29; velippadutthudhal 21:3, 4.

ippōdhu yegōvaavukku sēvai seigirōm

en kanavarum naanum engaludaiya aindhu mūttha pillaigalum—nētthan, rebēkkaa, jaarj, daaniyal, jaan— 1987-il nyaanasnaanam edutthu yegōvaavin saatchigalaaga aanōm. haarli 1989-lum saiman 1994-lum nyaanasnaanam edutthaargal. ippōdhu naangal kudumbamaaga, yēsu koduttha vēlaiyai seidhuvarugirōm. adhaavadhu, kadavuludaiya arasaangatthai patriya nalla seidhi ellaarukkum sollivarugirōm.

engal magangal nētthan, jaarj, daaniyal, jaan, haarli, adhōdu magal rebēkkaa yegōvaavin saatchigaludaiya amerikka kilai aluvalagatthil sēvai seidhirukkiraargal. jaarj 14 varushangalaaga angu sēvai seidhuvarugiraan. saimanum 2001-il palli padippai muditthuvittu, samībatthil kilai aluvalagatthil sēvai seiya aarambitthaan. engaludaiya ellaa magangalumē yegōvaavin saatchigaludaiya sabaigalil mūppargalaagavō udhavi ūliyargalaagavō irukkiraargal. en kanavar missauriyil irukkum dhēyar sabaiyil mūpparaaga sēvai seigiraar. naan ūliyatthai surusuruppaaga seidhuvarugirēn.

ippōdhu engalukku jesikkaa, ladhīshaa, kaala endra mūndru pērappillaigalum irukkiraargal. avargaludaiya pinju manadhil yegōvaamēl anbu valaruvadharku avargaludaiya petrōr udhavi seivadhai paarkkumpōdhu romba sandhōshamaaga irukkiradhu. yegōvaa thannudaiya kudumbatthil engal kudumbatthaiyum sērtthukkondadhu engalukku perumaiyaaga irukkiradhu. unmaiyaana anbu kaattugiravargaldhaan avarudaiya makkal endru purindhukollavum avargalai kandupidikkavum avar engalukku udhavi seidhirukkiraar. adharku romba nandriyōdu irukkirōm.

silar kadavulukku pidittha maadhiri vaala manadhaara aasaippadugiraargal. aanaal, baibil solvadhaivida avargaludaiya madham solvadhudhaan mukkiyam endru thavaraaga ninaitthukkondirukkiraargal. adhupōl sikkiyirukkum aatkalai paarkkumpōdhu engal manadhukku romba kashtamaaga irukkiradhu. ippōdhu naangal anubavikkira sandhōsham avargalukkum kidaikka vēndum enbadhudhaan engal aasai. munbu naangal vīdu vīdaaga pōi kaaigarigalai vitrōm. aanaal ippōdhu, vīdu vīdaaga pōi kadavuludaiya arasaangam konduvarappōgum aasīrvaadhangalai patri sandhōshamaaga solgirōm. yegōvaavin makkal engalidam kaattiya porumaikkum anbukkum nandri solla vaartthaigalē illai, adhai ninaikkumpōdhē en kangal kulamaagindrana!