Magongo Gakututendekasya Kola Chembecheyo
Magongo Gakututendekasya Kola Chembecheyo
Mfundo sya m’Malemba syakuyichisyasi mpaka syakamuchisye wawojo kola chembecheyo chisyesyene.
◼ Mlungu ŵatusimichisye kuti kusogoloku tuchitama umi wakusangalala.
Maloŵe gakwe gakusasala kuti chilambochi chichiŵa paladaiso. Chichigumbala ni ŵandu ŵakusangalala soni ŵakamulana.—Salimo 37:11, 29; Yesaya 25:8; Chiwunukuko 21:3, 4.
◼ Mlungu Nganaŵa Alambwisye.
Jwalakwe akusaŵengana ni mtundu uliwonse wa unami. Yehofa ali jwamswela. Myoyo yili yangakomboleka jwalakwe kulambusya.— Misyungu 6:16-19; Yesaya 6:2, 3; Tito 1:2; Ahebeli 6:18.
◼ Mlungu Akwete Machili Gangali Malile.
Yehofa jikape ni jwali jwamachili gosope. Pangali champaka chimlepelekasye kutenda yaŵatusimichisye kuti chachitenda.—Ekisodo 15:11; Yesaya 40:25, 26.
◼ Mlungu Akusaka Kuti Wawojo Chatame ni umi Mpaka Kalakala.
—Yohane 3:16; 1 Timoteo 2:3, 4.
◼ Mlungu Akusajembecheya Yambone Kutyochela Kwetuwe.
Jwalakwe jwangagamba kutamila kulola yakulepela yetu. Akusalola ndamo syetu syambone nambosoni yakulingalinga yetu. (Salimo 103:12-14; 130:3; Ahebeli 6:10) Jwalakwe akusajembecheyaga kuti tutende yambone. Soni patutesile yeleyo akusasangalala.—Misyungu 27:11.
◼ Mlungu Akutusimichisya Kuti Chachitukamuchisya Kukwanilisya Yakulinga Yetu Yakamulana ni Yakusasaka Jwalakwe.
Ŵakusamtumichila jwalakwe nganaŵa asoŵile pakamula. Mlungu akusiŵapa jemanjaji msimu weswela wele ukusiŵakamuchisya.—Afilipi 4:13.
◼ Naga Tukumkulupilila Mlungu Nganituŵa Tukamwile Liŵiga Lyamoto.
Jwalakwe ali jwakulupichika soni jwakudalilichika nganaŵa ŵatengwisye.—Salimo 25:3.