Oweṱe ovandu mbu twa za momihoko nomaraka pekepeke, nungwari atuhe twa wana mena rokutja tu nondando imwe. Kombanda yaavihe, eṱe tu vanga okuyozika Jehova, Mukuru ngwa tjanga Ombeibela nu ngu ri Omuute woviṋa avihe. Eṱe tu kondja pu twa yandera okuhorera ku Jesus Kristus nu tu nondjoroka okuisanewa Ovakriste. Atuhe tu ungurisa oruveze rwetu okuvatera ovandu okurihonga ohunga nOmbeibela nOuhona wa Mukuru. Nu mena rokutja eṱe tu hongonona poo tu hungira ohunga na Jehova Mukuru nOuhona we, eṱe tu tjiukwa otjOvahongonone va Jehova.

Konḓonona orungovi rwetu. Lesa Ombeibela morungovi. Rihonga ovingi ohunga na eṱe nongamburiro yetu.