Alɔ wa ŋma éwo mla uce ɛyɛɛyɛyi, naana a, alɔ pia tɔha mlu ɔtu ekponu. Ofiyɛ duu a, alɔ dɔka o lu ojilima cu Jehofa, Ɔwɔico ku Ubáyíbu nōo ya ɛjɛɛji odée a. Alɔ ceyitikwu k’alɔ gbla Ujísɔsi Ukraist ya. Alɔ gweeye ohigbu k’alɔ wu Ayíkpó ku Ukraist. Alɔ ge je eko taajɛ ge ta ācɛ abɔ nwu ɛla lɛyi ku Ubáyíbu mla Ajɔɔcɛ ku Ɔwɔico. Ācɛ je ka alɔ wu Ācɛ Ocijali ku Jehofa ohigbu ka alɔ ge cijali. Ɔma mafu kahinii alɔ ge kɛla lɛyi kwu Ɔwɔico Jehofa mla Ajɔɔcɛ ku nu.

Jila ipu intanɛt kalɔ. Jé gɔbu lɛyi kwu alɔ mla ɔtu okpoce kalɔ.