A e dini?

(Përgjigjet e këtij pyetësori mund të gjenden në citimet biblike që janë dhënë dhe lista e plotë e përgjigjeve është shtypur në faqen 22. Për informacion të mëtejshëm mund të përdorni botimin «Mendjehollësi mbi Shkrimet», anglisht, botuar nga Dëshmitarët e Jehovait.)

1. Gjatë periudhës së cilit kryeprift u bë profet Samueli? (1 Samuelit 3:10-13)

2. Si e quanin amoritët malin Hermon? (Ligji i përtërirë 3:9)

3. Kush ishte gruaja e dytë e Abrahamit dhe sa djem pati prej saj? (Zanafilla 25:1, 2)

4. Pse nuk duhet futur kurrë vera e re në calikë të vjetër? (Luka 5:37)

5. Çfarë ndodhi me shpatën që Ehudi përdori për të vrarë shtypësin Eglon, mbretin e Moabit? (Gjykatësit 3:16-22)

6. Pse quhet Jezui ‘Kryepërfaqësuesi i jetës’? (Veprat 3:15; 4:12)

7. Pse vetëm Jehovai mund të quhet i përsosur në kuptimin absolut? (2 Samuelit 22:31; Marku 10:18)

8. Në lidhje me flijimet në kafshë që bëheshin, pse thuhet që ‘e tërë yndyra i përket Zotit’? (Levitiku 3:9-16)

9. Cili shpend i fuqishëm grabitqar shquhet për shikim të mprehtë edhe në largësi? (Jobi 39:27, 29)

10. Çfarë titulli përdoret në Bibël në lidhje me Jehovain, të tjerët që adhurohen dhe disa njerëz? (Eksodi 7:1)

11. Nëpërmjet cilit profet e paratha Jehovai mënyrën se si do të ndahej mbretëria e Solomonit? (1 Mbretërve 11:29-32)

12. Cilin shpend shtëpiak përdori Jezui për të ilustruar dëshirën e tij për të mbledhur njerëzit e Jerusalemit që ishin të pandjeshëm ndaj lajmit të mirë? (Luka 13:34)

13. Cilën gjë krahasoi me ‘llambën e trupit’ Jezui? (Mateu 6:22)

14. Në cilën periudhë do të kuptohej profecia e Danielit, sipas asaj që iu tha? (Danieli 12:4, BR)

15. Si shpëtoi Pavli nga hebrenjtë në Damask të cilët komplotonin për ta vrarë? (Veprat 9:25)

16. Çfarë i ka bërë disa që të dalin «nga rruga e besimit», duke u sjellë kështu «shumë dhembje»? (1 Timoteut 6:10)

17. Sa spiunë dërgoi Moisiu në vendin e Kanaanit sipas urdhrit të Jehovait dhe cilët ishin të vetmit që dhanë një raport pozitiv? (Numrat 13:2; 14:6-9)

18. Cilit Cezar, që përmendet te Veprat 25:11, iu apelua Pavli kur po gjykohej para Festit?

 Përgjigjet e pyetësorit

1. Eliut

2. Senir

3. Keturahu (Ketura, BR); gjashtë

4. Sepse ndërsa vera fermentohet, i çan calikët e vjetër dhe jo elastikë

5. Shpata hyri e gjitha brenda në barkun e Eglonit pasi ishte shumë i dhjamosur.

6. Sepse «në asnjë tjetër nuk ka shpëtim». Me anë të Jezuit u sigurua flijimi shpërblyes dhe ai është Gjykatësi i emëruar

7. Vetëm Jehovai është pa kufizime, i pashoq në përsosmëri, që meriton të gjithë lavdinë dhe që është më i larti në cilësitë e tij të mrekullueshme e në fuqi

8. Meqë konsiderohet si pjesa më e vlerësuar e mishit të kafshës, ajo simbolizon faktin që më e mira i përket Jehovait

9. Shqiponja

10. Perëndi

11. Ahijahut (Akijahut BR)

12. Klloçkën

13. Syrin

14. «Në kohën e fundit»

15. Natën, dishepujt e tij e zbritën me kosh përmes një të çare në murin e qytetit

16. «Dashuria për para»

17. Dymbëdhjetë; Jozueu (Josiu, BR) dhe Kalebi

18. Neronit