Bo Sa e Kontesta?

(Por haña e kontestanan di e kwes aki den e tekstonan di Beibel duná, i e lista kompletu di kontesta ta na página 27. Pa mas informashon, konsultá e publikashon na spañó “Perspikasia pa Komprondé e Skritura,” publiká dor di Testigunan di Yehova.)

1. Samuel a bira profeta durante bida di kua sumo saserdote? (1 Samuel 3:10-13)

2. Kiko tabata e nòmber amoreo pa Seru Hermon? (Deuteronomio 3:9)

3. Ken Abraham a tuma komo su di dos kasá, i kuantu yu hòmber el a haña kuné? (Génesis 25:1, 2)

4. Dikon nunka hende ta pone biña nobo den saku-di-kueru bieu? (Lukas 5:37)

5. Kiko a pasa ku e spada ku Aod a usa pa mata Eglon, e rei opresivo di Moab? (Huesnan 3:16-22)

6. Dikon Beibel ta yama Hesus “e Prens di bida”? (Echonan 3:15; 4:12)

7. Dikon ta Yehova so por ser yamá perfekto den tur sentido di palabra? (2 Samuel 22:31; Marko 10:18)

8. Relashoná ku sakrifisio di bestia, dikon ‘tur e vèt ta di Yehova’? (Levítiko 3:9-16)

9. Kua para yagdó fuerte ta famoso pa su bista ku ta wak masha leu mes? (Jòb 39:27, 29)

10. Ki título ta ser usá den Beibel pa referí tantu na Yehova, komo na otro personanan ku ta ser adorá i na hende? (Eksodo 7:1)

11. Pa medio di kua profeta Yehova a bisa di antemano kon e reino di Salomon lo a keda partí? (1 Reinan 11:29-32)

12. Na kua para doméstiko Hesus a referí ora el a usa un ilustrashon pa mustra kon el a deseá di reuní e pueblo indiferente di Yerusalèm? (Lukas 13:34)

13. Kiko Hesus a yama e “lampi di e kurpa”? (Mateo 6:22)

14. Daniel a haña e garantia ku durante ki periodo hende lo a komprondé su profesia? (Daniel 12:4)

15. Kon Pablo a skapa for di e hudiunan na Damasko ku a traha un kòmplòt pa mat’é? (Echonan 9:25)

16. Kiko a pone algun hende “desviá for di e fe” i kousa nan mes “hopi doló”? (1 Timoteo 6:10)

17. Kuantu spion Moisés a manda den Kánaan riba instrukshon di Yehova, i ta ken so a duna un informe positivo? (Numbernan 13:2; 14:6-9)

18. Ta ken tabata e Cesar—menshoná na Echonan 25:11—ku Pablo a apelá na dje ora e tabata den huisio dilanti di Festo?

 Kontestanan di e Kwes

1. Elí

2. Senir

3. Ketura; seis

4. Pasobra e biña ta fermentá, i lo rementá e sakunan bieu i infleksibel

5. Eglon tabata asina gordo ku e spada a drenta kompletamente den su barika

6. Pasobra “no tin salbashon den ningun otro.” E reskate a ser perkurá mediante Hesus, i e ta e Hues nombrá

7. Ta Yehova so no tin límite; e so ta di ekselensia inkomparabel, digno di tur alabansa i supremo den su kualidatnan i podernan magnífiko

8. Konsiderá komo e mihó parti di e karni di e bestia, e ta simbolisá e echo ku e mihó parti ta pertenesé na Yehova

9. Águila

10. Dios

11. Ahias

12. Un galiña

13. E wowo

14. “E tempu di e fin”

15. Anochi su disipelnan a bah’é den un makutu dor di un habrí den muraya di e stat

16. “Amor pa plaka”

17. Diesdos; Josué i Kalèb

18. Nero