Nahibalo Ka Ba?

(Ang mga tubag niini nga pasulit makita diha gisitar nga mga teksto sa Bibliya, ug ang bug-os nga listahan sa mga tubag gipatik sa panid 13. Alang sa dugang kasayoran, susiha ang publikasyong “Insight on the Scriptures,” nga gipatik sa mga Saksi ni Jehova.)

1. Sa mga adlaw ni Solomon, unsang panon sa mga barko ang nagdalag mga plata, garing, mga aliwas, ug mga paboreyal ngadto sa Israel? (1 Hari 10:22)

2. Sa dihang hapit na siyang mamatay, sa unsang paagi gipakita ni Pablo nga siya nahibalo nga siya nakalahutay? (2 Timoteo 4:7)

3. Unsang damgo ni Paraon nga gihubad ni Jose ang nagpasabot nga nagsingabot ang pito ka tuig nga kagutom? (Genesis 41:17-24)

4. Kinsa ang duha ka babaye nga nagtudlo kang Timoteo sa Kasulatan? (2 Timoteo 1:5)

5. Sa unsang talagsaong paagi nga si Absalom namatay, ug giunsa siya paglubong? (2 Samuel 18:​9, 14-17)

6. Unsa ang suhol nga ginabayad sa sala? (Roma 6:23)

7. Unsang hyperbole o hinobrang pagsulti ang gigamit ni Jesus sa pagpaila kon unsa ka lisod para sa dato ang pagsulod sa Gingharian sa Diyos? (Mateo 19:24)

8. Kinsa ang Romanong prokurador sa Judea nga nagbilin kang Pablo nga ginapos tungod kay nagtinguha nga makabatog pabor sa mga Hudiyo? (Buhat 24:27)

9. Unsang kalihokan sa paghimog bino ang gihubit ni Jesus nga nag-ilustrar sa paglaglag sa mga kaaway sa Diyos? (Pinadayag 19:15)

10. Pinaagi sa unsa nga ang Napulo ka Sugo orihinal nga gisulat, ug gisulat kini diha sa unsa? (Exodo 31:18)

11. Sa unsang paagi gitinguha ni apostol Pablo nga dayandayanan sa Kristohanong mga babaye ang ilang kaugalingon? (1 Timoteo 2:9)

12. Agig pag-ilustrar sa pagkahalangdon ni Jehova, si Isaias miingon nga si Jehova makasukod sa “katubigan” diha sa unsa? (Isaias 40:12)

13. Unsay ngalan sa pinuy-anan ni Adan ug Eva? (Genesis 2:15)

14. Kinsa ang duha ka anak nga lalaki ni Jacob kansang mapintas nga aksiyon wala niya uyoni? (Genesis 49:5-7)

15. Unsay mga ngalan sa upat ka suba nga misanga gikan sa suba nga migula gikan sa Eden? (Genesis 2:11-14)

16. Unsay kinahanglang buhaton sa mga Kristohanon nga kuwalipikado sa espirituwal kon ang usa ka isigkamagtutuo masayop sa dili pa niya himatngonan kini? (Galacia 6:1)

 Mga Tubag sa Pasulit

1. Mga barko sa Tarsis

2. Siya miingon: “Gibugno ko na ang maayong bugno, natapos ko na ang pagdagan sa lumba, nasunod ko na ang pagtuo”

3. Gisubad sa pito ka niwang nga mga baka ang pito ka tambok nga mga baka, ug gilamoy sa pito ka piyasot nga mga uhay ang pito ka bus-ok nga mga uhay

4. Ang iyang inahan, si Eunice, ug ang iyang apohang babaye nga si Loida

5. Gipatay ni Joab ug sa iyang mga alagad si Absalom samtang siya nagbitay sa usa ka kahoy tungod kay nasangit ang iyang buhok, ug human niana ang iyang lawas gilabay ngadto sa usa ka gahong ug gipatindog sa ibabaw niana ang usa ka dakong tapok sa mga bato

6. Kamatayon

7. Siya miingon: “Mas sayon pa sa usa ka kamelyo nga makalusot sa mata sa dagom kay sa usa ka datong tawo nga makasulod sa gingharian sa Diyos”

8. Si Felix

9. Pagtamaktamak sa pug-anag bino

10. Ang “tudlo sa Diyos” maoy nagsulat niini diha sa duha ka papan nga bato

11. “Sa mahapsay nga sinina, uban ang pagkamakasaranganon ug maayong panghunahuna, dili pinaagi sa mga estilo sa pagsalapid sa buhok ug sa bulawan o sa mga perlas o sa mahalon kaayong sapot”

12. “Diha sa hakop lamang sa iyang kamot”

13. Ang tanaman sa Eden

14. Si Simeon ug Levi

15. Pison, Gihon, Hidekel, ug Euprates

16. ‘Maningkamot sa pagpasibo kaniya diha sa espiritu sa kalumo’