കുതി​ച്ചു​പൊ​ങ്ങുന്ന പഴം നിങ്ങൾ രുചി​ച്ചു​നോ​ക്കി​യി​ട്ടു​ണ്ടോ?

കാനഡയിലെ ഉണരുക! ലേഖകൻ

കർഷകൻ മണ്ണിൽ സൾഫർ വിതറി​യി​രു​ന്നു, മണ്ണിന്റെ അമ്ലഗുണം വർധി​പ്പി​ക്കാൻ. ശരത്‌കാ​ലത്തു വിള പഴുത്ത​പ്പോൾ അയാൾ വിളഭൂ​മി​യാ​കെ വെള്ളം​ക​യറ്റി. വിള​വെ​ടു​പ്പി​നു​ശേഷം അയാൾ പഴങ്ങൾ അൽപ്പം ഉയരത്തിൽനി​ന്നു മനപ്പൂർവം നിലത്തി​ട്ടു​നോ​ക്കു​ന്നു, അവ കുതി​ച്ചു​പൊ​ങ്ങു​ന്നു​ണ്ടോ എന്നറി​യാ​നാ​ണിത്‌.

അയാൾക്കി​തെ​ന്തു പറ്റി? കാഴ്‌ച​ക്കാർക്കു വിചി​ത്ര​മാ​യി തോന്നി​യേ​ക്കാ​മെ​ങ്കി​ലും ഇതുവഴി കർഷകൻ തന്റെ വിളയു​ടെ ഉയർന്ന ഗുണമേന്മ ഉറപ്പു​വ​രു​ത്തു​ക​യാണ്‌. അദ്ദേഹ​ത്തി​ന്റെ വിള എന്താ​ണെ​ന്ന​റി​യേണ്ടേ? അതാണ്‌ ക്രാൻബറി. ഈ കരുത്തുറ്റ ഫലത്തെ​ക്കു​റി​ച്ചു കൂടുതൽ അറിയാൻ നിങ്ങൾക്ക്‌ ആഗ്രഹ​മു​ണ്ടോ?

ചതുപ്പി​ലെ പഴങ്ങൾ

യൂറോ​പ്യ​ന്മാർ ആദ്യമാ​യി വടക്കേ അമേരി​ക്ക​യു​ടെ വടക്കു​കി​ഴക്കൻ തീര​ത്തെ​ത്തി​യ​പ്പോൾ നാട്ടു​കാ​രായ അമരി​ന്ത്യർ ഉന്മേഷം പകരുന്ന, കടുത്ത പുളി​ര​സ​മുള്ള ഒരുതരം ചുവന്ന പഴങ്ങൾ അവർക്കു കച്ചവടം ചെയ്‌തു. ഇന്ന്‌ കേപ്‌ കോഡ്‌ എന്നറി​യ​പ്പെ​ടുന്ന പ്രദേ​ശത്തു വസിച്ചി​രുന്ന അമരി​ന്ത്യർ ഈ പഴത്തെ ഇ-ബിമി അഥവാ “പുളിയൻ പഴം” എന്നു വിളിച്ചു. പിൽഗ്രി​മു​കൾ ഇതിനെ ക്രെയ്‌ൻബ​റി​യെ​ന്നാ​ണു വിളി​ച്ചത്‌, ഈ ചെടി​യു​ടെ തണ്ടും പൂക്കളും കൊക്കി​ന്റെ (Crane) കഴുത്തും തലയും പോലെ അവർക്കു തോന്നി​യി​രു​ന്നി​രി​ക്കാം. മാത്രമല്ല, ഈ പഴം അവി​ടെ​യുള്ള കൊക്കു​കൾക്കു പ്രിയ​പ്പെട്ട ഭക്ഷണമാ​യി​രു​ന്നു. ഈ പഴത്തിന്‌ ഇങ്ങനെ പേരു​വ​രാൻ ഇതു മറ്റൊരു കാരണ​മാ​യി​രി​ക്കാം. എന്തായി​രു​ന്നാ​ലും, താമസി​യാ​തെ ഇതിന്റെ പേര്‌ അൽപ്പം പരിഷ്‌ക​രിച്ച്‌ ക്രാൻബറി എന്നാക്കി.

ചതുപ്പു​നി​ല​ത്തു​നി​ന്നാണ്‌ അമരി​ന്ത്യർ ക്രാൻബറി ശേഖരി​ച്ചി​രു​ന്നത്‌. പുല്ലും സസ്യല​താ​ദി​ക​ളും അഴുകിയ, ഈ ചതുപ്പു​പ്ര​ദേ​ശത്തെ മണ്ണിന്‌ അസാധാ​ര​ണ​മായ അമ്ലഗു​ണ​മു​ണ്ടാ​യി​രു​ന്നു. പല ചെടി​ക​ളും ഇവിടെ വളരു​ക​യില്ല. പക്ഷേ, ക്രാൻബറി ഈ മണ്ണിൽ സമൃദ്ധ​മാ​യി വളർന്നു. സ്‌​ട്രോ​ബ​റി​ച്ചെ​ടി​യു​ടെ തണ്ടുകൾ പോ​ലെ​യുള്ള, വളരെ സാവധാ​നം വളരുന്ന വള്ളിക​ളാണ്‌ ഇതിനു​ള്ളത്‌. തെക്ക്‌, ഇന്നത്തെ വിർജീ​നിയ മുതൽ വടക്ക്‌ കാനഡ വരെ ക്രാൻബറി തഴച്ചു​വ​ളർന്നു.

1680-ൽ ന്യൂ ജേഴ്‌സി​യിൽ താമസി​ക്കുന്ന മഹ്ലോൺ സ്റ്റേസി എന്നയാൾ ഇംഗ്ലണ്ടിൽ പാർക്കുന്ന തന്റെ സഹോ​ദ​രന്‌ ഈ പഴം പരിച​യ​പ്പെ​ടു​ത്തി​ക്കൊണ്ട്‌ ഇങ്ങനെ എഴുതി: “ക്രാൻബ​റി​യു​ടെ നിറവും വലുപ്പ​വും ഒക്കെ ചെറി​യു​ടേ​തു​പോ​ലെ​യാണ്‌. ഇത്‌ അടുത്ത സീസൺവരെ സൂക്ഷി​ക്കാൻ കഴിയും. ടർക്കി​ക്കോ​ഴി​യു​ടെ​യും മറ്റു പക്ഷിക​ളു​ടെ​യും മാംസ​ത്തി​ന്റെ കൂടെ കഴിക്കാൻ പറ്റുന്ന ഒന്നാന്തരം സോസ്‌ ഇതിൽനി​ന്നു​ണ്ടാ​ക്കാം. റ്റാർട്ട്‌ ഉണ്ടാക്കാൻ ഗൂസ്‌ബറി, ചെറി എന്നിവ​യെ​ക്കാൾ കേമമാ​ണിത്‌. അമരി​ന്ത്യ​രിൽനി​ന്നു ഞങ്ങൾ ഇതു കുറെ​യേറെ വാങ്ങി വീട്ടിൽ സൂക്ഷി​ച്ചി​ട്ടുണ്ട്‌.”

ഭക്ഷണവും ഔഷധ​വും സംരക്ഷ​ക​വ​സ്‌തു​വും

സംരക്ഷ​ക​വ​സ്‌തു​വാ​യി വർത്തി​ക്കാ​നുള്ള ക്രാൻബ​റി​യു​ടെ പ്രകൃ​തി​ദത്ത ഗുണങ്ങൾ നാട്ടു​കാ​രായ അമരി​ന്ത്യർ ഉപയോ​ഗ​പ്പെ​ടു​ത്തി. ഉണങ്ങിയ മാംസ​മോ മത്സ്യമോ ക്രാൻബ​റി​ചേർത്തു പൊടിച്ച്‌ പെമിക്കൻ എന്നു വിളി​ക്കുന്ന ഒരു ഭക്ഷണപ​ദാർഥം അവർ ഉണ്ടാക്കി​യി​രു​ന്നു. എന്നിട്ട്‌ അത്‌ പരന്ന ചെറിയ കഷണങ്ങ​ളാ​ക്കി വെയി​ല​ത്തു​വെച്ച്‌ ഉണക്കി​യെ​ടു​ക്കും. ദീർഘ​മായ ശൈത്യ​കാ​ലത്ത്‌ അവർക്കു മാംസ്യ​ങ്ങ​ളും ജീവക​ങ്ങ​ളും പ്രദാനം ചെയ്യുന്ന ഒരു സന്തുലിത ആഹാര​മാ​യി​രു​ന്നു ഇത്‌. ധാരാളം പെക്ടിൻ അടങ്ങി​യി​ട്ടു​ള്ള​തി​നാൽ ഈ പഴം നല്ലൊരു സംരക്ഷ​ക​വ​സ്‌തു​വാണ്‌. ഇതിൽ ജീവകം സി സമൃദ്ധ​മാ​യുണ്ട്‌. അതിനാൽ, പോയ വർഷങ്ങ​ളിൽ സ്‌കർവി  രോഗത്തെ തടുക്കാൻ കടൽയാ​ത്ര​ക്കാർ ഈ പഴങ്ങൾ വീപ്പക​ളി​ലാ​ക്കി കൂടെ​ക്കൊ​ണ്ടു​പോ​കു​മാ​യി​രു​ന്നു.

അമരി​ന്ത്യർ ക്രാൻബറി ഔഷധ​മാ​യി​ട്ടും ഉപയോ​ഗി​ച്ചു. രക്തദൂ​ഷ്യം തടയാൻ അവർ ചോള​പ്പൊ​ടി​യിൽ ക്രാൻബറി ചേർത്ത്‌ മുറി​വിൽ വെച്ചി​രു​ന്നു. ക്രാൻബറി ജ്യൂസ്‌ കുടി​ക്കു​ന്നത്‌ മൂത്ര​നാ​ള​ത്തി​ലു​ണ്ടാ​കുന്ന ചില അണുബാധ ചെറു​ക്കാൻ സഹായി​ച്ചേ​ക്കു​മെന്ന്‌ അടുത്ത​കാ​ലത്തെ വൈദ്യ​ശാ​സ്‌ത്ര പഠനങ്ങൾ സൂചി​പ്പി​ക്കു​ന്നു. രോഗ​കാ​രി​യായ ബാക്ടീ​രിയ മൂത്ര​നാ​ളി​യു​ടെ ഭിത്തി​യിൽ പറ്റിപ്പി​ടി​ക്കു​ന്നത്‌ തടയാൻ അതിനു കഴിവു​ണ്ടെ​ന്നാ​ണു പറയ​പ്പെ​ടു​ന്നത്‌.

പഴം കുതി​ച്ചു​പൊ​ങ്ങു​ന്നത്‌ എന്തു​കൊണ്ട്‌?

ഒരു പഴുത്ത ക്രാൻബറി നടുവെ മുറിച്ചു നോക്കി​യാൽ അതിൽ നാല്‌ വായു അറകൾ നിങ്ങൾക്കു കാണാം. വിൽപ്പ​ന​യ്‌ക്കാ​യി ക്രാൻബറി വളർത്തു​ന്ന​വർക്ക്‌ ഈ വായു അറകൾ രണ്ടുവി​ധ​ത്തിൽ സഹായ​ക​മാണ്‌. ഒന്നാമ​താ​യി, വിള​വെ​ടു​പ്പു നടത്തു​മ്പോൾ അവർക്കു പഴങ്ങൾ കൈ​കൊ​ണ്ടു പറി​ച്ചെ​ടു​ക്കേ​ണ്ട​തില്ല, വിളഭൂ​മി നിറയെ വെള്ളം കയറ്റി​യിട്ട്‌ യന്ത്രങ്ങൾ ഉപയോ​ഗിച്ച്‌ ചെടി കുലു​ക്കി​യാൽ മതി. പഴുത്ത ഫലങ്ങൾ താഴെ​വീ​ഴു​മ്പോൾ വായു അറകൾ ഉള്ളതി​നാൽ അവ വെള്ളത്തിൽ പൊങ്ങി​ക്കി​ട​ക്കും. * തുടർന്ന്‌ അവയെ കോരി ശേഖരിച്ച്‌ തരംതി​രി​ക്കു​കയേ വേണ്ടൂ.

വായു അറകൾകൊ​ണ്ടുള്ള രണ്ടാമത്തെ പ്രയോ​ജനം കർഷകർ കണ്ടുപി​ടി​ച്ചത്‌ 1800-കളുടെ അവസാ​ന​മാണ്‌. അതേക്കു​റി​ച്ചുള്ള കഥ ഇങ്ങനെ​യാണ്‌: ഒരു ക്രാൻബറി കർഷകന്റെ കൈയിൽനിന്ന്‌ അവിചാ​രി​ത​മാ​യി ഒരു പാത്രം പഴങ്ങൾ ഗോവ​ണി​പ്പ​ടി​ക​ളിൽ വീഴാ​നി​ട​യാ​യ​ത്രെ. നല്ല പഴങ്ങൾ പടിക​ളി​ലൂ​ടെ കുതി​ച്ചു​പൊ​ങ്ങി താഴെ​യെ​ത്തി​യത്‌ അദ്ദേഹത്തെ ആശ്ചര്യ​പ്പെ​ടു​ത്തി. അതേസ​മയം മൃദു​വാ​യ​തോ ചീഞ്ഞതോ ആയ പഴങ്ങ​ളൊ​ക്കെ ഗോവ​ണി​പ്പ​ടി​ക​ളിൽത്തന്നെ കിടന്നു. ഉള്ളിലെ വായു അറകളാണ്‌ കാറ്റു​നി​റച്ച ഒരു ടയർപോ​ലെ കുതി​ച്ചു​പൊ​ങ്ങാൻ നല്ല ഗുണ​മേ​ന്മ​യുള്ള ഫലങ്ങളെ സഹായി​ച്ചത്‌. എന്നാൽ ഗുണമേന്മ കുറഞ്ഞ​വ​യോ? കാറ്റു​പോയ ടയറു​പോ​ലെ​യും.

ഈ ഫലത്തിന്റെ കുതി​ച്ചു​പൊ​ങ്ങാ​നുള്ള കഴിവു പ്രയോ​ജ​ന​പ്പെ​ടു​ത്തി​ക്കൊണ്ട്‌ 1881-ൽ വിള​വെ​ടു​പ്പി​നാ​യി ആദ്യ യന്ത്രങ്ങൾ രംഗത്തു​വന്നു. ഇന്നും ഈ ഫലങ്ങളെ തരംതി​രി​ക്കുന്ന യന്ത്രങ്ങൾ പണ്ടത്തെ രീതി​ത​ന്നെ​യാ​ണു പിന്തു​ട​രു​ന്നത്‌. ഇത്തരം യന്ത്രത്തി​ന്റെ സഹായ​ത്തോ​ടെ നല്ല പഴങ്ങൾ തിരിഞ്ഞു ശേഖരിച്ച്‌ പഴങ്ങളാ​യി​ത്തന്നെ വിൽക്കു​ന്നു. യന്ത്രത്തി​ലേ​ക്കി​ടു​മ്പോൾ കുതി​ച്ചു​പൊ​ങ്ങാത്ത പഴങ്ങൾ ജ്യൂസ്‌, ജെല്ലി എന്നിവ​യു​ണ്ടാ​ക്കാൻ ഉപയോ​ഗി​ക്കു​ന്നു.

ഐക്യ​നാ​ടു​ക​ളു​ടെ വടക്കു​കി​ഴക്കൻ പ്രദേ​ശ​ത്തും വടക്കു​പ​ടി​ഞ്ഞാ​റൻ പ്രദേ​ശ​ത്തും ഇതിനു​വേണ്ടി പ്രത്യേ​കം തയ്യാർചെയ്‌ത ചതുപ്പു​ക​ളിൽ ഒരു വർഷം 25 കോടി കിലോ​ഗ്രാ​മി​ല​ധി​കം  ക്രാൻബറി ഉത്‌പാ​ദി​പ്പി​ക്കു​ന്നു. അമ്ലഗു​ണ​മുള്ള ഈ ഫലത്തിന്റെ രുചി ഇതുവ​രെ​യ​റി​ഞ്ഞി​ട്ടി​ല്ലെ​ങ്കിൽ, അതൊന്നു രുചി​ച്ചു​നോ​ക്ക​രു​തോ? ഈ ഫലം നിരവധി ജീവക​ങ്ങ​ളു​ടെ​യും ധാതു​ക്ക​ളു​ടെ​യും കലവറ​യാണ്‌. കൂടാതെ ഹൃ​ദ്രോ​ഗം, കാൻസർ എന്നിവ​യ്‌ക്കെ​തി​രെ നിങ്ങളെ സംരക്ഷി​ക്കാൻ കഴിയുന്ന ആന്റിഓ​ക്‌സി​ഡ​ന്റു​കൾ ഇതിൽ സമൃദ്ധ​മാ​യുണ്ട്‌. അതേ, ഈ ഫലം നിങ്ങളു​ടെ കാൽച്ചു​വ​ടു​കൾക്കും ഒരു കുതി​പ്പു​നൽകി​യേ​ക്കും.

[അടിക്കു​റിപ്പ്‌]

[17-ാം പേജിലെ ചതുരം]

വടക്കേ അമേരി​ക്ക​യു​ടെ സ്വന്തമോ?

പരമ്പരാ​ഗ​ത​മാ​യി, ക്രാൻബ​റി​കൾ കൃതജ്ഞതാ പ്രകടന ദിനത്തിൽ തയ്യാറാ​ക്കുന്ന ഭക്ഷണത്തി​ന്റെ ഭാഗമാണ്‌. ഐക്യ​നാ​ടു​ക​ളിൽ ഈ ദിവസം നവംബ​റി​ലെ നാലാ​മത്തെ വ്യാഴാ​ഴ്‌ച​യാണ്‌, കാനഡ​യിൽ ഒക്ടോബർ മാസത്തി​ലെ രണ്ടാമത്തെ തിങ്കളാ​ഴ്‌ച​യും. കഥകൾ അനുസ​രിച്ച്‌, 1621-ൽ പ്ലിമത്ത്‌ കോള​നി​യു​ടെ ഗവർണർ, വില്യം ബ്രാഡ്‌ഫോർഡ്‌ കൃതജ്ഞതാ പ്രകടന ദിനമാ​യി വിരു​ന്നും വിനോ​ദ​വും ഉൾപ്പെട്ട ഒരു ത്രിദിന ആഘോഷം ഏറ്റെടു​ത്തു നടത്തു​ക​യു​ണ്ടാ​യി. അതിൽ പങ്കെടു​ക്കാ​നെ​ത്തിയ ഇന്ത്യക്കാർ തങ്ങളോ​ടൊ​പ്പം ക്രാൻബ​റി​യും കൊണ്ടു​വന്നു. ഈ പഴത്തെ ചുറ്റി​പ്പറ്റി നിരവധി ആചാരങ്ങൾ നിലനിൽക്കു​ന്ന​തി​നാ​ലും വടക്കേ അമേരി​ക്ക​യിൽ, വാണി​ജ്യാ​ടി​സ്ഥാ​ന​ത്തിൽ വളർത്തുന്ന ഏതാനും ഇനങ്ങളിൽ ഒന്നായ​തി​നാ​ലും ഇത്‌ ഈ ഭൂഖണ്ഡ​ത്തി​ന്റെ സ്വന്തമാ​ണെ​ന്നാണ്‌ അനേക​രും ചിന്തി​ച്ചി​രി​ക്കു​ന്നത്‌.

എന്നാൽ, ക്രാൻബ​റി​യെന്ന ഈ ചെറിയ പഴം വടക്കേ അമേരി​ക്ക​യിൽ മാത്രമല്ല ഏഷ്യയി​ലും യൂറോ​പ്പി​ന്റെ വടക്കും മധ്യഭാ​ഗ​ത്തും വളരുന്നു. വടക്കേ അമേരി​ക്ക​യി​ലെ പാചക​ക്കു​റി​പ്പു​ക​ളിൽ മാത്രമല്ല ഈ പഴങ്ങൾ സ്ഥാനം​പി​ടി​ച്ചി​രി​ക്കു​ന്നത്‌. എൻ​സൈ​ക്ലോ​പീ​ഡിയ ബ്രിട്ടാ​നിക്ക പറയുന്നു: “ക്രാൻബറി സോസും ജെല്ലി​യും അമേരി​ക്ക​യു​ടെ സ്വന്തമാ​ണെ​ന്നാ​ണു കരുതി​പ്പോ​ന്നി​രു​ന്നത്‌. എന്നാൽ സ്‌കാൻഡി​നേ​വി​യ​ക്കാർ തങ്ങളുടെ നാട്ടിലെ ലിങ്കോൺബ​റിക്ക്‌ (V. vitis-idaea) അതീവ മൂല്യം കൽപ്പി​ക്കു​ന്നു. ഇത്‌ അമേരി​ക്കൻ ക്രാൻബ​റി​പോ​ലെ​യാണ്‌ (V. macrocarpon), അൽപ്പം​കൂ​ടെ കടുത്ത രുചി​യു​ള്ള​താ​ണെന്നു മാത്രം.”

[15-ാം പേജിലെ ചിത്രം]

ക്രാൻബറി പുഷ്‌പ​ങ്ങൾ

[കടപ്പാട്‌]

Courtesy Charles Armstrong, Cranberry Professional, Univ. of Maine Cooperative Extension, USA

[16, 17 പേജു​ക​ളി​ലെ ചിത്രം]

വെള്ളം​ക​യ​റ്റിയ ചതുപ്പി​ലെ ക്രാൻബറി വിള​വെ​ടുപ്പ്‌

[കടപ്പാട്‌]

Keith Weller/ Agricultural Research Service, USDA

[17-ാം പേജിലെ ചിത്രങ്ങൾ]

വെളുത്ത ക്രാൻബ​റി​യു​ടെ വിള​വെ​ടുപ്പ്‌

[കടപ്പാട്‌]

ഇൻസെറ്റ്‌ ചിത്രങ്ങൾ: Courtesy of Ocean Spray Cranberries, Inc.