വാർധ​ക്യ​ത്തെ മാറ്റി​നി​റു​ത്താ​നാ​കു​മോ?

“ഞങ്ങളുടെ ആയുഷ്‌കാ​ലം എഴുപതു സംവത്സരം; ഏറെ ആയാൽ എൺപതു സംവത്സരം; . . . അതു വേഗം തീരു​ക​യും ഞങ്ങൾ പറന്നു പോക​യും ചെയ്യുന്നു.”—സങ്കീർത്തനം 90:10.

ഒരിക്ക​ലും ഒളിമ​ങ്ങാത്ത മനസ്സും ഓജസ്സുറ്റ ശരീര​വു​മാ​യി, നിത്യ​യൗ​വ​ന​ത്തോ​ടെ ജീവി​ക്കു​ന്ന​തി​നെ​ക്കു​റിച്ച്‌ ഒന്ന്‌ ആലോ​ചി​ച്ചു നോക്കൂ. അതു വെറു​മൊ​രു സ്വപ്‌ന​മാ​ണെന്നു നിങ്ങൾക്കു തോന്നു​ന്നു​ണ്ടോ? അങ്ങനെ​യാ​ണെ​ങ്കിൽ കൗതു​ക​ക​ര​മായ ഈ വസ്‌തുത ശ്രദ്ധി​ക്കുക: ചില ഇനം തത്തകളു​ടെ ആയുസ്സ്‌ നൂറോ​ളം വർഷമാണ്‌, എന്നാൽ ചുണ്ടെ​ലി​ക​ളാ​കട്ടെ അപൂർവ​മാ​യേ മൂന്നു വർഷത്തി​ല​ധി​കം ജീവി​ക്കാ​റു​ള്ളൂ. ആയുർ​ദൈർഘ്യ​ത്തി​ലെ ഇത്തരം ഏറ്റക്കു​റ​ച്ചി​ലു​കൾ ചില ജീവശാ​സ്‌ത്ര​ജ്ഞരെ പിൻവ​രുന്ന നിഗമ​ന​ത്തി​ലെ​ത്താൻ ഇടയാ​ക്കി​യി​രി​ക്കു​ന്നു: വാർധ​ക്യ​ത്തിന്‌ ഒരു കാരണ​മു​ണ്ടാ​യി​രി​ക്കണം, ഇതു ശരിയാ​ണെ​ങ്കിൽ അതിന്‌ ഒരു പരിഹാ​ര​വും ഉണ്ടായി​രി​ക്കാം.

വാർധ​ക്യ​ത്തെ തടയാൻ ഫലപ്ര​ദ​മായ മരുന്നു​കൾ വികസി​പ്പി​ച്ചെ​ടു​ക്കു​ന്ന​തി​നു​വേണ്ടി ഔഷധ കമ്പനികൾ വളരെ​യ​ധി​കം പണം മുടക്കു​ന്നു. തന്നെയു​മല്ല, വാർധ​ക്യ​ത്തി​ന്റെ ഗതി​വേഗം കുറയ്‌ക്കാ​നുള്ള ഒരു വഴി കണ്ടെ​ത്തേ​ണ്ടത്‌ രണ്ടാം ലോക​മ​ഹാ​യു​ദ്ധ​ത്തി​നു​ശേഷം ജനിച്ച, ഇപ്പോൾ 60-കളി​ലേക്കു കാലെ​ടു​ത്തു​വെ​ക്കുന്ന ആളുക​ളു​ടെ വ്യക്തി​പ​ര​മായ ആവശ്യ​മാ​യി​ത്തീർന്നി​രി​ക്കു​ന്നു.

ജനിത​ക​ശാ​സ്‌ത്രം, തന്മാ​ത്രാ​ജീ​വ​ശാ​സ്‌ത്രം, ജന്തുശാ​സ്‌ത്രം, ജെറ​ന്റോ​ളജി (വാർധ​ക്യ​ത്തെ​ക്കു​റി​ച്ചു പഠനം നടത്തുന്ന ശാസ്‌ത്ര​ശാഖ) എന്നീ മേഖല​ക​ളിൽ പ്രവർത്തി​ക്കുന്ന ഗവേഷകർ വാർധ​ക്യ​ത്തെ​ക്കു​റി​ച്ചുള്ള പഠനത്തിന്‌ അതീവ പ്രാധാ​ന്യം നൽകി​ത്തു​ട​ങ്ങി​യി​രി​ക്കു​ന്നു. സ്റ്റീവൻ ഓസ്റ്റാഡ്‌ എഴുതിയ വാർധ​ക്യ​ത്തി​ന്റെ കാരണം (ഇംഗ്ലീഷ്‌) എന്ന പുസ്‌തകം പറയുന്നു: “വാർധ​ക്യ​ത്തെ​ക്കു​റി​ച്ചു പഠിക്കുന്ന ഗവേഷകർ കൂടി​വ​രുന്ന സന്ദർഭ​ങ്ങ​ളിൽ ഇപ്പോൾ അങ്ങേയറ്റം ആകാം​ക്ഷാ​ഭ​രി​ത​മായ അന്തരീ​ക്ഷ​മാണ്‌ ഉള്ളത്‌. വാർധക്യ പ്രക്രി​യ​യു​ടെ മൂലകാ​രണം താമസി​യാ​തെ​തന്നെ ഞങ്ങൾക്കു പിടി​കി​ട്ടും.”

വാർധ​ക്യ​ത്തി​ന്റെ കാരണം സംബന്ധിച്ച്‌ അനേകം സിദ്ധാ​ന്ത​ങ്ങ​ളുണ്ട്‌. കോശ​ഘ​ട​ന​യ്‌ക്ക്‌ ഉണ്ടാകുന്ന തകരാ​റാണ്‌ വാർധ​ക്യ​ത്തി​നു കാരണം എന്നതാണ്‌ അതി​ലൊന്ന്‌. വാർധ​ക്യം ജീനു​ക​ളിൽ എഴുത​പ്പെ​ട്ടി​രി​ക്കു​ന്നു എന്നതാണ്‌ മറ്റൊന്ന്‌. ഇനിയും, ഈ രണ്ട്‌ ആശയങ്ങ​ളും ഉൾപ്പെ​ടു​ന്ന​താണ്‌ ഉത്തര​മെന്ന്‌ മറ്റുചി​ലർ പറയുന്നു. വാർധക്യ പ്രക്രി​യ​യു​ടെ രഹസ്യം നാം എത്ര​ത്തോ​ളം മനസ്സി​ലാ​ക്കി​യി​രി​ക്കു​ന്നു? വാർധ​ക്യ​ത്തെ മാറ്റി​നി​റു​ത്താ​നാ​കു​മെന്നു പ്രതീ​ക്ഷി​ക്കാൻ കാരണ​മു​ണ്ടോ?

 [2, 3 പേജു​ക​ളി​ലെ ചാർട്ട്‌/ചിത്രങ്ങൾ]

(പൂർണ​രൂ​പ​ത്തിൽ കാണു​ന്ന​തിന്‌ പ്രസി​ദ്ധീ​ക​രണം നോക്കുക)

തേനീച്ച

90 ദിവസം

↓

ചുണ്ടെലി

3 വർഷം

↓

നായ്‌

15 വർഷം

↓

കുരങ്ങ്‌

30 വർഷം

↓

ചീങ്കണ്ണി

50 വർഷം

↓

ആന

70 വർഷം

↓

മനുഷ്യൻ

80 വർഷം

↓

തത്ത

100 വർഷം

↓

ഭീമൻ കരയാമ

150 വർഷം

↓

ഭീമൻ സെക്വയ

3,000 വർഷം

↓

ബ്രിസിൽകോൺ പൈൻ

4,700 വർഷം

[3-ാം പേജിലെ ചിത്രം]

ചില തത്തകളു​ടെ ആയുസ്സ്‌ 100-ഓളം വർഷമാണ്‌, എന്നാൽ മനുഷ്യ​രു​ടേ​താ​കട്ടെ ഏകദേശം 80-ഉം. ഗവേഷകർ ചോദി​ക്കു​ന്നു: “വാർധ​ക്യ​ത്തി​നു കാരണ​മെന്ത്‌?”