ഞാൻ വായിക്കേണ്ടത് എന്തുകൊണ്ട്?
യുവജനങ്ങൾ ചോദിക്കുന്നു . . .
ഞാൻ വായിക്കേണ്ടത് എന്തുകൊണ്ട്?
“വായിക്കാനുള്ള ക്ഷമയൊന്നും എനിക്കില്ല. ടിവി കാണുന്നതാണ് എനിക്കിഷ്ടം.” —മാർഗാരിറ്റ, 13, റഷ്യ.
“പുസ്തകം വായിക്കണോ അതോ ബാസ്കറ്റ്ബോൾ കളിക്കണോ എന്നു ചോദിച്ചാൽ, ഞാൻ പറയും എനിക്കു കളിച്ചാൽ മതിയെന്ന്.” —ഓസ്കാർ, 19, ഐക്യനാടുകൾ.
ഇത്രത്തോളം വായിക്കാൻ സമയമെടുത്തതുതന്നെ വായന ആർജിച്ചെടുക്കേണ്ട ഒരു സുപ്രധാന വൈദഗ്ധ്യമാണെന്നു നിങ്ങൾ മനസ്സിലാക്കുന്നതിനാലാകാം. എന്നുവരികിലും, ഒരു പുസ്തകമോ, എന്തിന് മാസികയിലെ ഒരു ലേഖനം പോലും വായിക്കുന്നതിനെ മരുന്ന് കഴിക്കുന്നതുപോലെയായിരിക്കാം നിങ്ങൾ കാണുന്നത്: അതു നല്ലതാണെന്നു നിങ്ങൾക്കറിയാം, പക്ഷേ അത് ഒഴിവാക്കാൻ നിങ്ങൾ ആഗ്രഹിക്കുന്നു.
വായനയുടെ വെല്ലുവിളികളെയും പ്രയോജനങ്ങളെയും കുറിച്ച് 11 രാജ്യങ്ങളിൽനിന്നുള്ള യുവാക്കളുമായി ഉണരുക! അഭിമുഖം നടത്തി. അവരുടെ അഭിപ്രായങ്ങളാണ് തുടർന്നുവരുന്നത്.
യാക്കോബ് 4:8) അതുകൊണ്ട് വായന ഒരു വെല്ലുവിളിയാണെന്നു തോന്നിയാലും മടുത്തു പിന്മാറരുത്!
മുകളിൽ പറഞ്ഞ അഭിപ്രായങ്ങളിൽനിന്ന് ഒരു കാര്യം വ്യക്തമാണ്: വായനയ്ക്ക് നിങ്ങളുടെ ആത്മവിശ്വാസം വർധിപ്പിക്കാനും അറിവിന്റെ ചക്രവാളം വികസിപ്പിക്കാനും കഴിയും. ബൈബിളും ഈ മാസിക ഉൾപ്പെടെ ബൈബിളിനെ ആസ്പദമാക്കി തയ്യാറാക്കിയിരിക്കുന്ന പ്രസിദ്ധീകരണങ്ങളും വായിക്കുന്നത് “ദൈവത്തോടു അടുത്തു ചെല്ലു”ന്നതിനും നിങ്ങളെ സഹായിക്കും. (വായന ഒരു വെല്ലുവിളിയാണെന്ന് നിങ്ങൾ കരുതുന്നത് എന്തുകൊണ്ടാണ്?
“എനിക്ക് അതിന് ഒട്ടുംതന്നെ സമയം കിട്ടാറില്ല.”—സെംസിഹാൻ, 19, ജർമനി.
“വായന ഒരു ബുദ്ധിമുട്ടുപിടിച്ച പണിയാണ്, ഞാനാണെങ്കിൽ അൽപ്പം മടിയുള്ള കൂട്ടത്തിലും.”—എസെക്കിയേൽ, 19, ഫിലിപ്പീൻസ്.
“ബോറടിപ്പിക്കുന്ന വിഷയങ്ങളെക്കുറിച്ചു വായിക്കേണ്ടിവരുന്നത് എനിക്കു വെറുപ്പാണ്.”—ക്രിസ്റ്റ്യൻ, 15, ഇംഗ്ലണ്ട്.
“ചെറിയ ഒരു പുസ്തകമാണെങ്കിൽ എനിക്കതു വായിക്കാൻ തോന്നിയെന്നിരിക്കും; പക്ഷേ വലിയ പുസ്തകം, അതു കാണുന്നതുതന്നെ എനിക്കു പേടിയാണ്.”—എറിക്കോ, 18, ജപ്പാൻ.
“ശ്രദ്ധിച്ചിരിക്കാൻ എനിക്കു വലിയ ബുദ്ധിമുട്ടാണ്, ഒരു ചെറിയ കാര്യം മതി ശ്രദ്ധ പതറാൻ.”—ഫ്രാൻസിസ്കോ, 13, ദക്ഷിണാഫ്രിക്ക.
സങ്കീർത്തനം 1:1-3) നിങ്ങൾക്കതു ബുദ്ധിമുട്ടാണോ? ആണെങ്കിൽ എന്തുകൊണ്ടാണ്?
ബൈബിൾ വായിക്കാൻ ക്രിസ്തീയ യുവാക്കളെ പ്രോത്സാഹിപ്പിച്ചിരിക്കുന്നു. (“ബൈബിൾ ഒരു വലിയ പുസ്തകമാണ്! എന്റെ ആയുഷ്കാലത്ത് അതു വായിച്ചു തീരുമെന്നു തോന്നുന്നില്ല!”—ആന്ന, 13, റഷ്യ.
“ബൈബിളിന്റെ ചില ഭാഗങ്ങൾ അൽപ്പം കട്ടിയാണ്, വായിക്കാൻ അത്ര രസവുമില്ല.”—ജെസ്രീൽ, 11, ഇന്ത്യ.
“ഒട്ടും അടുക്കും ചിട്ടയുമില്ലാത്ത ഷെഡ്യൂളാണ് എന്റേത്. അതുകൊണ്ടുതന്നെ ക്രമമായി ബൈബിൾ വായിക്കുന്നത് എനിക്കു ബുദ്ധിമുട്ടാണ്.”—എൽസ, 19, ഇംഗ്ലണ്ട്.
“എനിക്കതു പ്രയാസമാണ്, വീട്ടിലെ പണിയും പഠനവുമെല്ലാം കഴിഞ്ഞിട്ട് ഒട്ടും സമയം കിട്ടാറില്ല.”—സൂറിസാഡൈ, 14, മെക്സിക്കോ.
“ബൈബിൾ വായന എനിക്കു ബുദ്ധിമുട്ടാണ്, കാരണം ഹോബികൾക്കായി ചെലവഴിക്കുന്ന സമയം വെട്ടിക്കുറയ്ക്കാൻ എനിക്കു കഴിയുന്നേയില്ല.”—ഷോ, 14, ജപ്പാൻ.
ശരിയാണ്, വായന ഒരു വെല്ലുവിളി ആയിരുന്നേക്കാം. എന്നാൽ അതു ശ്രമത്തിനു തക്ക മൂല്യമുള്ളതാണോ? വായന നിങ്ങൾക്ക് എങ്ങനെയാണു പ്രയോജനം ചെയ്തിരിക്കുന്നത്?
“വായന എന്റെ അറിവു വികസിപ്പിച്ചിരിക്കുന്നു. കൂടുതൽ ആത്മവിശ്വാസത്തോടെ ആളുകളോടു സംസാരിക്കാൻ അത് എന്നെ സഹായിക്കുന്നു.”—മോനിഷ, 14, ഇന്ത്യ.
“പ്രശ്നങ്ങൾ ഒക്കെ മറന്ന് തെല്ലൊന്ന് ആശ്വസിക്കാൻ വായന എന്നെ സഹായിക്കുന്നു.”—ആലിസൺ, 17, ഓസ്ട്രേലിയ.
“വായന എന്നെ പുതിയ സ്ഥലങ്ങളിലേക്കു കൂട്ടിക്കൊണ്ടുപോകുന്നു, വായിച്ചില്ലായിരുന്നെങ്കിൽ ഞാൻ ഒരിക്കലും എത്തിപ്പെടില്ലായിരുന്ന ഇടങ്ങളിലേക്ക്.”—ഡൂവാൻ, 19, ദക്ഷിണാഫ്രിക്ക.
“എന്തിനും ഏതിനും മറ്റുള്ളവരുടെ അഭിപ്രായത്തിൽ ആശ്രയിക്കുന്നതിനു പകരം കാര്യങ്ങൾ സ്വയം പരിശോധിച്ചു വിലയിരുത്താൻ വായന എന്നെ സഹായിക്കുന്നു.”—ആബിയൂ, 16, മെക്സിക്കോ.
വായന ആസ്വദിക്കാൻ നിങ്ങളെ സഹായിച്ചിരിക്കുന്നത് എന്താണ്?
“ഉറക്കെ വായിക്കാൻ കുഞ്ഞുന്നാൾമുതലേ മാതാപിതാക്കൾ എന്നെ പ്രോത്സാഹിപ്പിക്കുമായിരുന്നു.”—റ്റാന്യ, 18, ഇന്ത്യ.
“വായിക്കുമ്പോൾ കാര്യങ്ങൾ ഭാവനയിൽ കാണാൻ മാതാപിതാക്കൾ എന്നെ പ്രോത്സാഹിപ്പിച്ചു.”—ഡാനിയെൽ, 18, ഇംഗ്ലണ്ട്.
“സങ്കീർത്തനങ്ങളും സദൃശവാക്യങ്ങളും പോലെ എനിക്ക് ഏറെ ഇഷ്ടമുള്ള ബൈബിൾ പുസ്തകങ്ങൾ വായിച്ചുകൊണ്ടു തുടക്കം കുറിക്കാൻ പിതാവ് എന്നോടു പറഞ്ഞു. ഇപ്പോൾ ബൈബിൾ വായന എത്ര രസമാണെന്നോ, അതു ബുദ്ധിമുട്ടുള്ള ഒരു കാര്യമേ അല്ല.”—ചാരിൻ, 16, ദക്ഷിണാഫ്രിക്ക.
“എനിക്കു നാലു വയസ്സ് ആയപ്പോഴേക്കും സ്വന്തമായി ഒരു മേശയും ബുക്ക്ഷെൽഫും മാതാപിതാക്കൾ എനിക്കായി തന്നു. ഞാൻ പിറന്നുവീണപ്പോൾ മുതൽ അവർ എനിക്കായി കരുതിവെച്ചിരുന്ന പുസ്തകങ്ങൾ എല്ലാം അതിൽ ഉണ്ടായിരുന്നു.”—ആരി, 14, ജപ്പാൻ.
ബൈബിൾ വായിക്കുന്നതു പ്രധാനമാണെന്നു നിങ്ങൾ കരുതുന്നത് എന്തുകൊണ്ടാണ്?
“ബൈബിളിനെക്കുറിച്ച് ആളുകൾ വിശ്വസിക്കുന്ന പല കാര്യങ്ങളും ശരിയല്ല. അതുകൊണ്ട് സത്യാവസ്ഥ അറിയാൻ ബൈബിൾ സ്വയം പരിശോധിച്ചുനോക്കുന്നതാണു നല്ലത്.” (പ്രവൃത്തികൾ 17:11)—മാത്യു, 15, ഐക്യനാടുകൾ.
“ഗൗരവമായ വിചിന്തനം അർഹിക്കുന്ന ഒരു പുസ്തകമാണു ബൈബിൾ. എങ്കിലും അതു വായിക്കുന്നത് എന്റെ വിശ്വാസം സംബന്ധിച്ച് ആത്മവിശ്വാസത്തോടെ, വ്യക്തമായി മറ്റുള്ളവരോടു സംസാരിക്കാൻ എന്നെ സഹായിച്ചിരിക്കുന്നു.” (1 തിമൊഥെയൊസ് 4:13)—ജെയ്ൻ, 19, ഇംഗ്ലണ്ട്.
“യഹോവ നേരിട്ട് എന്നോടു സംസാരിക്കുന്നതുപോലെയാണ് ബൈബിൾ വായിക്കുമ്പോൾ എനിക്കു തോന്നുന്നത്. ചിലപ്പോഴൊക്കെ ഞാൻ വികാരഭരിതനായിപ്പോകും.” (എബ്രായർ 4:12)—ഒബദായ, 15, ഇന്ത്യ.
“യഹോവ എന്നെക്കുറിച്ച് എന്തു വിചാരിക്കുന്നുവെന്നു കാണിച്ചുതരുന്നതോടൊപ്പം ബൈബിൾ എനിക്കു നല്ല ബുദ്ധിയുപദേശവും നൽകുന്നു. അതുകൊണ്ടുതന്നെ ബൈബിൾ വായന ആസ്വദിക്കാൻ പഠിക്കുകയാണു ഞാൻ.” (യെശയ്യാവു 48:17, 18)—വിക്ടോറ്യ, 14, റഷ്യ.
ബൈബിളും ബൈബിൾ പ്രസിദ്ധീകരണങ്ങളും വായിക്കാൻ എപ്പോഴാണു നിങ്ങൾ സമയം കണ്ടെത്തുന്നത്?
“അതിനായി ഞാൻ ഒരു സമയം പട്ടികപ്പെടുത്തിയിട്ടുണ്ട്. രാവിലെ എഴുന്നേറ്റാൽ ഉടൻ ഞാൻ ബൈബിൾ ഒരധ്യായം വായിക്കും.”—ലൈയിസ്, 17, ബ്രസീൽ.
“സ്കൂളിൽ പോകുന്ന വഴി ട്രെയിനിൽ വെച്ച് ഞാൻ ബൈബിളും മറ്റു ക്രിസ്തീയ പ്രസിദ്ധീകരണങ്ങളും വായിക്കും. നാലു വർഷമായി ഞാൻ അങ്ങനെ ചെയ്യുന്നുണ്ട്.”—റ്റായ്ചി, 19, ജപ്പാൻ.
“എന്നും രാത്രി ഉറങ്ങുന്നതിനുമുമ്പ് ഞാൻ കുറച്ചുനേരം ബൈബിൾ വായിക്കും.”—മരിയ, 15, റഷ്യ.
“‘വീക്ഷാഗോപുര’മോ ‘ഉണരുക!’യോ നാലു പേജു വീതം ഞാൻ എന്നും വായിക്കും. അടുത്ത ലക്കം വരുന്നതിനു മുമ്പേ ഒരു മാസിക മുഴുവൻ വായിച്ചു തീർക്കാൻ എനിക്കു കഴിയുന്നുണ്ട്.”—എറിക്കൊ, 18, ജപ്പാൻ.
“എന്നും രാവിലെ സ്കൂളിൽ പോകുന്നതിനു മുമ്പ് ഞാൻ ബൈബിൾ വായിക്കും.”—ജെയിംസ്, 17, ഇംഗ്ലണ്ട്.
ചിന്തിക്കാൻ
◼ നിങ്ങൾ ദൈവവചനം വായിക്കേണ്ടത് എന്തുകൊണ്ട്?
◼ ബൈബിളും ബൈബിളധിഷ്ഠിത പ്രസിദ്ധീകരണങ്ങളും വായിക്കുന്നതിനായി നിങ്ങൾക്ക് എങ്ങനെ “സമയം തക്കത്തിൽ ഉപയോഗി”ക്കാൻ കഴിയും? —എഫെസ്യർ 5:15, 16.
[16-ാം പേജിലെ ചതുരം]
ബന്ധപ്പെടുത്തുക
നിങ്ങളെക്കുറിച്ചും ചുറ്റുപാടുകളെക്കുറിച്ചും അറിയാവുന്ന കാര്യങ്ങളുമായി വായിക്കുന്ന വിവരങ്ങളെ ബന്ധപ്പെടുത്തുക. പിൻവരുന്ന ചോദ്യങ്ങൾ നിങ്ങളോടുതന്നെ ചോദിക്കുക:
◼ വിവരങ്ങളെ വിവരങ്ങളുമായി: ഇവിടെ വിവരിച്ചിരിക്കുന്ന സാഹചര്യങ്ങൾ അല്ലെങ്കിൽ പ്രശ്നങ്ങൾ ഞാൻ മുമ്പു വായിച്ചിട്ടുള്ള പുസ്തകങ്ങളിലോ മാസികകളിലോ കഥകളിലോ ഉള്ളതിനോടു സമാനമാണോ? അതിലെ കഥാപാത്രങ്ങൾക്ക് ഇപ്പോൾ വായിച്ചുകൊണ്ടിരിക്കുന്ന ഭാഗത്തെ കഥാപാത്രങ്ങളുമായി സ്വഭാവരീതികളിൽ സാമ്യമുണ്ടോ?
◼ വിവരങ്ങളെ നിങ്ങളുമായി: ഈ വിവരങ്ങൾ എങ്ങനെയാണ് എന്റെ പ്രശ്നങ്ങളും സാഹചര്യങ്ങളും സംസ്കാരവുമായി ബന്ധപ്പെട്ടിരിക്കുന്നത്? പ്രശ്നങ്ങൾ കൈകാര്യം ചെയ്യാനോ എന്റെ ജീവിതം മെച്ചപ്പെടുത്താനോ ഇവ സഹായിക്കുമോ?
◼ വിവരങ്ങളെ ചുറ്റുപാടുകളുമായി: പ്രകൃതി, പരിതഃസ്ഥിതി, വ്യത്യസ്ത സംസ്കാരങ്ങൾ, സമൂഹത്തിലെ പ്രശ്നങ്ങൾ എന്നിവയെപ്പറ്റി ഈ വിവരങ്ങൾ എന്നെ എന്തു പഠിപ്പിക്കുന്നു? സ്രഷ്ടാവിനെക്കുറിച്ച് ഇത് എന്താണ് എന്നെ പഠിപ്പിക്കുന്നത്?