Amiko miadaa nii

Bichi kũudrãadeeɗa nibasiiɗe “amiko” ira ɓoosii. Mauɗe bichi amikoɗeeba amikorã ãrĩã unu ɓoosii. Bichi biʼiwẽe ɓoosiiɗe mau amiko jʉrʉɗe wãsii. Problema ɓuuɗe ichiaburu “boro ũesãa” akuɓeebisii.

Tiempo baɗakare, bichia kuitaa ɓoosia mau amiko biʼiwẽebasii. Ichia bichi baare wã kʉ̃ria ɓumina, chi nuree ẽbẽrarã bichi ome meraa kʉ̃riaɗakau, jãu amiko miadaa nii bichi ome noremaacha nibai kʉ̃ria ɓuuɗeeba. Ichi baare ãda ɓuu bẽe bichi ãrĩã kuitaa ɓuuka ɓuu sentibarii, bichi jãu baare ãda ɓuuɗeeba bichi kakua ẽpermaika ɓuu. Mauɗe ichiba chi nejarra ãrĩã orroaɓoosii.

Bichia mau amiko ida ɓui kʉ̃ria ɓumina, ichia bichi ida ɓui kʉ̃riawẽe. Ichi bichi chibari kĩraka ɓoosii. Bichia unuwẽebasirã biʼia ãrĩã nibai ɓua.

MAU amiko miadaa chi taaku basii. Earline jãka pasa ɓoosii, ichi cincuenta añoɗeeɗa taaku do basii, ichia jaraɗaa: “Mʉa cigarrillo ira ɓuuɗe, biʼia senti basii. Nau cigarrillo juaɗe ira ɓuubʉrã biʼia sentibarii june ẽberarã ɓoobarii audeara”. Tiempo pasaɗakare ichia kuitaasia cigarrillo amiko miadaa ɓoosii daño ãrĩã asebariiɗeeba. Chi dachia beɗeasiɗau nau artículo erdausiɗauɗe mau Earline pasaɗa baɗa, maamina ichia kawaɗa cigarrillo doyu Dachi Akõre ɗaaɗe miadaa ɓua, mauba dachi kakua ãrĩã jayoabiɗeeba, jãuɗeeba ichia cigarrillo doyu ida ɓuisii (2 Corintios 7:1).

Ara ichika Frank ase ɓoosii, ichi cigarrillo do ɓooɗa baɗa ida ɓuisii Dachi Akõremaa kĩrajʉʉbii baita. Ichi último cigarrillo do ɓoosii, maaɗakare chi colilla cigarrilloɗebena deɗe eɗa choɓea kuɓuumaa ɓaesii, ichia de akare jʉrʉɗe wãɓoosii. Ichia naka jaraɗa: “Mauba mʉ kʉ̃risiabi ɓuu. Mʉʉba ioroɗe de akare chi colilla cigarrilloɗebena jʉrʉ ɓoosiiɗe, miadaa sentisii mʉ kakua jayoa kĩraka ɓuu. Makaeɗeeɗebena mʉa cigarrillo ida ɓuisii”.

¿Sakayua chaarea ãrĩã ɓua cigarrillo ida ɓuiyu? Chi nuree ẽbẽrarã kuitaa nureerãba naka kʉ̃risia panuu: 1) Chi taaku eɗa ira ɓuuɗeeba mauba ẽbẽrarã vicio adaubii ɓua. 2) Ẽbẽrarãba nicotina kũɗeeba ʉ̃buruuɗe boro eɗaa isa wãbarii. 3) Chi ẽbẽra cigarrillo dobarii nii chiko koɗapeɗa beɗea kuɓuumisa junebena ome, domaa ɓuuɗe biɗa, mauɗe biʼia sentibii baita ichi kakuaɗe; ara kapichia jãka asebariiɗeeba cigarrillo ida ɓuyu chaarea ɓuma.

Ara jari Earline mauɗe Frank ome, cigarillo dobadau baɗa ida ɓuisiɗau, jomaurãba ara jãka asei ɓua. Bichia kʉ̃riabʉrã cigarillo dobarii baɗa ida ɓuyu, makarã leaba chi artículo uruuɗebena.