Тиро вороӷо, ай най друӷо

Кала ту санас тэрно, ту уӷанглян кадэлэ «друӷос». Ту лэса санас кабута май взросло, и здэласпэ, кай лэса ту моӷ май ӥто тэ подружыспэ аврэ тэрнэнца. Во всегда «поможыяс» тути, кала сас ԥарэс по ди или кала ту нервичисас, и ту присытелян, кай во всегда поможый тути.

Но сар прожыля время, ту полян, кай тиро «друӷо» най кацаво и лашо. Во камэл, кай ту всегда тэ лэс лэс пэса, дажэ если авэр кадэлэсти най ради. Можэт во и дя тути чуство, кай ту ашэлян май взросло, но када андя проблемы лэ зорэса. Ай инке во чорэл тутар и ловэ.

Послиднё время, ту камэс тэ парашэс лэса тэ дружыс, но во нисар на соӷласийпэ туса. Ту кабута ашэлян лэско рабо и екжэно ужэ най радо, кай сԥанглян лэса пэстири жызня.

ПАЛА кацаво «друӷо» моӷут тэ росԥэнэн бут мануша, савэ цырдэн цыӷарки. Ек жувли Эрлин цырдэлас май бут чем 50 бэрш, и вой ԥэнэн: «Ла цыӷаркаса манди сас фэдэр, чем варикаса анда мануша. Вой сас важ мандэ лашо, ай часто и единствено мэрно друӷо». Но потом Эрлин поля, кай цыӷарка най друӷо, ай вороӷо, тай инке и хытро. Можно тэ ԥэнас, кай о примеро, пала саво пистромэ упрэ, кай цыӷарка сыстойпэ лэ друӷоса, поджал каринг и Эрлин. Но вой, сар уӷангля, кай мануша, савэ цырдэн, терэн ӷрехо англа Дэл, важ кода кай мэлярэн пэстири тила кадэлэса, мэкля кадэя найлащи привычка (2 Коринфянам 7:1).

О Фрэнко тожэ закамля тэ мэкэл тэ цырдэл, важ кода кай ля тэ патял андо Дэл. Но ужэ через ек, дуй дес посли кода, сар во цырдя послиднё цыӷарка, во заӷульдя тала крыльцо, кай пэско цэр, и ля тэ родэл бычкоря па цыӷарки, савэ провалисайлэ тэлэ машкар и доскэ. Во вспоминает: «Андэ кадэва маменто, мэ нэожыдано полэм, саво мэ ашэлэм: мэ ползуисаравас пэ чанга андэ чик важ варисавэ бычкоря!.. Манди сас гряца корко пэстар. Будэр мэ дажэ на лаваспэ каринг и цыӷарки».

Васо лэ манушэсти кадя фартэ ԥарэс тэ мэкэл тэ цырдэл? Учони ԥэнэн най ек причина: 1) табако, саво андэ цыӷарки дэл кацави жэ зависимость, сар и наркотикоря; 2) никотино, саво мануш заԥурдэл кала цырдэл, попэрэл андо мозго ужэ через семь секунд; 3) кадэя привычка кадя зажал андэ жызня, кай би лако мануш ужэ и нэ прецтавляет пэсти сар тэ жувэл: во можэт тэ цырдэл, кала хал, пэл, дэл дума варикаса, кала успокаивает и нервы или варисо кацаво.

Но всаек па кода, со сас ла Эрлинаса и лэ Фрэнкоса, амэ диқас, кай кадэя найлащи привычка мануш можэт тэ мэкэл. Если ту камэс тэ мэкэс тэ цырдэс, проадиносар следущи статьи. Вонэ помоӷут тути тэ стерэс када и тэ лэс тэ жувэс би лэ цыӷаркэнго.