Litaba Za Ku Nyakisisa Ni Lubasi Lwa Mina

Ku Tondahalañi Mwa Siswaniso Se?

Mu bale Genese 13:5-17. Cwale ha mu talime siswaniso se. Ki lika mañi ze tondahala mwateñi? Mu ñole likalabo za mina mwa milaini ye mwatasi. Mu ngungahanye tundolindoli to tu mwa siswaniso se si kwatasi kuli mu feleleze siswaniso seo, mi hasamulaho mu si pende.

1. ․․․․․

2. ․․․․․

[Siswaniso]

(Mu bone hatiso)

LITABA ZA KU AMBOLISANA:

Ki fapano mañi ye ne bile teñi mwahalaa Lota ni Abrahama ni balisana ba mitapi ya bona? Ku si na taba ni litukelo za naa na ni zona, Abrahama naa tahisize cwañi kozo?

TABA: Mu bale Genese 13:7-9.

Kana Abrahama naa zwezipili ku ba ni sikoto kwa pilu sa naa kana a bile ni sona ku Lota?

TABA: Mu bale Genese 14:12-16.

Abrahama naa fuyauzwi cwañi kabakala tulemeno twa hae to ne tu swana ni twa Mulimu?

TABA: Mu bale Genese 13:14-17.

Mu kona ku bonisa cwañi kuli mu batahisi ba kozo?

TABA: Mu bale 1 Makorinte 13:4, 5; Jakobo 3:13-18.

ZA KU EZA SINA LUBASI:

Silama yo muñwi wa lubasi wa kona ku bapala kalulo ya yo muñwi wa batu ba ba bulezwi mwa likande la mwa Bibele le li fahalimu, mi a eze cwalo a sa buleli. Lilama za lubasi ze ñwi kaufela ba swanela ku lika ku ziba kuli silama wa lubasi yo u bapala kalulo ya mutu ufi ya bulezwi mwa likande leo la mwa Bibele.

 Mu Buluke Makadi A mi mu Itute

Mu pume, mu pute fahali, mi mu buluke

KADI YA BIBELE 3 RUTI

LIPUZO

A. Mu feleleze manzwi a, a naa bulezi Ruti ku Naomi: “Sicaba sa hao ikaba . . .”

B. Ruti naa tomile cwañi mutala o munde o ba tokwa ku latelela batu ba ba babalela bakuli ni basupali?

C. Mu ñole manzwi a tondahala mwa milaini ye latelela. Ruti naa nyezwi ki ․․․․․ mi naa bile kukululu wa ․․․․․ ni ․․․․․.

[Chati]

4026 B.C.E. 1 C.E. 98 C.E.

Fa bupelwa Adama Naa pilile mwa lilimo Buka ya mafelelezo mwa

za ma-1200 B.C.E. Bibele ya fezwa ku ñolwa

[Mapa]

Naa zwile mwa Moabi ku ya kwa Betelehema

MOABI

Betelehema

RUTI

ZA BUPILO BWA HAE KA BUKUSWANI

Ne li mbelwa wa Mumoabi ya sepahala ili ya naa tusize mukwenyanaa hae wa musupali ya bizwa Naomi. Lilato le li sepahala la naa bonisize Ruti ku Naomi ni tundamo ya hae mwa ku lapela Jehova ne li mu tiisize ili ku mu konisa ku siya naha ya habo yena ni ku ya kwa Betelehema. Batu ba bañwi ne ba taluselize Naomi kuli, “Mukwenyanaa hao . . . [u] na ni tuso ku fita bana ba bashimani ba ba 7.”—Ruti 4:14, 15.

LIKALABO

A. “. . . sicaba sa ka, mi Mulimu wa hao ibe Yena Mulimu wa ka.”—Ruti 1:16.

B. Ruti naa bonisize moya wa buitomboli ni wa ku sebeza ka taata.—Ruti 2:7, 10-12, 17; 3:11.

C. Boazi, Mulena Davida, Jesu Kreste.—Mateu 1:5, 6, 16.

KADI YA BIBELE 4 ESTERE

LIPUZO

A. Ki mufumahali mañi wa mulena ya naa yolilwe ki Estere?

B. Ha mu feleleze manzwi a mwa Bibele a latelela: “Kaufela ba ba ne ba bona Estere ne ba . . .”

C. Mu ñole manzwi a tondahala mwa milaini ye latelela. Libizo la Estere la Siheberu ne li ․․․․․, mi naa añuzwi ki muhulwanaa hae ya bizwa ․․․․․.

[Chati]

4026 B.C.E. 1 C.E. 98 C.E.

Fa bupelwa Adama Naa pilile mwa lilimo Buka ya mafelelezo mwa

za ma-400 B.C.E. Bibele ya fezwa ku ñolwa

[Mapa]

Estere naa pila mwa Shushani, ili tolopo ye ne i li mwa mubuso wa Mamede ni Maperesia

MEDIA

Shushani

PERESIA

ESTERE

ZA BUPILO BWA HAE KA BUKUSWANI

Ne li ndiala ya naa bile mufumahali wa Mulena Asuerusi wa Peresia. Estere naa beile bupilo bwa hae mwa lubeta ka ku biha taba ya kuli ne ku na ni mutu ya naa lela ku yundisa Majuda. (Estere 4:11, 15, 16) Bundume bwa hae, maseme a hae, ni moya wa hae wa ku ipeya kwatasi ne li za butokwa hahulu ku fita ku buheha kwa hae.—Estere 2:7; 1 Pitrosi 3:1-5.

LIKALABO

A. Vashiti.—Estere 1:12; 2:16, 17.

B. “. . . mu katelwa.”—Estere 2:15.

C. Hadasa (ili ku talusa sicalo), Morodekai—Estere 2:7.

 KADI YA BIBELE 5 ABRAHAMA

LIPUZO

A. Abrahama naa na ni lilimo ze kai ka nako ya pepwa Isaka mwanaa hae?

B. Jehova naa sepisizeñi Abrahama?

C. Mu ñole manzwi a tondahala mwa mulaini o latelela. Kabakala tumelo ya hae ye tuna ni misebezi ya hae, Abrahama naa bizizwe ․․․․․.

[Chati]

4026 B.C.E. 1 C.E. 98 C.E.

Fa bupelwa Adama Naa pilile mwa lilimo Buka ya mafelelezo mwa

za ma-1900 B.C.E. Bibele ya fezwa ku ñolwa

[Mapa]

Naa zwile mwa Ure ku ya kwa Kanana

Ure

Karani

KANANA

ABRAHAMA

ZA BUPILO BWA HAE KA BUKUSWANI

Ne li muuna ya sepahala, ili ya naa zwile mwa munzi o fumile wa Ure ilikuli a eze tato ya Jehova, ku si na taba kuli naa sa zibi kwa naa ka yo pila. (Maheberu 11:8-10) Naa zwezipili ku luta ba ndu ya hae kuli ba “mamele nzila ya Muñaa Bupilo, ba eze niti.” (Genese 18:19) Bibele i mu biza kuli ki yena “ndatahe ba ba lumela kaufela.”—Maroma 4:11.

LIKALABO

A. Naa na ni lilimo ze 100.—Genese 21:5.

B. Macaba kamukana a ka fiwa mbuyoti ka lusika lwa hae.—Genese 22:16-18.

C. “Mulatiwa wa Mulimu.”—Jakobo 2:21-24.

KADI YA BIBELE 6 ABELE

LIPUZO

A. Ki mañi ya naa bulaile Abele?

B. Jehova naa talimile cwañi Abele ni sitabelo sa naa file?

C. Mu ñole manzwi a tondahala mwa mulaini o latelela. Abele naa sebeza sina ․․․․․.

[Chati]

4026 B.C.E. 1 C.E. 98 C.E.

Fa bupelwa Adama Naa pilile mwa lilimo Buka ya mafelelezo mwa

za ma-3900 B.C.E. Bibele ya fezwa ku ñolwa

[Mapa]

Naa pilanga kwande a simu ya Edeni

Simu ya Edeni?

ABELE

ZA BUPILO BWA HAE KA BUKUSWANI

Ne li yena mwana wa bubeli wa bo Adama ni Eva, mi ki yena mutu wa pili ku ba ni tumelo ya ñozwi mwa Bibele. Abele naa file sitabelo sa naa amuhezi Mulimu, mi ka ku eza cwalo naa bonisize kuli naa bata ku shemubiwa ki yena. Nihaike kuli mwa Bibele ha ku na manzwi a kile a bulelwa ki Abele, lu tokwa ku likanyisa mutala wa hae ni tumelo ya hae.—Genese 4:1-11; Maheberu 11:4.

LIKALABO

A. Ne li Kaine, muhulwanaa hae.—1 Joani 3:11, 12.

B. Naa tabezi Abele ni sitabelo sa hae.—Genese 4:4.

C. Mulisana wa lingu.—Genese 4:2.

● Likalabo za “LITABA ZA KU NYAKISISA NI LUBASI LWA MINA” li fa likepe 29

 Likalabo Za Lipuzo Ze Fa Likepe 21

1. Komu.

2. Ngu.