Kapi Rua

Utuutu Anga i te Tamariki Kia Mako

Kare e kore e ko tetai apinga teia kare nga metua e inangaro i te akamanako atu, ia raua e akara ra i ta raua pepe anau ou. Inara ko te tika: Ka maata mai taua manga pepe ra, ka riro mai ei mapu, e ka noo koia anake rai. Kua akakoroia rai kia akapera, i te mea te karanga ra te Pipiria e “e akaruke ei te tangata i tona metua tane e tona metua vaine.” (Genese 2:24) E ka akapera katoa rai te mapu vaine.

Noatu rai, me akaruke te tamaiti me kore tamaine i te ngutuare a taua ra ra, e maata te au metua e apiapi ana. Ka eumiumi ratou e ‘Me kua tau rai taku utuutu anga ia ratou?’ ‘Me ka mou rai aia ki te ngai angaanga, me ka rauka te ngai nooanga, e me ka kite i te akaravarava i te moni?’ Tei puapinga maata atu, ‘Me ka rauka rai taku tamaiti i te akono i te au kaveinga puapinga ta maua i tauta ana i te apii kiaia?’​—Maseli 22:6; 2 Timoteo 3:15.

Ka akaari mai teia itiu takake o te makatini E Ara! e, akapeea te ako a te Pipiria i te tauturu anga i te au metua i roto i te au tuanga ravarai o tona tupuanga mai.