Akaraanga i te Ao

Mei te 17 patene o te tamariki apii i Paratiri e 10 ki te 13 mataiti, te o ana ki te tamatakutakuanga​—me kare koia te tamatakuia ana me kore koia te rave ana i te reira.​—O ESTADO DE SÃO PAULO, PARATIRI.

Te kiteaia nei te toto kake, te vaito teitei o te cholesterol, te kidney stone, e te au maki o te ate i roto i te tamariki 12 mataiti. Te tumu o te manamanata? Oraanga noonoo ua kare e angaanga, maata roa te kai tau kore, e te matu roa.​—ABC, PANIORA.

I Marike, i roto i tetai pamiri e tau ua te moni angaanga, te moni e pou ana i te utuutu i tetai tamaiti tei anauia i te mataiti 2008 e tae ua atu tona mataiti ki te 18, “mei te $221,190 ($291,570, me akatanoia no te inflation),” e akakite ra te tamanakoanga a te kavamani.​—UNITED STATES DEPARTMENT OF AGRICULTURE, MARIKE.

Kua Ngaropoina e Akapeea me Kanga

Karanga e rua ngauru patene o te au metua i Peritane e kua ngaropoina ia ratou “akapeea me kanga ki ta ratou tamariki,” i akakite ei tetai kimikimianga i oti ua akenei. E toru ngauru ma toru patene tei karanga e e iu ana ratou i te kanga, e ko etai kare e taime me kore kare ratou e kite. No runga i teia, karanga te taote kite karape no te manako ko te Poropeta ko Tanya Byron e: “E a au tuanga maata e puapingaia ai te taime kanga o te au metua e te tamariki: te apii, kite i te kimi ravenga, piri ki roto, e te komunikeiti.” Noatu e 1 i roto i te 3 metua e iki ana i te kanga i te au tarekareka vitio ki ta ratou tamariki, inangaro ake te maataanga o te tamariki i te kanga ko ratou anake ua. Maataanga o te tamariki mei te 5 ki te 15 mataiti-te au angaanga e inangaro ana ratou i te piri ki to ratou au metua koia oki te au tarekareka no vao e te pere (board games).

Au Tua no te Taime Moe

Oronga mai tetai pitiniti Initaneti i tetai tauturu no te au papa kare o ratou taime i te tatau i te au tua no te taime moe ki ta ratou tamariki. Akamarama mai te Sydney Daily Telegraph e: “Rekoti te hi-tech software i te reo o te papa e tatau ra i tetai tua no te taime moe, kapiti mai te imene e te au tu tangi, e oti kua imene te reira (audio file) ki te tamaiti.” Ekoko ra oki te aronga kite no runga i te pirianga tangata. “Ko te tatau anga, te o maira te akatupu anga i tetai pirianga ki te tamaiti,” i karanga ai a Dr. Richard Fletcher no te porokaramu kimikimianga no te pamiri, i te Apii Teitei o Newcastle i Autireria. Te o maira te piri atu anga te au papa ki ta ratou tamariki i te takavekave ia ratou, e te katakata kapiti e ratou. Kare roa e aite te puapinga ta te imere i oronga mai ki te noo kapiti anga e te tatau kapiti anga e taau tamaiti, i akakite ei a Fletcher.