Akamaara Rai te Karanga e Meitaki Maata!

EAA te taime openga i tae mai ei tetai reta akameitaki naau? Eaa te taime openga i tuku ei koe i tetai?

Roto i teia ao e komunikeiti ana na roto i te komupiuta, kare te karere akameitaki tei tata rima uaia e rave putuputu akaouia ana. E oti akera, me karanga e “meitaki maata” na roto i te tataanga reta, e mataara meitaki tikai teia i te akameitaki atu i te tangata no to ratou aroa. Teia tetai au manako i te akaari mai e ka akapeea me rave i te reira.

1. E tata rima ua i te reta eiaa e taipi.

2. Taiku i te ingoa o te tangata ka tata atu koe.

3. Me tae mai tetai apinga aroa naau, e taiku e eaa te reira e oti, e akakite atu e ka akapeea koe i te reira.

4. Akameitaki akaou atu i te openga.

Ka rekareka te tangata me tae atu tetai reta akameitaki.

No reira, me meitaki mai tetai tangata kia koe, e me rave mai i tetai mea meitaki e me oronga mai i tetai apinga aroa, akaari i toou mareka maata iaia. E akamaara rai te karanga e meitaki maata!

[Pia/​Au Tutu i te kapi 22, 23]

 Kia Orana Aniti Mary, (2)

Meitaki maata no te ora! (3) Kua taangaanga takere au i te reira, no te moe roa oki iaku. Reka tikai au te kite anga ia koe te epetoma i topa, te irinaki nei au e kua oki meitaki atu koe ki te kainga. Te tapapa atu nei au te kite akaou ia koe.

Te akameitaki akaou atu nei au ia koe no taau apinga aroa! (4)

Taau tamaiti angai,

Ko John

[Tutu]

(1)

[Pia i te kapi 23]

MANAKO TAUTURU

● Eiaa e taiku tika atu i te apinga aroa o te moni. Ei akaraanga, e karanga ra koe e: “Meitaki maata tikai no toou aroa maata. Ka taangaanga meitaki au i te reira . . . ”

● E tuatua ua no runga i te apinga aroa e toou rekareka i te reira. Kare teia i te taime no te tuatua atu i tetai apinga ke.

● Eiaa e kopekope atu me e tarevake tetai i te apinga aroa. Ei akaraanga, kare i te mea tau kia tata e, “Meitaki no te toaster​—kare ra e tau anga i runga i taku kaingakai!”

[Pia i te kapi 23]

Te akamaroiroi maira te Pipiria ia tatou kia akatupu i te tu akameitaki. (Luka 17:11-19) Te ako maira te reira ia tatou e “auraka e tukutuku i te pure” ki te Atua, pera katoa e: “Akameitaki i te Atua i te au mea katoa ra.”​—1 Tesalonia 5:17, 18.