IBUOTIKỌ IKPAEDEM | UFỌN UWEM EMI-E?
Se Se Idin̄wamde Fi Mi
“Ẹtop kpukpru editịmede esịt mbufo ẹdori Abasi ke idem, koro enye ekere aban̄a mbufo.”
Edieke ekerede ke idụhe se imọ ikemede ndinam mban̄a mfịna imọ, emekeme ndikere ke n̄kpa imọ ọfọn akan uwem. Edi se ise ndusụk n̄kpọ emi ẹkemede ndin̄wam fi.
Akam. Ukpubọn̄ke akam n̄kukụre man esịt ana fi sụn̄ m̀mê ke ini enyịn anande fi. Akam edi nneme emi afo enemede ye Jehovah Abasi emi ekerede aban̄a fi. Jehovah oyom fi etịn̄ mfịna fo ọnọ imọ. Bible ọdọhọ ete: “Top mbiomo fo nọ Jehovah, ndien enye ọyọsọn̄ọ fi idem.”—Psalm 55:22.
Bọn̄ akam nọ Abasi idahaemi. Kot enyịn̄ esie, Jehovah, nyụn̄ tịn̄ ikọ nọ enye ke ofụri esịt. (Psalm 62:8) Jehovah oyom afo emehe ye imọ nte ufan. (Isaiah 55:6; James 2:23) Emekeme ndibọn̄ akam nnọ Abasi ini ekededi ye ke ebiet ekededi.
N̄ka America emi ẹdomode nditre uwotidem ẹdọhọ ke ‘ndụn̄ọde oro ẹnamde owụt ke n̄kpọ nte owo 9 ke otu owo 10 emi ẹwotde idem ẹma ẹnyene mfịna ibuot mbemiso ẹwotde idem. Edi owo ikọsọbọke mmọ sia owo mîkọsọpke idiọn̄ọ ke mmọ ẹnyene mfịna emi’
Mbon emi ẹmade fi. Mbon emi ẹyomde fi odu uwem ẹwak; mbonufọk mbufo ye mme ufan fo ẹsịne ke otu emi. Mbon eken emi akananam mûdiọn̄ọke ẹyom fi odu uwem n̄ko. Ke uwụtn̄kpọ, ke ini Mme Ntiense Jehovah ẹkwọrọde ikọ, mmọ ẹsikụt mbon emi ẹdọhọde ke ikoyom owo emi edin̄wamde mmimọ ẹnyụn̄ ẹdọhọ ke ima iduak ndiwot idem. Ndisan̄a n̄kwọrọ ikọ ke ufọk ke ufọk anam mmọ ẹkeme ndin̄wam utọ mbon emi. Mmọ ẹkpebe Jesus ẹnyụn̄ ẹma mme owo. Mmọ ẹma fi n̄ko.—John 13:35.
Mbiausọbọ. Edieke owo ekerede ndiwot idem, emi ọwọrọ ke enye esikop ọkpọsọn̄ mfụhọ. Kûyak bụt anam fi edieke esifụhọde ntem sia ọkpọsọn̄ mfụhọ onyụn̄ etie nte udọn̄ọ. Mme owo ẹkam ẹdọhọ ke ọkpọsọn̄ mfụhọ etie nte obufụp, ndien owo ekededi ekeme ndinyene obufụp. Ntre, ọkpọsọn̄ mfụhọ enyene usọbọ kpa nte obufụp enyenede. *
TI ke owo emi esifụhọde etieti isikemeke nditre utọ mfụhọ emi ke idemesie. Edieke ayakde owo an̄wam fi, eyekeme nditre.
SE AKPANAMDE: Yom eti abiausọbọ emi esin̄wamde mbon emi ẹfụhọde etieti.
^ ikp. eki. 8 Edieke enen̄erede ọdọn̄ fi ndiwot idem mîdịghe utọ n̄kpọ emi esidụk fi esịt ke ubọk ke ubọk, mbọk ka ufọkibọk. Ẹkpep mbiausọbọ nte ẹkpen̄wamde mme owo ntem.
Ekeme Ndidi Ayama Mmọ Emi N̄ko
BIBLE EKEME NDIBỌRỌ MBỤME FO
Ndi Abasi Ayan̄wam Mi Edieke Mbọn̄de Akam?
Ndi mfịna nnyịn ebehe Abasi?
