WEMŪꞌE HAP POPERA | KAT POTE ASOM WAKU ATIꞌYWOPORO TE UHEIG̃NEꞌEN HAP.
Epowȳro hap ti toig̃
Aikotā̃ aikotā̃ aru atunug̃ uiꞌe hap koꞌi atoiat yne epo pe eꞌakag̃ ete Tupana eweiꞌe. Kat pote uikyꞌe kahato hat En waku eweiꞌe. (1 PETERU 5:7)
En apo erenentup saꞌag̃ tuereto wy. Waku poꞌog̃ areꞌauka raꞌyn ere. Katꞌi poꞌog̃ naꞌyn atunug̃ kuap mesūwat yi tote. Uiminug̃ koꞌi pon wakuꞌi yn ni raꞌyn ere pote. Miꞌi pote meig̃muewat ewanentup saꞌag̃ koꞌi hap hep hamo. Kan epowȳro kuap.
Saꞌawyꞌi wuat Hentup hap. Ȳt ehentup teiꞌo Tupana Ieuwa kape aikotā̃ ētiat waku hamo yn sio eꞌarōt turān yn. Toikyꞌesat kahato ehay towȳwo epyꞌa pyi hap. Miꞌi ekyꞌe kahato miꞌi pote toikyꞌesat kahato ehenoi tepiat hap aikotā̃ etiat hap niatpo hap koꞌi. Miꞌi pote ti miotā̃ e Saumu 55:22 tote — Waku ewepotꞌokpun Tupana kape emosoꞌopot hap putꞌokꞌe ēte pote. Miꞌi pote Tupana epowȳro hamo emoesaika hamuat e.
Korā̃ ehentup kuap Tupana Ieuwa kape hawyi ehenoi yne kuap yne ewanentup hap koꞌi hawyi niatpo hap koꞌi. (Saumu 62:8) Miꞌi ewyꞌok wo terān kahato toig̃neꞌen. (Isaia 55:6; Tiaku 2:23) Miꞌi pote waku wuatꞌi eꞌāt pe ehentup hewowi.
Iraniaꞌīn teꞌeruwemūꞌe weꞌauka hap etiat weꞌauka terān haria ȳt teꞌeruweꞌaukaꞌi hamo. Miꞌiria wemūꞌe haria teꞌeroꞌe — Typyꞌi kahato mītꞌīn taꞌatuꞌahū kahato pykai ȳt tuwatꞌi mohag̃ nug̃ haria yat kape sio karāmpeꞌi taꞌatuhuꞌu mohag̃. Miꞌi pote teꞌeruweꞌauka. Maꞌato taꞌatuꞌahū hap ȳt taꞌatukuapꞌi miꞌi pote karāmpeꞌi teꞌeruwat mohag̃ yat kape sio karāmpeꞌi taꞌatuhuꞌu mohag̃. — FUNDAÇÃO AMERICANA.
Typuatꞌi Ewowiat wanentup haria. Ewyriaꞌīn ekyꞌe kahato iꞌewȳte iraniaꞌīn mītꞌīn ȳt emikuap koꞌiꞌi pykai maꞌato miꞌiria ekyꞌe kahato wy. Kotā̃ e hap Ieuwa Ehay Enoi Haria tuwat tuereto netap upi netap upi Tupana Ehay enoi hamo. Miꞌi turān taꞌatuhoꞌopuenti weꞌauka terān haria sio iꞌarōt rakaria. Miꞌi haria taꞌatuhoꞌopowȳro terān kahato. Miꞌiria tunug̃ aikotā̃ Iesui tunug̃ hap ewy. Teꞌeruwanentup kahato mītꞌīn kape iꞌewȳte ewowi wy. (Iuwãu 13:35)
Myẽꞌym muat Mohag̃ nug̃ haria epowȳro kuap wy. Toig̃ ahū aiwanentup saꞌag̃ kaipyiwiat aimoꞌarōt hap. Asuwe weꞌauka terān haria miꞌi hap toig̃. Miꞌi hap eꞌahū pote waku ereto mohag̃ nug̃ haria yat kape hawyi waku hamo ēte. Miꞌi ahū aikotā̃ ukuꞌa ewy. Karāmpe ereto mohag̃ nug̃ haria kape hawyi ehuꞌu mohag̃ hawyi waku raꞌyn ēte hamo. Miꞌi hap ewy hamo ēte poꞌog̃ waku hamo. *
EWANENTUP HAMUAT Toig̃ ewat eꞌahū ewanentup saꞌag̃ kaipyiwiat emoꞌarōt hap. Miꞌi pote kat hamoꞌi eweran neꞌi ereig̃neꞌen waku ehoꞌokāt mowȳro hap. Miꞌi pote ehaig̃te poꞌog̃ hamo.
KORĀ̃ KAN WAKU ETUNUG̃ Waku ereto mohag̃ nug̃ haria yat kape hawyi ehenoi yne eꞌahū ewanentup saꞌag̃ kaipyiwiat eꞌarōt kahato hap. Miꞌiria epowȳro hamo.
^ parágrafo 8 Weꞌauka terān haria wanentup hap teꞌeruweꞌauka terān hap hesaika kahato pote waku taꞌatukāt mowȳro hap sio taꞌatuligaru sio taꞌatusāt kuap número. Waku ewat toig̃ posto de saúde piaria enúmero. Miꞌiria epowȳro hamo ehaig̃teꞌi pote.
Etimowempāp kuap poꞌog̃
DESPERTAI!
Tupana tunug̃ aru e hap koꞌi emowepīt kuap hamo
Tupana Ehay henoi korā̃ wuat hoꞌopot hap koꞌi momã hap etiat.
