MAÃ RESÉ UKUNTARI | AJUDAITA
Aikué ajudaita indé arama
‘Pexari Deus resé pañhe kuá umutaua uaá peñhe, ñhansé umanduari peñhe.’ — 1 PEDRO 5:7.
Amuramé indé reñheẽ: “Ixé aputari amanu!” U amuramé reñheẽ: “Puranga píri ambá se vida irum!” Indé amuramé ti rekuá maã remuñhã reiku arama puranga. Ma, aikué maã upuderi uaá uajudari indé.
Orasão. Ti yamuñhã orasão añhu yayusaã arama puranga, ne yuíri yamuñhã arama añhu arama uaá tempu upé. Ma maié orasão upuderi uajudari indé? Indé represisari rekuntari Deus supé maié reyusaã, ñhansé Deus umuñhakunta ne resé asuí aé uputari usendu indé. Bíblia ukuntari kuaié kuá resé: “Rexári Jeová supé kuá umupurará uaá indé. Aé umuñhakunta ne resé.” — Salmo 55:22, Tradução do Novo Mundo.
Marã ti rekuntari Deus supé kuá ara té? Indé repuderi rembeu ixupé maié reyusaã reiku. Mairamé rekuntari irum, repuderi reusari isera, Jeová, maié yepé ne rumuara yaué. (Salmo 62:8) Asui repuderi rekuntari irum mairamentu indé reputari. — Isaías 55:6; Tiago 2:23.
Miraita ta uyumbué uaá kuaié uaá resé, aintá ta uñheẽ siya miraita ta usikari ta uyuyuká ti reseuara aintá ta ukuá ta uriku kuá masi, asui aintá ti ta usikari ajuda.
Aikué miraita ta uputari uaá ta uajudari indé. Aikué miraita ta ugustari uaá ne resé, maié ne anamaita, ne rumuaraita yuíri. Ma aikué amuita maié yandé Umbeusáita Jeová resé, yapuderi yajudari indé Bíblia irum. Mairamé yambeu ukaita rupi Jeová resé, yapuderi yajudari indé ti arama reyuyuká. Yandé yajudariana amu miraita ta uyusaã uaá maié ne yaué. Marã taá yamuñhã kuaié? Yamuñhã yaué, maié té Jesus umuñha uaá kuera kuxiíma uajudari arama miraita. — João 13:35.
Indé repuderi resikari médikoita ta ukuá uaá kuá masi resé. Mairamé yepé mira uputari uyuyuká, aé upuderi uriku depresãu. Kuá masi uxári yandé yamanduari yandé ti yavaleri ne maã, ape yandé yaputari yayuyuká. Indé ti represisari retiĩ rekuntari kuá masi resé, ñhansé kuá masi maié té pañhe masita yaué. Kuá masi upuderi usasá ne suí, ma indé represisari resikari ajuda. *
REMANDUARI KUÁ RESÉ: Iwasu resu repitá puranga ti ramé resikari ajuda, ma resikari ramé ajuda, indé resu repitá puranga iwasuima píri.
MAÃ REPUDERI REMUÑHÃ KUÍRI TÉ: Repuderi resikari yepé médiko uajudari arama indé ne masi irum.
^ parágrafo 8 Sá ti repituú remanduari reputari reyuyuká, indé rerikuté resikari médikoita ta uajudari arama indé.
Indé repoderi regustari yuíri
DESPERTAI!
Te rembá ne vida — resaru puranga uaá usika
Bíblia umbeu aikué maã puranga uaá usu arama uaá kuri usasá pañhe auá supé.
