Topẽ Vĩ Rá vỹ ẽg mỹ kãmén tĩ, ẽg tỹ nén ũ jagy e nỹtĩ. (Jó 14:1) Ũri ẽg kar vỹ nén ũ jagy kato tẽgtẽ tĩ. Hã ra ũn pipir ag jykre kãki, nén ũ ag pi hã re kã hághá kenh ke mũ. Ã mỹ vẽnh jykre tag nĩ? Topẽ Vĩ Rá vỹ nén ũ há tỹ hẽn ri kenh fã ag to kãmén tĩ, ã kar vẽnh kar mỹ. Ti tỹ tag to kãmén tĩ:

• Topẽ Vĩ Rá vỹ ẽg kanhrãnrãn tĩ, Topẽ tỹ Jeová tóg ẽg mỹ nén ũ há tãvĩ to jykrén mũ. — Gênesis 1:28.

• Topẽ tỹ Jeová tỹ ẽg mỹ vãmén, ti tỹ ẽg ga tag tỹ vẽsỹ ga há han ke mũ. — Isaías 65:21-25.

• Ti tó ja tag tỹ hẽn ri kenh ke mũ mỹr. Topẽ Vĩ Rá vỹ ẽg mỹ ke tĩ, Nén venh ke 21:3, 4 ki:

  “Nĩgja kupri ẽn tá vẽnh vĩ tóg mẽ há tĩ, kỹ tóg: ‘Topẽ tỹ ẽprã ke ag mré ẽmãn hã vẽ,’ he mũ. ‘Ag mré tóg nĩ nĩ ha. Ti tũ vỹ tỹ ag nỹtĩnh ke mũ ha. Topẽ vỹ ag mré nĩnh mũ ha, kỹ tóg tỹ ag Topẽ nĩ sir. Ag kanẽ var tỹ tũꞌ he kãn jé tóg ke mũ ha. Ũ tóg ter mãn ke tũ pẽ nĩ ha. Hã kỹ ũ tóg fe kaj nĩ mãn ke tũ nĩ gé, jagtar ke tũ, kaganh ke tũ. Vẽnh ven mãn ke tũ ti nĩ ha, ẽprã vẽjykre ti,’ he tóg, vẽnh vĩ ẽn ti.”

Nén ũ há tỹ hẽn ri kenh fã tag pi tỹ vẽnh péti nĩ. Topẽ tỹ Jeová vỹ vẽnh kar to há nĩ, kar ti vỹ vẽnh kar tar kãfór nĩ, kỹ tóg ti tó ja ẽn han ke mũ mỹr. Nén ũ há tỹ hẽn ri kenh fã tag kri fim nĩ. Topẽ tó ja ẽn tỹ tỹ nén ũ há tãvĩ nĩ, ã mỹ, ã tỹ rĩr hã ki tĩnh sór jé.

MĨ ẼKRÉN NĨ: Hã re mũn kurã ũ kã ã tỹ há nĩ, kar kurã ũ kã, ã tỹ fe krój nĩ sir. Hã ra nén ũ há ag tỹ ránrán kỹ nỹtĩ, Topẽ Vĩ Rá ki, ag tỹ ã jagãgtãn ke mũ, ã tỹ tar nĩ jé.

ŨRI Ã NE HAN KE MŨ TI: Vãsãn nĩ, ã tỹ nén ũ há tỹ hẽn ri kenh fã ag to kanhrãn jé, Topẽ Vĩ Rá ki. Jeová Kãmén Fã ag mỹ há tĩ jé tóg, ag tỹ ã kanhrãn jé. Ag mré vĩm nĩ, ke tũ nĩn kỹ site jw.org ki vem nĩ. *