WEMŪꞌE HAP POPERA | KAT POTE ASOM WAKU ATIꞌYWOPORO TE UHEIG̃NEꞌEN HAP.
Tupana tunug̃ aru e hap koꞌi emowepīt kuap hamo
Maꞌato mītꞌīn paa iꞌatuꞌe rakaria pe yne mesūwat yi iꞌatupo pe topyhuꞌat. Miꞌi hawyi iꞌatumowepīt hap wakuat nug̃ hap iꞌatuwoꞌowese hap topyhuꞌat. (SAUMU 37:11)
Tupana Ehay toꞌe aheig̃neꞌen hap turān wahoꞌopot kahato rakaria wo watoig̃neꞌen. (Io 14:1) Korā̃ torānia aitoria wahoꞌopot maꞌato iraniaꞌīn teꞌeruwanentup hawe — Uhetiat hoꞌopot hap karāmpe hamoꞌi tokosap iꞌatuꞌe. Miꞌi pote iꞌatuꞌarōt kahato tukupteꞌen. En apo miꞌitā̃ tuereto erenentup wy. Tupana Ehay henoi korā̃ wuat hoꞌopot hap koꞌi momã hap etiat. Kotā̃ e hap.
Nimo pyi ti raꞌyn Tupana Ieuwa tikyꞌesat kahato watoig̃ne-ꞌen mesūwat yi tote wuatꞌi eꞌāt pe woꞌowese hap wȳwo hap. (Ienesi 1:28)
Iꞌewȳte mesūwat yi toimompakup hamo nusuken wo. (Isaia 65:21-25)
Meig̃muewat koꞌi aru e hap koꞌi tuwemoherep hamuat pykai. Tupana Ehay toꞌe Iesui Aru E Hap 21:3, 4 tote toꞌe
— Mītꞌīn topyhuꞌat Tupana ywania wo i raꞌyn e. Wuatꞌi mītꞌīn topyhuꞌat hemītꞌīn no e. AheTupana sese En iꞌatuꞌe i raꞌyn koitywy tope e. Eipe uimempytꞌīn e Tupana iꞌatuepe e. Miꞌi hawyi ȳt eweiwak poꞌog̃ neiꞌo e. Koitywy ti aru ȳt karāmpeꞌi teꞌeruwak poꞌog̃ e. Ȳt katꞌi iꞌatuꞌarōt hap e. Ȳt katꞌi poꞌog̃ haty hap itote e iꞌatuehaig̃te sese itote katupono ȳt katꞌi saꞌawyꞌi wuat ewy e. Ipakup we tukupteꞌen mesup e.
Moꞌopuo erenentup mesūwat aru e hap karāmpe hamoꞌi Tupana Ieuwa tunug̃ ere. Maꞌato miꞌitā̃ hamuat pykai kat pote Ieuwa torānia kawiat hesaika rakat iꞌewȳte miꞌi topotkyꞌe kahato. Miꞌi pote etimohey kuap yne iꞌe hap koꞌi ete. Meig̃muewat koꞌi kape erenentup pote ereꞌauka poꞌog̃ terānꞌi hamo.
HAꞌAG̃KAP WUO ETIKUAP POꞌOG̃ HAMO Ywytu kahato raꞌyn pote mikoi koꞌi ȳ mek ȳ mek iꞌatuꞌe raꞌyn hawyi erewanentup — Meiẽwat mikoi taꞌat hamo sio iꞌyp pikꞌe hamo ere. Maꞌato ȳtꞌi. Kat pote mikoi sapo yi pe iheg̃ me kahato toig̃neꞌen. Miꞌi pote taꞌat kuapꞌi. Miꞌi hap ewy karāmpe ahete putꞌokꞌe niatpo hap koꞌi turān wataꞌatꞌi wy. Maꞌato ahepiat niatpo hap koꞌi watiꞌakit kuap yne kat pote toig̃ Tupana Ehay aipowȳro hamo.
KORĀ̃ KAN WAKU ETUNUG̃ Waku ehoꞌokāt Ieuwa Ehay Enoi Haria. Miꞌiria epowȳro hamo. Tupana Ehay piat aru e hap koꞌi etikuap poꞌog̃ ha-mo sio erēke kuap site jw.org * pe.
^ parágrafo 11 Aikotā̃ meig̃ site jw.org epowȳro kuap. Erēke site jw.org pe hawyi etihanik kuap PUBLICAÇÕES > BIBLIOTECA ON-LINE. Itote etipuenti kuap depressão e hap koꞌi etiat sio suicídio e hap etiat. Maꞌato torānia etimowempāp hamo português pusu puo yn.
Etimowempāp kuap poꞌog̃
SPECIAL CAMPAIGN
Kat pote asom waku eremūꞌe Tupana Ehay ete
Mītꞌīn yi oktān ipuenti raꞌyn iwesat hap koꞌi Tupana Ehay puo pyi. En etikuap terān iwesat hap koꞌi wy.
