Bíblia umbeu miraita ta upurará retana ta vida upé. Yaué té usasá uiku. (Jó 14:1) Kuíri, pañhe yandé yapurará yaiku. Siya miraita ta umaité ti ta usu ta upituú ta upurará. Indé remanduari maié aintá yaué? Te rekua ma resé. Bíblia umbeu aikué maã puranga uaá usu arama uaá kuri usasá pañhe auá supé. Maié:

• Bíblia ukuntari Deus uprumeteri kuera yepé vida puranga uaá miraita supé. — Gênesis 1:28.

• Deus Jeová uprumeteri umupuranga arama kuá mundu. — Isaías 65:21-25.

• Aé usu umuñhã kuá prumesa. Apokalipse 21:3, 4 upé, uñheẽ kuaié:

  ‘Asuí asendu yepé ñheenga tiapu tronu suí umbeu: Deus uiku . . . apigáita irum . . . Deus uiku kuri aintá irum; Deus miraita aintá; Deus kuri uiku kuri aintá irum. Asuí uyusi aintá resá yukisé pañhe. Ti kuri yamaã manusá, ti kuri aintá uyaxiú manusá reseuara, ti kuri yuíri sasiara aintá, ti yuíri kuri aintá upurará sasi, ñhansé usasauana pañhe kuxiímauara.’

Indé repuderi reruiari kuá Deus prumesaita resé. Marã taá? Ñhansé aé ti uganani ne mairamé, asuí aé upuderi umuñhã kuaié, asuí usu umuñhã kuaié, ñhansé usaisu pañhe yandé. Yaué arama, sá reruiari Deus prumesa, ti usu uxári indé reyuyuká.

REMANDUARI KUÁ RESÉ: Yané vida upé, amuramé yaiku puranga, ma amu ara yayusaã sasiara, maié yepé paranã yaué. Yepé paranã, amuramé uiku puranga, ma aikué mairamé uriku siya gapenu. Mairamé aikué igapenu kirimbá, indé reyai isimbiua kiti kutara, asuí repukué ne igara, ti arama resasá puxiuera. Yaué té yuíri, reruiari ramé Deus prumesaita resé, uiku uaá Bíblia upé, ti ta usu ta uxári resasá puxiuera mairamé reyusaã sasiara.

MAÃ REPUDERI REMUÑHÃ KUÍRI TÉ: Resikari rekuá Bíblia prumesaita resé, asuí repuderi resikari yandé, Umbeusáita Jeová resé, mamé indé reviveri uaá reiku, asuí repuderi yuíri reuiké internet upé, site jw.org upé. *