“Chayllaraq naceq wawakunawanqa atikunmanmi imaymanata ruwayta mana wañunankupaq, ichaqa sapa watanmi yaqa kinsa millón hina chayllaraq naceq wawakuna ñawpaq kaq killallapi wañupunku. Chay kinsa millonmanta huk millón mastaqmi nacesqanku p’unchayllapi wañupunku” (Save the Children International).

Public Health England nisqanman hinaqa, 2011 watapin Londres llaqtaq 15 municipionkunapi runakunaq wañusqan astawan yapakurqan aire contaminasqa kasqanrayku. Runakunaqa ninkun “diésel nisqaqa aswan pisitan aireta qhellichan” nispa. Ichaqa chay Londres llaqtapiqa diésel nisqata utilizaq carrokunan astawanqa aireta qhellicharqanku.

2013 watapin Fundación de la Opinión Pública nisqa Rusia nacionpi pachak ortodoxo cristianokunata tapuspa kayta yacharqan: 52 cristianokunan mana hayk’aqpas Bibliata leesqakuchu, 28 cristianokunataq pisillata Diosmanta mañakusqaku.

Banco Mundial nisqanman hinaqa, manan yachakunchu mikhuykunata llank’anapaq chakrakunaq pichus dueñon kasqanta, chayraykun mana llank’ankuchu chay chakrakunapi, chhaynapitaqmi astawan pobre kay yapakushan. Pachantinpiqa 200 millones hectárea chakrakunan kan mana llank’asqa. África ladopin kashan 100 millones hectareakuna, chaywanpas 25 millones hectareakunallapin mikhuykunata llank’anku.

Askha colegiokunapi universidadkunapi iman manaña librokunata utilizashankuñachu, aswanpas tableta nisqakunatan utilizashanku, chaypin tarikun tukuy qelqakuna, estudianankupaq tukuy necesitasqankupas. Chaytaqa ruwanku estudiasqankupi qolqeta ama nishuta gastanankupaqmi, ichaqa wakinqa ninkun “astawanmi qolqe gastakun” nispa.