Bəzi polislərin istifadə etdiyi texnologiya şübhəli şəxsləri təqib edərkən yaranan təhlükəni azaldır. Patrul maşınlarının radiator şəbəkəsinə quraşdırılan pnevmatik (sıxılmış hava ilə işləyən) silah təqib olunan maşının korpusuna yapışan GPS-güllə atır. Bundan sonra şübhəli şəxsləri daha az sürətlə təqib etmək olar.

Hesablamalara görə, cehiz üstündə düşən mübahisələr ucbatından saatda bir qadın qətlə yetirilir. Cehiz alıb-vermək rəsmən qadağan olunsa da, 2012-ci ildə 8200-dən çox qadın qətlə yetirilmişdi. Səbəb? Bəy, yaxud da ailə üzvləri gəlinin gətirdiyi cehizin çox az olduğunu hesab edib.

Üç ağqarın uzunqanada bala çıxardığı yerdə taxılan kiçik göstərici cihaz sayəsində məlum oldu ki, bu quşlar Afrikaya köç edərkən 200 gündən çox dayanmadan uçur. Əvvəllər elə hesab olunurdu ki, hərəkətdə olarkən həyati vacib funksiyaları yerinə yetirmək bacarığı yalnız dəniz heyvanlarına xasdır.

2005-ci ilin aprel ayından 2012-ci ilin dekabr ayınadək quldurlar Afrika buynuzu sahillərindən 179 gəmi qaçırdıblar. Dünya Bankının araşdırmasına görə, quldurlar 413 milyon ABŞ dolları məbləğində fidyə alıblar.