Mapolisi fulani wanatumia teknolojia ili kupunguza hatari wanapofuata motokari. Njia moja ambayo wanajaribu sasa ni vifaa vyenye kutumia hewa vilivyo kwenye sehemu ya mbele ya motokari zao. Vyombo hivyo vinarusha vitu vinavyoweza kutambuliwa na satelite kwenye motokari inayofuatwa. Vitu hivyo vinabana kwenye motokari. Hivyo, mapolisi wanaweza kufuata motokari bila kuwa haraka sana.

Inakadiriwa kama kila saa, mwanamuke mumoja anauawa kwa sababu ya mabishano juu ya mali ya kuoa. Hata ikiwa serikali imekataza desturi ya kupana na kupokea mali hiyo, katika 2012 wanawake zaidi ya 8200 waliuawa kwa sababu bwana ao familia yake iliona kuwa mali ya kuoa ambayo bibi alitoa ilikuwa kidogo.

Vyombo vidogo sana vya kusaidia kutambua mwendo viliwekwa kwenye mbayuwayu watatu wa Milima ya Alps mahali wanatagia mayayi. Vilionyesha kama ndege hao waliruka bila kusimama kwa siku zaidi ya 200 wakati walikuwa wanahamia Afrika. Hapo mbele, iliripotiwa kama wanyama wa bahari tu ndio wangeweza kufanya hivyo.

Washambuliaji wa mashua walishambulia mashua 179 pembeni ya Pembe ya Afrika kuanzia Mwezi wa 4, 2005 mupaka Mwezi wa 12, 2012. Uchunguzi wa Benki Kubwa ya Dunia unaonyesha kama washambuliaji hao walipewa dola milioni 413 ili kuachilia mashua.