BATHO LE DINAGA | BELIZE
Go Etela Belize
BELIZE e na le dilo tse dintsi tse di kgatlhang—dikgwa tsa boboatsatsi le metsi a matala a a dikologileng ditlhaketlhake tse di iphaphathileng le lotshitshi. Tsela e Belize e agegileng ka yone ke lemme fela la dilo tse di kgatlhang ka naga eno.
Naga eno e na le mefuta e e farologaneng ya dinonyane le diphologolo. Dingwe tsa diphologolo tsa yone tsa naga ke dinonyane tsa mebala e mentle (Ramphastos sulfuratus) le dikolobe tsa naga (Tapirus bairdii)—tse di nang le selopo se sekhutshwane e bile ke losika lootshukudu mme di kgona go taboga mo lefatsheng le mo metsing! Gape go na le di-jaguar (Panthera onca) tse di ratang go tshela di le nosi. Tota e bile, Belize ke yone naga ya ntlha e e nang le lefelo le le tlhokomelang di-jaguar.
Belize ke naga ya ntlha go nna le lefelo le le tlhokomelang di-jaguar
Belize e kile ya bo e le karolo ya mafelo a Ba-Maya. Batlhabani ba Ba-Spain ba ne ba goroga ka lekgolo la bo16 la dingwaga mme ba se ka ba fenya Ba-Maya. Moragonyana Baboritane ba ne ba thopa naga eno mme ka 1862 ba e dira kolone ya British Honduras semolao. Ka 1981, Belize e ne ya bona boipuso.
Ba-Belize ba kgatlha fela jaaka naga ya bone. Bontsi jwa batho ba ba nnang koo ke Ba-Creole, Ba-India ba kwa Botlhaba, Ba-Garifuna, Ba-Maya le Ba-Mestizo. Batho ba naga eno ba botsalano e bile ba maitseo. Gantsi fa bana ba bua le bagolo ba re “Mme” kgotsa “Rre,” mme fa ba araba ba re “Ee mma” kgotsa “Nnyaa rra.”
Marekisetso a Toropo ya Belize
Kwa Belize go na le diphuthego tsa Basupi ba ga Jehofa tsa Puo ya Diatla ya Amerika, Se-Creole sa Belize, Seesemane, Sejeremane, Se-China sa Mandarin, Se-Maya (Mopán) le Se-Spain. Ka 2013, mo e ka nnang motho a le 1 go ba le 40 kwa Belize, o ne a nna gone kwa Segopotsong sa loso lwa ga Keresete se se neng se tshwerwe ke Basupi.
A O NE O ITSE? Coral reef ya kwa Belize e boleele jwa dikilometara di feta 290. Ke karolo ya barrier reef ya maemo a bobedi ka bogolo mo lefatsheng mme Great Barrier Reef ya Australia ke yone e kgolo go di gaisa tsotlhe.
Coral reef ya kwa Belize ke karolo ya barrier reef ya maemo a bobedi ka bogolo mo lefatsheng
Tse Dingwe Tse O ka Di Kgatlhegelang
TSOGANG!
Go Etela New Zealand
Le fa gone New Zealand e itlhaotse, bajanala ba ka nna dimilione di le tharo ba a e etela ngwaga le ngwaga. Ba gogelwa ke eng?
TSOGANG!
Go Etela Kazakhstan
Bogologolo Ba-Kazakh e ne e le bakgarakgatshegi e bile ba nna mo teng ga di-yurt. Tsela e ba tshelang ka yone gompieno e bontsha jang setso sa bone sa bogologolo?
TSOGANG!
Go Etela Spain
Spain ke naga e nang le batho ba ditso tse farologaneng. Kwa spain go dirwa olive oil e ntsi go gaisa dinaga tsotlhe.
TSOGANG!
Go Etela Kyrgyzstan
Ba-Kyrgyz ba itsege ka go rata baeng le ka go nna tlotlo. Malapa a bone a ntse jang?
TSOGANG!
Go Etela Uzbekistan
Bala mo go oketsegileng ka naga ya Uzbekistan le ka ditlhaka tse di fetogang tsa naga eno.
