യഹോവയുടെ സാക്ഷികൾ ആരാണ്‌?
വിവിധ വംശീയപശ്ചാത്തലങ്ങളിൽനിന്നുള്ള, വ്യത്യസ്‌ത ഭാഷക്കാരായ ആളുകളാണ്‌ ഞങ്ങൾ. എന്നാൽ ഞങ്ങൾക്കെല്ലാവർക്കും ഒരേ ലക്ഷ്യങ്ങളാണുള്ളത്‌. സകലത്തിന്റെയും സ്രഷ്ടാവായി ബൈബിൾ തിരിച്ചറിയിക്കുന്ന യഹോവ എന്ന ദൈവത്തിന്‌ മഹത്ത്വം കരേറ്റുക എന്നതാണ്‌ ഞങ്ങളുടെ മുഖ്യലക്ഷ്യം. യേശുക്രിസ്‌തുവിനെ അനുകരിക്കാൻ ഞങ്ങൾ സർവശ്രമവും ചെയ്യുന്നു; ക്രിസ്‌ത്യാനികൾ എന്ന്‌ അറിയപ്പെടുന്നതിൽ ഞങ്ങൾ അഭിമാനിക്കുന്നു. ബൈബിളിനെയും ദൈവത്തിന്റെ രാജ്യത്തെയും കുറിച്ച്‌ അറിയാൻ മറ്റുള്ളവരെ സഹായിക്കാൻ ഞങ്ങൾ ശ്രമിക്കുന്നു; ഞങ്ങളോരോരുത്തരും പതിവായി അതിനു സമയം കണ്ടെത്താറുണ്ട്‌. യഹോവയാം ദൈവത്തെയും അവന്റെ രാജ്യത്തെയും കുറിച്ച്‌ സാക്ഷ്യംപറയുന്നതുകൊണ്ടാണ്‌ ഞങ്ങൾ യഹോവയുടെ സാക്ഷികൾ എന്ന്‌ അറിയപ്പെടുന്നത്‌.
ഞങ്ങളുടെ വെബ്‌സൈറ്റ്‌ സന്ദർശിക്കൂ. ബൈബിൾ ഓൺലൈനിൽ വായിക്കാം. ഞങ്ങളെയും ഞങ്ങളുടെ വിശ്വാസങ്ങളെയും കുറിച്ച്‌ കൂടുതൽ അറിയുക.
