Kaykunan yanapasunkiman reparanaykipaq.

¿Mayqenninkun mana fracasarqanchu?

• ÁLEX

  Alexqa honradon, allintan llank’an, sumaq sonqo runan. Paypaqqa kanmi huk negocion, chaywanmi allinta familianta uywan.

• CARLOS

  Carlospaqpas kallantaqmi huk negocion, Alexmantaqa aswan mastaraqmi ganan. Ichaqa hukkunamanta aswan allin kaytan munarqan, chaymi negociollanmanña qokusqanrayku kunanqa sinchi onqosqa tarikun.

• YANET

  Yanetqa allin yuyaysapan, allin estudiaqmi, allin notakunallatan horqokun.

• HELENA

  Helenaqa Yanetmantapas aswan allin notakunataraqmi horqokun; paymi aswan allin notakunayoq hukkunamantaqa. Ichaqa payqa plagiakunmi, paymanqa manan imapas qokunchu estudiayqa.

Sichus nirqanki Carloswan Helenawanmi nispa otaq tawantinkun nispa chayqa, mana fracasaqta hinaqa qhawarinki imata ruwaspapas munasqankuta tariqkunatachá.

Sichus nirqanki Alexwan Yanetwanmi nispa chayqa, imayna llank’asqanta otaq allin kaqta ruwaqkunatachá qhawarinki mana fracasaqta hinaqa. Chaymi imamantapas aswan allinqa, ¿riki? Chaymantapas...

• ... ¿iman aswan allin kanman Yanetpaq? ¿Allin notakunata horqokuychu icha allinta yachaychu?

• ... ¿iman aswan allin kanman Alexpa wawankunapaq? ¿Taytanku imaymanata rantipusqanchu, icha taytankuwan kuska kaychu?

Fracasasqanta mana reparakuqkunaqa qhawarinallapaqmi allin kashanku. Mana fracasaqkunan ichaqa allin ruwaykunata ruwanankupaq kallpachakunku.