IVAKAVUVULI VAKAIVOLATABU: “Meda doka kece na vakawati, me kua tale ga ni vakadukadukalitaki na imocemoce ni vakawati.”​—Iperiu 13:4.

KENA YAGA: So era na kaya ni sa madra na ivakamacala qori. E cala na nanuma qori! Ka mosimosi na tawayalodina nikua me vaka ga e dau yaco ena gauna a volai kina na tikinivolatabu qori.​—Vosa Vakaibalebale 6:34, 35.

E vola e dua na tagane vakawati o Jeke, * e vakaluveni: “E vu ni neirau veiwekani voleka vakaveiwatini na neirau dau yalodina, keirau marau tale ga kina vakalevu. Bibi ena bula vakawati na veinuitaki. Ni dua e sega ni yalodina ena vakaleqai kina na veinuitaki qori”​—ra na vakila tale ga kena revurevu na gone!

A vakavuna ga o Litia me sotava eso na ituvaki ca ena nona bula vakawati. E kaya: “Au vakailala ca. Au qara na marau ena noqu lako tu ena bogi taucoko, au tini lasa sara kina i tuba.” Vakacava, e vakamarautaki koya na bula qori? Rau dau veiba vakaveiwatini, ca kina nona bula. E tomana: “Niu vakasamataka na vakamadua ni noqu itovo, au vakadinadinataka na ka rau dau kaya na noqu qase, ‘Na ilala ca e vakacacana na itovo vinaka.’”—1 Korinica 15:33.

E tomana o Litia: “Ni se bera ni ca sara vakalevu na kequ ituvaki, au veisautaka noqu bula, au vulica na iVolatabu, au muria sara na kena ivakavuvuli.” Cava e yaco? Sega ni kavoro nona bula vakawati, tekivu yalovinaka vua o watina, dokai koya tale ga. E kaya: “Veisautaka noqu bula na ivakavuvuli ni iVolatabu, sega niu veivutunitaka noqu biuta noqu bula makawa kei ira na noqu ilala.”