TUMU PARAU MATAMUA | NA OE ANEI E FAATERE RA I TO OE ORARAA?
Te fifi: Ua rahi roa ta oe ohipa
I TE taime a haapao ai i to metua ruhiruhia, te hinaaro ra te tamarii, te paoti, oia atoa to hoa faaipoipo ia oe. E ere iho â tera te oraraa opuahia, mea rohirohi roa râ. E na ô paha oe, ‘Aita e ravea, te hinaarohia ra vau!’ Eita oe e vetahi ê e maitaihia mai te peu na oe e rave i te mau mea atoa. E nafea ia faanaho faahou i to oraraa?
HIˈORAA BIBILIA: MOSE
O Mose anaˈe te haava o Iseraela i tahito. Ua haapao Mose i tera hopoia ma te manaˈo noa paha e titauhia ia rave te reira. Ua parau atu râ to ˈna metua hoovai tane: “E mea tia ore ta oe e rave na. E pohe oe i te teiaha.” Ua parau oia ia Mose ia vaiiho i te feia aravihi ia haava i te rahiraa o te mau ohipa. Area te mea fifi roa, na ˈna ïa e faaafaro. Eaha tei tupu i muri aˈe? Ua haapapu to Mose metua hoovai tane: “E riro oe i te rave faaoti roa i tana mau parau, e e tae atoa hoi teie mau taataˈtoa i to ratou ra vahi ma te hau.”—Exodo 18:17-23, Te Bibilia Moˈa V.C.J.S. (1976)
TA DELINA I RAVE
Mai tei faaitehia i roto i te tuhaa matamua o teie tumu parau, e maˈi to Delina i te pae o to ˈna mau uaua uira o te haafifi i to ˈna mau mero. Te haapao atoa ra oia i to ˈna na taeae huma e toru. Te na ô ra oia: “No te ore e ahoaho, ua tutava vau i te faaea i te tapitapi i to ananahi e te vaiiho i te ohipa o teie mahana no ananahi atu. Ma te faaite i to ˈu tupuraa, ua tauturu mai vetahi ê, na reira atoa ta ˈu tane. E faataa atoa vau maa taime i te mau poipoi atoa no te atuatu i te aua, mea au roa hoi na ˈu tera ohipa.”
“E tau to te mau mea atoa nei.”—Koheleta 3:1
TA OE E NEHENEHE E RAVE
Ua rahi roa anei ta oe ohipa? A tamata na i to muri nei mau manaˈo no te faanaho faahou i to oe oraraa:
-
A feruri e nehenehe anei te tahi atu taata e tauturu ia oe. Aita anei e tamarii o te noho noa ra i te fare? E fetii aore ra hoa anei te ora ra i te vahi piri i ǒ oe?
-
A faaite eaha te tauturu ta oe e hinaaro. A aparau e te paoti mai te peu ua rahi roa te ohipa e horoahia ˈtu. E ere te auraa e titauhia oe ia faarue i te ohipa. A faataa ˈtu râ eaha te mau fifi ta oe e faaruru ra. E faatano paha oia i te ohipa ia au i to oe tupuraa.
-
A papai i te rahiraa ohipa e titauhia ˈtu i te hebedoma. E nehenehe anei e vaiiho na vetahi ê e rave i te tahi?
-
Eiaha e farii hanoa i te mau titau-manihini-raa. Aita anaˈe e taime aore ra ua rohirohi oe, eiaha e taiâ i te parau ma te mǎrû, aita.
Manaˈo faufaa: Ia tamata oe i te rave i te mau mea atoa, e rohirohi paha te noaa mai e eita hoê noa ˈˈe ohipa e oti.
E au atoa outou . . .
A ARA MAI NA!
E nafea ia faaohipa maitai i to oe taime?
No te faaohipa maitai i to oe taime, a hiˈopoa i to oe oraraa ma te feruri i nia e piti manaˈo. Eaha ïa te reira?
A ARA MAI NA!
E nafea ia rohirohi oe no te rahi o te ohipa?
E maha manaˈo o te tauturu atu ia ore e vaiiho i te ohipa ia tuino ia oe.
TE PARE TIAIRAA
E tamarii huma anei ta oe?
A hiˈo e toru fifi e e nafea te paari o te Bibilia e tauturu ai.
