2014 watapi encuesta ruwasqankupin 61% wayna-sipaskuna 18 watankumanta 25 watankukama kaqkuna niranku: “Mana casarakuspa warmi-qhari puñuyqa ‘manañan problemachu India llaqtapiqa’”, nispa. Juj doctorpas Hindustan Times periodicopi niran: “Wayna-sipaskunaqa warmi-qhari puñuspankuqa manan casarakuypichu piensanku. Juj tutallaña otaq unayña kankuman chaypas manan casarakuypiqa piensankuchu”, nispa.

¿KAYTA TAPUKURANKICHU? Mayqenmi aswan llakikuyta apamuwanchis, onqoytapas contagiawanchis. ¿Casarasqa kaspa warmi-qhari puñuychu icha mana casarasqa kaspa warmi-qhari puñuychu? (1 Corintios 6:18.)

30 watankupi jina kaqkunan familia ukhupi discutisqankurayku astawanqa wañunku. Copenhague Universidadmantan investigacionta ruwaranku 30 watankupi jina kaqkunata. Estudiranku 10.000 runakunata jina 11 watakunapi. Chaypin kayta yachakuran: Familia ukhupi nishuta discutiqkunan astawanqa wañunku pisillata discutiqkunamantaqa. Jujnin investigadoran niran: “Phiñachinakuyta allichaqkunaqa otaq pisillata discutiqkunaqa pisillan wañunku wayna-sipasraq kashaspanku”, nispa.

¿IMA NINMI BIBLIA? “Tajasqa runaqa tupusqallatan [allinta piensaspan] riman, allin reparaqqa samp’a sonqollan” (Proverbios 17:27).

Reqsinakusqanku tiempopi sapa kutilla t’aqanakuspa kutinakuq parejakunaqa, casarakuspapas t’aqanakapullankumansi manaraq ni pisqa watatapas tiyashaspa. Paykunaqa astawansi discutinku, jinaspapas renegasqas kanku casarakusqankumanta. Chay jina kasqantan yacharanku Luisiana llaqtapi 564 chayllaraq casarasqa parejakunata estudiota ruwaspanku.

¿IMA NINMI BIBLIA? “Chayrayku, runaqa Diospa [casarakuypi] jujllachasqantaqa ama t’aqachunchu” (Mateo 19:6).