KIRGHIZSTAN ni inchi yenye kuzungukwa na milima mirefu yenye kufunikwa na glase. Inchi hiyo inapatikana katika Asia ya Kati na inazungukwa na inchi ya Kazakhstan, Uzibekistani, Tajikistan, na China. Karibu sehemu 90 juu ya 100 ya inchi hiyo ni milima. Katika inchi ya Kirghizstan sehemu ya juu sana ya Milima ya Tian Shan inapatikana kwenye metre 7439 juu ya usawa wa bahari. Karibu sehemu 4 juu ya 100 ya inchi hiyo ni pori. Inafurahisha kujua kwamba pori kubwa zaidi ya miti ya mijozi duniani inapatikana katika inchi ya Kirghizstan.

Watu wa inchi ya Kirghizstan wanajulikana kuwa watu wenye kuonyesha heshima na kukaribisha wageni. Katika inchi ya Kirghizstan ni muzuri kutumia neno fulani la pekee lenye kuonyesha heshima wakati unazungumuza na mutu mukubwa. Tena, ni muzuri kuachia mutu mukubwa kiti chako wakati muko katika motokari, na pia kumuachia kiti cha heshima wakati muko kwenye meza.

Kwa kawaida, kila familia iko na watoto tatu ao zaidi. Mara nyingi, mutoto wa mwisho anabakia na wazazi wake, hata kisha kufunga ndoa, na anawachunga wakati wanazeeka.

 Tangu miaka ya chini, watoto wanawake wanafundishwa ufundi mbalimbali ili wajue kuhangaikia nyumba zao wakati wataolewa. Wanakuwa na uwezo wa kufanya mambo yote ya nyumbani mbele wakuwe na miaka 18. Kwa kawaida, zawadi inatayarishwa kwa ajili ya bibi-arusi. Zawadi hiyo inaweza kuwa vitu vya kutandika vya kila namna, aina mbalimbali za nguo, na tapis ya kutia chini yenye ilitengenezwa kwa mikono. Bwana-arusi anapatia jamaa ya bibi-arusi mali. Anaweza kupana feza ao wanyama.

Wakati kunakuwa karamu ao kilio, kondoo ao farasi anachinjwa. Anagawanywa kwa sehemu, na kila sehemu inapewa mutu fulani. Kila mutu mwenye alialikwa anapewa sehemu yake kulingana na miaka na cheo chake. Tena, heshima ni jambo la maana katika desturi hii. Kisha, beshbarmak, chakula chenye kupendwa na watu wengi, kinatolewa. Watu wanakula chakula hicho kwa mikono.