Ri kʼlan taq winäq ri kiyaʼon chkiwäch ma nkijäch ta kiʼ, majun bʼëy nkiquʼ ta nkichüp ruwäch kikʼlanen, y ya riʼ nuʼän chë kan kiʼ kikʼuʼx nkinaʼ. Che kaʼiʼ kiyaʼon chwäch kan chë ma xtkijäch ta kiʼ tapeʼ xa bʼa achkë na xtkiqʼaxaj.

Ye kʼo jojun kʼlaj taq winäq ma nkijäch ta kiʼ rma ki-familia o rma kichiʼil. Ye kʼa, más ütz ma nkijäch ta kiʼ rma kantzij nkajoʼ kiʼ chqä ma nkajoʼ ta nkiqasaj kiqʼij chkiwäch.

RI NAʼOJ NUYAʼ LE BIBLIA: «Ri achï kʼo chë ma nuyaʼ ta qa rixjayil» (1 Corintios 7:11).

«Ri ayaʼon chwäch awan ma najäch ta awiʼ yaturtoʼ rchë ma chanin ta npë ayowal, rchë yakyun chqä rchë nakʼutuj kuyubʼäl mak. Chqä, yaturtoʼ rchë ma najäch ta awiʼ rkʼë akʼlaj rma xa bʼa achkë kʼayewal» (Micah).

Taq ri kʼlan taq winäq ma kiyaʼon ta chwäch kan ma nkijäch ta kiʼ, taq xtkïl jun kʼayewal, rkʼë jbʼaʼ xtkiquʼ chë más ütz ta xkiʼän xekʼleʼ y nkikanuj rubʼanik rchë nkichüp ruwäch kikʼlanen.

«Ye kʼïy winäq yekʼleʼ xa xuʼ rma kitaman chë chkiwäch apü yekowin nkichüp ruwäch kikʼlanen. We xa ke riʼ xaquʼ taq xakʼleʼ, majun bʼëy xayaʼ ta chawäch ma najäch ta wiʼ rkʼë akʼlaj» (Jean).

TAQUʼ KIJ RE KʼUTUNÏK REʼ

¿Achkë anaʼoj nakʼüt taq naʼän chʼaʼoj rkʼë akʼlaj?

• ¿Natzolij awiʼ rma xakʼleʼ rkʼë?

• ¿Naquʼ achkë ta rubʼanik rubʼanon akʼaslemal xa ta xakʼleʼ rkʼë jun chik winäq?

• ¿Naʼij reʼ tzij reʼ che rä «xkatinyaʼ qa» o «xtinkanuj chik jun winäq ri yirajoʼ»?

We xaʼij «jaʼ» chkë jojun chkë re kʼutunïk reʼ, tatjaʼ aqʼij rchë nayaʼ chwäch awan chë majun bʼëy xtajäch ta awiʼ rkʼë akʼlaj.

RCHË YIXTZJON CHIWÄCH

• ¿Nqanaʼ chë xa nqajoʼ nqajäch qiʼ? We ke riʼ, ¿achkë rma?

• ¿Achkë ütz nqaʼän rchë ma nqanaʼ ta ya riʼ?

RI ÜTZ NAʼÄN

• Tatzʼibʼaj jun ru-nota akʼlaj rchë naʼij che rä chë kowan nawajoʼ.

• Tayaʼ ru-fotos akʼlaj akuchï najin yasamäj wä.

• Ronojel qʼij taskʼij äl akʼlaj, rkʼë jbʼaʼ taq kʼo pa rusamaj o taq ma junan ta yïx kʼo.

RI NAʼOJ NUYAʼ LE BIBLIA: «Ri rutnun qa Dios, majun ta jun achï tjachö rchë» (Mateo 19:6).