Biakamnak a tuahmi nuva hna nih an chungkhar kha zungzal ca in an hmuh caah mah nih an innchungkhar ah himnak a umter. A harmi caan hmanhah zungzal in kan umṭi kho lai tiah an zumh.

Nuva cheukhat cu nunphung le chungkhar hneknak ruangah aa ummi an si. Asinain dawtnak le upatnak cungah hrambunh in biakamnak tuah cu a ṭha deuh.

BAIBAL PHUNGLAM: “Pa nih a nupi kha ma hrimhrim hlah seh.”—1 Korin 7:11.

“Innchungkhar ah biakamnak na tuah ahcun fawi tein rawhter na duh lai lo. Na ngaihthiam colh lai i ngaihthiam zong na hal colh lai. Buaibainak hna kha ṭhentertu in si loin dawnkhantu lawngin na hmuh lai.”—Micah.

Biakamnak a tuah lomi nuva cu buaibainak an ton tikah ‘nang le kei cu kan i tlak lo’ tiah ṭhennak lam an kawl kho men.

“Mi tampi cu chungkhar ah hlawhtlinnak kan hmuh lo ahcun kan i ṭhen te lai timi ruahnak he an i ṭhium. I ṭhen khawh a si ko timi ruahnak he ṭhitumnak an tuah caah an biakamnak cu a thawk tein a dor cang.”—Jean.

HITIN I HAL

Bia nan i al tikah . . .

• Amah ka ṭhitmi hi kaa ngaichih maw?

• Midang pakhatkhat he a si ahcun a ṭha deuh lai tiah ka ruat maw?

• “Kaan kaltak lai” asiloah “a ka sunsakmi midang pakhat ka kawl lai” tiah ka ti maw?

Biahalnak pakhat asiloah mah nak tam a si tiah na ti ahcun na biakamnak kha fehter a hau cang.

NA INNCHUNGHAWI HE I RUAH U

• Kan biakamnak kan dorh cang maw? Kan dorh ahcun zeicah?

• Kan biakamnak fehter awkah zeidah kan tuah khawh?

RUAHNAK CHEUHNAK

• Na innchunghawi na dawtnak kha ca tawi tein ṭial law kua

• Na rianṭuannak cabuai ah na innchunghawi hmanthlak chia

• Rian ah asiloah kaa dang i na um tikah na innchunghawi kha phone chawn

BAIBAL PHUNGLAM: “Pathian nih a fonhmi hna cu mi nih an ṭhen awk hna a si lo.”—Matthai 19:6.