KANGGO SUAMI ISTRI
1: Setya
MAKSUDÉ
Pernikahan kuwi kanggo seumur hidup. Makané, wong sing wis nikah kudu setya karo bojoné. Nèk loro-loroné setya, suami istri bakal ngrasa tenang merga ngerti nèk pasangané ora bakal ninggalké meskipun ana masalah.
Suami istri kuduné tetep setya merga sayang karo bojoné, dudu merga wedi nggawé kanca utawa keluargané kecéwa.
AYAT: ”Wong lanang ya ora éntuk ninggalké bojoné.”—1 Korintus 7:11.
”Merga wis janji bakal setya, mesthi ora bakal kepikiran arep njaluk cerai. Pas ana masalah, suami istri mesthi gelem minta maaf lan gelem ngampuni.”—Micah.
NGAPA KOK PENTING
Nèk suami istri wis ora setya, mesthi bakal golèk-golèk cara bèn isa pegatan.
”Akèh wong saiki mikir nèk nikah terus ana masalah, mengko tinggal pegatan waé. Nèk mikir ngono, kuwi berarti janjiné karo bojoné ora tenanan.”—Jean.
KUDU PIYÉ
PIKIRNA
Pas ana masalah . . .
-
Apa aku nyesel wis nikah karo bojoku?
-
Apa aku malah péngin nikah karo wong liya?
-
Apa aku tau ngomong, ”Wis awaké dhéwé cerai waé. Aku butuh wong sing isa luwih menghargai aku”?
Nèk jawabané iya, njenengan kudu éling nèk wis janji bakal setya karo bojoné njenengan.
BAHASEN KARO BOJO
-
Apa awaké dhéwé wis mulai lali karo janji setyané awaké dhéwé pas nikah? Nèk iya, kok isa ngono?
-
Awaké dhéwé kudu piyé bèn isa terus setya?
SARAN
-
Coba nggawéa surat cinta kanggo bojoné njenengan
-
Pajangen fotoné bojoné njenengan ing méja kerja
-
Nèk lagi kerja utawa lagi lunga, kudu ngabari bojoné njenengan
AYAT: ”Apa sing wis didadèkké siji karo Gusti Allah ora éntuk dipisahké manungsa.”—Matius 19:6.
