Анәгори wе йәке ча тәйарван у аликʹарчийе wи ль гора рʹебәрийе дажон у шьхӧлкʹарийе дькьн, мер у жьн жи гәрәке тʹәви һәв шьхӧлкʹарийе бькьн. Һәр кәс жь wана дьбежә «әм», нә кӧ «әз», һәла һе жи чахе чәтьнайи пешда тен.

ПРИНСИПА КʹЬТЕБА ПИРОЗ: «Аwа иди әw нә дӧдӧ нә, ле бәдәнәк ьн» (Мәтта 19:6).

Кристофер дьбежә: «Зәwащеда борщдари ль сәр дӧ мәрийа йә, нә кӧ тʹәне ль сәр йәке. Мер у жьн гәрәке тʹәвайи шьхӧлкʹарийе бькьн, wәки зәwащеда бәхтәwар бьн».

Чахе чәтьнайи пешда тен, һьнге мер у жьн дәwса кӧ проблемед хwә сафи кьн, һәврʹа дькʹәвьнә дәве. Дәрәщед ӧсада проблемед бьчʹук, мәзьн дьбьн.

Александра дьбежә: «Шьхӧлкʹари әw һәйә һʹиме сәрәкә. Һәрге мере мьн у әз һәврʹа шьхӧлкʹарийе нәкьн, һьнге әм дьбьнә wәк щинар йед кӧ маләкеда дьжин. У чахе лазьм бә тьштәки фәрз сафи кьн, wе wанрʹа чәтьн бә».

ХWӘ БЬЩЕРʹЬБИНӘ

• Пʹәред кӧ әз тиньм әз һʹәсаб дькьм, «гьшк йа мьн ә»?

• Сәва кӧ рʹьнд һеса бьм, әз тʹәне дьчьм?

• Әз хwә жь мәрьвед мере хwә йан жьна хwә, дур дьгьрьм?

ТʹӘВИ МЕР ЙАН ЖЬНА ХWӘ ШЕWЬР КӘ

• Кʹижан дәрәщед зәwащеда әм тʹәвайи шьхӧлкʹарийе дькьн?

• Кʹижан алийада әм дькарьн рʹаст бьн?

• Әм кʹижан гава дькарьн бавежьн, сәва кӧ һе рʹьнд шьхӧлкʹарийе бькьн?

ШИРӘТ

• Һәла бьдә һʹәсабе хwә листькәке, кʹидәре кӧ дӧ кәс йа кʹомәке һәврʹа дькʹәвьнә дәwе. Wе дәрәщеда әw кʹом чь гәрәке бькә, сәва кӧ льстькеда нәдә дәр?

• Дәwса кӧ бьфькьри, «әз чаwа сәркʹәвьм», бьфькьрә «чаwа әм һәрд дькарьн сәркʹәвьн»?

Итьн дьбежә: «Бир кә, кʹе рʹаст ә у кʹе на. Зәwащеда әв йәк фәрз нинә, ле әʹдьлайи у йәкти зәwащеда муһим ә».

ПРИНСИПА КʹЬТЕБА ПИРОЗ: «Тʹәне ль кʹара хwә нәгәрʹьн, ле бьра һәр кәс ль кʹара һәвале хwә жи бьгәрʹә» (Филипи 2:3, 4).