BA GORE BA ŠADHIYE
3: Go Hlompa
GO RELA YING
Mo bo ba tseyanneng ba hlompana, baa kwelana le mo go na le tso ba sa kwaneng ka tsona. Puku ya Ten Lessons to Transform Your Marriage yi re, “Bo ba tseyanneng ba gore baa hlompana a ba fo womisa dihlogo mo ba tshwanele ba lukise taba. Mara ba fo ya mahlong ba kene ba bolabodisana ka tso ba sa kwaneng ka tsona. Ba theetsela ba boya hlompa ka mokgo bo ba tseyanneng nabo ba bonang dilo fote baa temeka gore ba thogo segelela dipheto tsa gore di ba berekela ba le ka babedi.”
TŠHIKO YA BAEBELE: “Mo o nyakanana . . . o ka sa nyake tsago o ntoši.”—1 Makorente 13:4, 5.
“Go hlompa mosadi waka di rela gore ke mo tseyela gedimo fote a ke nyake go mo kwisa go baba kela go sinya mošadho wa rune.”—Micah.
KE NTABA GO LE SELO SE SEGOLO
Mo bo ba gore ba šadhiye ba sa hlompane, mo ba bolabodisana ba ka solasolana kela ba tseyelana fase—mekgwa yone ke yo bo ba go nyakolla ba reng yi yikela go hlalana.
“Go tshegisa ka mosadi wago kela go mo kwera, di mo yisa fase, di maka gore a sa sa go tshepa fote di sinya mošadho.”—Brian.
SO O KA SE MAKANG
TIPOMBHOLE
Tseya beke o kene o ntshiye maahlo dikwakweng ga tso o di bolabolang le tso o di makang. Ke mokane o tiputsise gore:
-
‘Ye ke tseyanneng naye ke mo solasoladiye ga kaye, le gore ke mo thanakiye ga kaye?’
-
‘King tso ke di makiyeng go šupetsa gore ye ke tseyanneng naye ke ya mo hlompa?’
BOLABODISANA LE YE O TSEYANNENG NAYE
-
King tso le ka makelanang tsona le tso le ka botsanang tsona tsa gore di ka maka gore ye mongwana le ye mongwana wa lune a tikwe a hlompiwa?
-
King tso le di makang kela tso le di bolabolang tso di makang gore ye mongwana le ye mongwana wa lune a tikwe a sa hlompiwi?
TSO LE KA DI MAKANG
-
Ngwala kararo ya dilo tso o nyakang ba šupetsa ka tsona gore baa go hlompa. Ye o tseyanneng naye le yene a ngwale tsa gage. Neyananeng tso le di ngwadiyeng, ke mokane le karakare ka matla go šupetsa gore le ya hlompana ga tso le di ngwadiyeng.
-
Ngwala tso di go jabodisang ka ye o tseyanneng naye. Ke mokane o mmotse ka mokgo di go jabodisang ka gona.
“Gore ke hlompa monnaka di nyaka ke šupetsa ka tso ke di makang gore ke mo tseyela gedimo fote ke nyaka a dule a jabodiye. Ka nakwenngwana go maka dilo tse dinyana go ka šupetsa gore ke mo hlompa tsa mannete.”—Megan.
O sa llele go hlompiwa, taba ye kgolo ke gore ye o tseyanneng naye di nyaka a tikwe a hlompiwa.
TŠHIKO YA BAEBELE: “Yaparaneng mokgwa wa go kwelana go baba, go loka, go tinyanafatsa, go temeka fote le go lefisa pelo.”—Makolosi 3:12.
