ǁGÛN ǃGAO
5: ǃHoa-ūgus
NĒSA TAE-E RA ǂÂIBASEN
ǃGâise ǁnâuǃāgus ge ǀgam ǀgaugu, hîna omaris khoena ra huiga, ǁîn ǂâi ǀgaugu tsî tsâsiga mîbagu ǀkha.
TAE-I ǃGAO I A ǂHÂǂHÂSA
ǂKham khoen ǀkha ǁnâugus ge a ǃgomǃgâxa ǁkhā. ǀNîsi ǃhaeǁaeb ǃnâ, “du ge sadu ǀgôan di ûib ǃnâ kai ǃnâ-e gere ǀhuru. Tsî ǁîn ǀkha mā xū-i hoa-e gere ǀgoragu. Xawen ge nēsi skola xun ga ǀkhī o, hoa xūna sadu ro mîba. Kain ta khamin ge ǁgûn ǀkha ǀorose ra ǃhoa tsoatsoa. Tsîn ge ǁgûna ǁîn ǀgoan ǂâiǀgaub tsî tsâ ǀgauba ǀū” dis ge ǂkhanis book Breaking the Code sa ra mî .ǀGôan ga sadu ǀkha ǃhoa tama ī xawe nēb ge a ǂhânu ǁae ǁîn ǀkha du nî ǃhoaba.
TAE-E DU NÎ DĪ
ǁGûn ge ǁaeba nî ǁama ǂui ǁîn ǀgôan ǀkha ǃhoas ǃgao. Nēsan ge mā ǁae-i ǀgui-i ai dī ǁkhā-ǃuias ga xawe.
“ǀNîsi du ge ra mî, ‘nēsits ra ǃhoa ǂgao? Tsats ǀkha da ge hoa tsēsa go hâ i.’ Tae-i ǃgaon ǁgûna ǂhā tide ǀgôan ga ǁîn ǀkha ǃhoa ǂgao o, ǃâsa? Nēba a hoa ǁgûn di ǂâiǀgau?”—Lisa.
“Tita ge ti ǁomsa a ǀnâm ,xawe ti ǂkham khoen ǀkha ǃhoas ge kai tsuxuba ra ī.”—Herbert.
ELOBMÎS DAOǁGAUDI: “A-i khoe-i xare-e ǁî-i ǃgâiba tā ôa, î-i mâ-i hoa-e nau-i diba ôa.”—1 Korinteǁîn 10:24.
Tā mā-âmsen re ǂhânîhesa. ǀGui ǁgûb ge ge mî: “ǀNî ǁaegu ai ta ge tita ǀkhara xūn xa ra ǂâi ti ôan ra ǃhoa hîna. ǁÎna da ge a ǂhumiba ǁoa—ǁîn nēsa ra mûǃā amaga”
Nē ǀgauga du ga ūhâ o, o du ge tv’s tsî selfoni tsîna ǀari. Tsî sadu ǀgôan ra mî xūna nî ǃâ. Tsî du ge ǁîna ǁaeba nî ūhâba tsî ǃgâise nî ǃâ, sado i ga ǂhâǂhâsaba tama i xawe.
“Sida ǀgôana da ge nî ǁgau ǁîn tsâsigu sida a ǂhâǂhâsaba ǃkhaisa. ǁÎn ga mû o, ǁîna du ǃâ tamasa tsî ǁîn tsâsigu ǀkha ǁgae tamasa, on, ge ǁîn da tsâ ǀgauba mîba du tite .Tsî ǀnî khoen tawa huiba nî ôa.”—Maranda.
“Tā tsūse tsâ sa ǀgôa-i ga ǃgâi tamase ǂâi tsoatsoa o.”—Anthony.
ELOBMÎS DAOǁGAUDI: “ǂAnbasen ǁnâi, mati du ra ǁnâusa.”—Lukab 8:18.
ǁAeba ǁamaǂui re xūna ǃhoa ǃgaos ǃaroma. ǀNî ǁaen ain ge ǀgôana harase ra ǃhoa, ǁgûn aisīn ga ǂnû tama io.
“ǃNari garu da a, ǁaeb ai da ge ǁnā ǃēsa ra sîsenū. ǂNûxōǀkhā gu hâse tsî ǂnûǃoagu tamase, da ge ǃgâise ra ǃhoaǀhao.”—Nicole.
ǂÛs ǁaeba da ge ǃgâi ǃhoaǀhaos ǃaroma ra sîsenū.
“Kharab ǂûsa da ra ǂû o, o da ge tsēs ǃnâ goro ī ǃgâin tsî tsū xūn xa ra ǃhoa. Nē ǀgaub ge sida ra hui i da ǀguiba māǀhao hâse sîsen ǀhao ǃgomsina da ga hōǃgâ o, ǀguri sîsen tamase.”—Robin.
ELOBMÎS DAOǁGAUDI: ‘A-i ǃhae ǁnâu i nîsa, î-i ǂhau ǃhoa i nîsa.’—Jakobub 1:19.
