Ngẽguma cuacügüü̃ inayanaweꞌãtchiẽẽgu rü cuma nüü̃ nüü̃ nacuaꞌẽẽ rü nanangúeẽẽ. Nhuguacü, nanawaꞌe cuacügüü̃ inayanaweꞌãtchiẽẽ na natoraü̃ẽẽü̃caꞌ i norü natchiecüma. Notürü muũepüꞌcüna, inayanaweꞌãtchiẽẽ niĩ nanangúeẽẽ i buü̃gü taꞌacü naweꞌgu niĩ. Ngemaãcü, cuacügü nüü̃ nacuaꞌ na nhuãcü meã namaẽ tá.

Nhuꞌma i naanearütawa, rü nümaü̃ i papagü rü mamagü tama naacügüü̃ inayanaweꞌãtchiẽẽ. Nümagü rü namuü̃e na ngema nanaü i naacügüü̃ poraãcü nangetchaü̃. Notürü, papagü rü mamagü na cuaꞌcü niĩ rü norü naacügüü̃ nananguꞌẽẽ na nümagüga naĩnüẽgüü̃caꞌ.

“Buü̃gü nanawaꞌe mugü ngemaü̃ na ngẽguma nayaegu cuaꞌcügü niĩgüü̃. Ngẽguma tama naacügüü̃ inayanaweꞌãtchiẽẽgu nawüigu niĩ i wapuru na natauma íraü̃ i totchinüü̃maã nanatotchinüü̃caꞌ i norü topeꞌeruü̃. Ngema wapuru tama meã yaüü̃ rü bemana inayarütau urü inabaü̃.” — Pamela.

Nayanguẽẽ i taꞌacü nüü̃ quiu. Rü tchi cune tama cuga naĩnü, rü nanawaꞌe cuneü̃ inayanaweꞌãtchiẽẽ. Notürü, ngẽguma cune cuga naĩnügu meü̃ i natchigaü̃ niu.

“Guü̃guma meü̃ i tchaacügütchigaü̃ tchiu erü naga naĩnüẽgü woo i nhuꞌma tama natautchagu. Rü tchi guü̃guma torü buü̃güü̃ nicuaꞌüü̃, nacaꞌ yeera nüü̃ natautcha na nüü̃ inayanaweꞌãtchiẽẽü̃caꞌ.” — Christine.

TUPANAARÜ ORE RÜ NHANAGÜRÜ: “Rü yíxema chixexü̃ ǘxe, rü chixexü̃ tá tayaxu. Rü yíxema mexü̃ ǘxe, rü mexü̃ tá nixĩ i tayaxuxü̃.” — Gárataanecü̃ãꞌ 6:7.

Yana naacügümaã naĩnü iĩü̃. Ngẽguma cuneü̃ inayanaweꞌãtchiẽẽgu nagu narüĩnü i nhuꞌre taunecügü cune nangema rü i taꞌacü nüma ga tchieü̃ naü. Rü cunaweꞌ tüꞌcüü̃ cunaü i ngema na nüü̃ narüngü̃ẽẽü̃caꞌ na cune nüü̃ nacuaꞌ na ngema nacaꞌ name niĩ. Wüi cuaꞌãtchiruü̃, bemana cune tama cuga naĩnüe i taꞌacü nüü̃ cunamu i celulartchiga. Ngemacaꞌ, cuma bemana natchuꞌu i celular rüꞌena natautcha nüna cuã írarüwa i tempu na cune celularmaã naĩnücawaꞌe. Notürü, tchi taꞌacü nüma ga naü tama ãũrima tchieü̃ tama nanawaꞌe naoegaãẽ.

“Guü̃guma nagu tcharüĩnü tchi tchaune tama tchoü̃ga naĩnü erü tama nanawaꞌe urü ínatü. Ngẽguma natchiecüma nangemagu tama nawüigu niĩ nane ínatü.” — Wendell.

TUPANAARÜ ORE RÜ NHANAGÜRÜ: “Pa Papágüx, rü tama name i penanuexẽxẽ i pexacügü. Erü ngẽxguma ngẽmaãcü penaxü̱xgux rü ngürüãchi tá nüxü̃́ nawa̱xtümüxü̃ i ngẽxguma cunaxucu̱xẽgu.” — Corochacü̃ãꞌ 3:21.

Ngetchaü̃waꞌecü iĩü̃. Buü̃güü̃ yeera nüü̃ natautcha nanayau na nüü̃ inayanaweꞌãtchiẽẽü̃caꞌ ngẽguma papagü rü mamagü ngetchaü̃waꞌecü niĩgü.

“Yeguma tchaune ga ínatügu guü̃guma nüna tchacuaꞌãtchi na nhuãcü nüma marü meã nüü̃ nauneta i norü maü̃wa. Rü tchaunecaꞌ tchidea na ngema tchieü̃ na ngupetüü̃ rü tama niĩ na nüma tchiecü niĩü̃ rü na guü̃gutáma nüü̃ tarüngü̃ẽẽgü.” — Daniel.

TUPANAARÜ ORE RÜ NHANAGÜRÜ: “Rü yíxema tüxü̃́ nangẽxmaxẽ i ngechaü̃ rü guxchaxü̃maxã yáxna taxĩnü, rü tamecüma.” — 1 Corĩ́tiucü̃ãꞌ 13:4.