Jurhimberantaani sapiichani, arhikuekasïndi arhistakuani, jorhendaani ka ménichani ísï, arhiani sapiichani eska ambe engaksï úka no sési jarhaska. Peru, ístu jindeesti ambakiti pʼindekuechani jorhendaani paraksï ambakiti ambe erakuni úni.

Arini últimu uéxurhiniicha jimbo, taatiichaksï nóteru xáni jurhimberantaasïndi uájpeechani, jimbokaksï chésïnga eskaksï imeecha ísï pʼikuarheraaka eskaksï no ma ambe jukaparharaska. Joperu ambakiti taatiichaksï jorhendaasïndi uájpeechani ambe engaksï uaaka úni ka ambe nómbe ka arhistakuasïndiksï néna engaksï uaaka ísï úni.

“Sapiichaksï uétarhinchasïndi míteni ambeksï uaa úni ka ambe nómbe, para engaksï na kʼéraakia únksï ambakiti ambe erakuni. Engaksï no ísï úska, niáraatiksï no sési uéranchani, ísïiuatiksï eska barku ma enga no jukajka timoni: támisïksï niuati ka no sési nikuauati” (Pamela).

Ísï ú je eskajtsï na uandaaka. Engaksïni chaari sapi no kurhajchaska, arhi je eska no sési nikuaka ka engaksïni kurhajchaska, felisitari je.

“Jimboka iásï nóteru xáni kurhandiranhasïngia, méntkisï felisitariuasïnga juchiiti uájpeechani engajtsïni kurhajchajka. Ka ísï, sánderujtsïni kurhajchasïndi engani jurhimberantaajka” (Christine).

BIBLIERI KARAKATA: “Jimboka iámindu ambe enga ma kʼuiripu júskaaka, indeni ambemindu pʼikuntaati” (Galasia 6:7).

Kurhangukua je. Engajtsï jurhimberantaaka chaari sapini, exe je na enga xáni jatiriika, ambe enga xáni újka úni ka na enga xáni no sési úka. Sáno méntkisï, jiáni jurhimberanhantasïndi nema enga no sési ambe uaaka. Pori ejemplu, enga chaari sapi no ísï úraaka selularini eska chá na arhiaka, uaakajtsï arhini eska nóteru xáni úraakia ma tiempu. Joperu jánguarhinta je no ikiani ísku ambe ma jimbo.

“Méntkisï, jánguarhintasïnga exeni sinirini juchiiti sapi uékani no kurhajchaska o solu jimboka no úska sési úni ambe ma. No májkueniisti jurhimberantani nemani jimboka no kurhandisïnga ka eska jarhuatani kurhanguni eska no sési úska” (Wendell).

BIBLIERI KARAKATA: “Taatiicha, asï ikiataa je chaari sapiichani paraksï ima no kómu pʼikuarherani” (Colosenses 3:21, TNM).

Sési kaa je. Engajtsï uékperakua jingoni jurhimberantaaska chaari sapiichani, íchaksï exeati ka uékaatiksïni kurhajchani ka jorhenguarhiatiksï ima amberi engaksï no sési úka.

“Enga juchaari sapi no sési ueenga ambe ma, méntkisïchi arhisïreenga eskachi sési pʼikuarherasïreenga ambakiti ambe jimbo enga úpkia ka eska enga jánguarhintapiringa sési peentani imani ambe enga úpka seguiripiringa ambakiti kʼuiripu máeni ka eska jucha jarhuatapiringa” (Daniel).

BIBLIERI KARAKATA: “Ima enga uékpijka, tekaantasïndi ka sési útspini” (1 Korintu 13:4).