Gu fugo nga rugute, si rengbe ka du nga ka nungusa boro watadu ka yugopai funi. Ti kura aregbo, si nakoda ka ruga gude ti gau gbegberẽ mangaapai. Ono dedede tie, si nakoda fu wene rabahe fu gude nga gu rengbe ka undo ru u mangi wene adiaberã ni bambatapai.

Rogo gi bawe agarã susi barambeda re, Badungu aborokporo amanganga sunge na arugute gbe te mbiko avungu agude nagunde agunde nga ka i aruga awiri yo, si ima rengba ka sa awiri yo ka i dunga na kido kuti tiyo ya. Ono tie, agu avunguagude du na tatamana, na maa agu arugute fu awiriyo rẽ arẽ tipa kaa raba awiri yo i naandu kutini.

“Si naida i moi ngbanda amaa fu agude nga gu rengbe ka undo yo ho i ka sona ni i ki du ni wene aboro. Ka i aruganga agude ya, i nika manga gbegberẽ adiaberã nga gu rengbe ka ndu nayo sa gbegberẽ sangba na apai.”—Pamela.

Mo ni ruguyo dedede. Ka gude amanganga pai kuti gamo arugute ya, mo fu ambusa afu furu. Ono tie, ka gude amangapai kuti gamo arugapai, mo naatambua ru atambua.

“Mi naatambua awiri dedede tipa ga yo giasangba rogo gi zegino adunga na giasangba gbe rogoho re ya. Pa tambua yo nasaha fuyo taata i di arugute ku gume ho i namangi inga ni.”—Christine.

BANGUA RENGO NGA GA ZIAZIA KEKEAPAI: “Gu he rũ boro kina ha ke ni a.”—AGaratio 6:7

Mo du na ruru bipai. Ho mo afu rugute ni fu gude, si naida mo berãpa garã ru, gau rengba na pai, gbiati bakio gu ingahe u namangihe. Dedede, asangbanapai nga ga gbegberẽ mangapai ima rengba ka du na ome ti ni kurii boro—ni kpiapai, ka si du nga gude amanganga sunge na gau terefuni ngba wene gene te, avunguru ima rengba ka diaha be ru tipa bete regbo. Ti kina gu bangisa regbo re, ani ne gupai nga ka sa gu wiri rukutu apai gude amangaha si da ni bapai.

“Mi naasada ka ino singia gupai wire ni mangihe re ko ni ta ino aino kini mangihe watadu ko ni mangihe mbiko ko naainongo aino nga gbegberẽpai du te. Kparakparapai kina dagba gu kere ingahe si aida aida i rugu gude ti ni na gu ingahe si aida i yuguhe gbua furu nga ingahe du u ni mangihe re.”—Wendell.

BANGUA RENGO NGA GA BAIBIRI: “Ka oni wí nga ngba awironi ni wia ya i ka mbu AKorosaio 3:21.

Mo yugupai rogo nyemuse yo. Si nadu fu agude taata i di arugute ku gume ho i aino gupai ni nga nyemuse du fõ avungu yo i yugu gupai re fuyo.

“Ho wirani naamanga aingahe ni, ani naakido ko nga ani adu na ngbarago na gu wene adiaberã ko amangihe kusayo. Ani naasaka rogo gupai yo fuko nga gu ingahe ko namangihe re si agbarasanga pa rimo ko te ka si du nga ko mangi gu ariapai si aida ko mangihe na ani kinaho tipa ka undoko ko mangihe.”—Daniel.

BANGUA RENGO NGA GA BAIBIRI: “Nyemuse nahi pai ni gbanga ha, ki du na weneringise.”—1 AKorindo 13:4.